काठमाडौँ । नेपाली काँग्रेसको केन्द्रीय कार्यसम्पादन समितिको बैठक आजपनि बस्दैछ । बुधबारदेखि शुरु भएको बैठक आजपनि बस्न लागेको हो ।
बैठक आज बिहान ११ बजेदेखि सानेपास्थित केन्द्रीय कार्यालयमा बस्ने मुख्यसचिव कृष्णप्रसाद पौडेलले जानकारी दिएका छन् ।
बैठकले प्रतिनिधिसभा अन्तर्गतको समानुपातिक उम्मेदवार चयनमा केन्द्रित हुने बताइएको छ । समानुपातिकको सुची बुझाउने आज ४ बजेसम्मको समय रहेकाले काँग्रेसको आजको बैठकले समानुपातिकको सूची टुंगाउने र आयोगमा दर्ता गर्ने प्रवक्ता डा. प्रकाश शरण महत्तले बताएका छन् ।
काठमाडौँ । यसबर्षको ग्लोबल सकर अवार्ड प्रदान गरिएको छ । दुबईमा आयोजित विशेष कार्यक्रममा विश्व फुटबलमा २०२५ मा उत्कृष्ट प्रदर्शन गरेका फुटबलरलाई ग्लोबल सकर अवार्ड प्रदान गरिएको हो ।
फ्रान्स र पीएसजीका फरवार्ड उसमान डेम्बेले बर्षको उत्कृष्ट फुटबलरको अवार्डबाट सम्मानित भएका छन् । त्यस्तै महिला उत्कृष्ट खेलाडीमा स्पेन र बार्सिलोनाकी फरवार्ड एइताना बोनमति बनेकी छन् ।
त्यस्तै ग्लोबल सकरको उत्कृष्ट प्रशिक्षकको अवार्ड पीएसजीका प्रशिक्षक लुइस इनरिकले पाएका छन् ।
त्यस्तै पिएसजीका पोर्चुगल र पीएसजीका भिटीन्हाले बर्षको उत्कृष्ट मिडफिल्डरको अवार्ड जितेका छन् भने स्पेन र बार्सिलोनाका लामिन यमलले बर्षको उत्कृष्ट फरवार्डको अवार्ड जितेका छन् । त्यस्तै डेसिरे डुएले उत्कृष्ट इमर्जिङ खेलाडीको अवार्ड जितेका छन् ।
त्यसैगरी अल नासरबाट खेलिरहेका पोर्चुगलका क्रिस्टियानो रोनाल्डोले मिडल इस्टको उत्कृष्ट खेलाडीको अवार्ड दिइएको छ । त्यस्तै ग्लोबल सकर अवार्डमा पोर्चुगलले उत्कृष्ट राष्ट्रिय टिमको अवार्ड जितेको छ । यस अवार्ड कार्यक्रममा टेनिस खेलाडी नोभाक जोकोभिचलाई ग्लोब स्पोर्ट्स अवार्ड प्रदान गरिएको थियो ।
काठमाडौँ । राष्ट्रिय स्वतन्त्र पार्टी (रास्वपा) ले बालेन शाहसँग भएको बृहत एकतासम्बन्धि सहमति केन्द्रीय समितिबाट अनुमोदन गरेको छ ।
आइतबार बसेको केन्द्रीय समितिको विशेष बैठकले राष्ट्रिय स्वतन्त्र पार्टी तथा बालेन शाहबीचको ‘बृहत एकता’ सम्बन्धि सहमति’ अनुमोदन गरेको महामन्त्री कविन्द्र बुर्लाकोटीले जानकारी दिएका छन् ।
रास्वपाले यो सहमति राष्ट्रहितका लागि बृहत आँट, त्याग र आशा प्रतिबिम्बित गर्ने उक्त सहमतिको पालनाबाट मुलुकमा व्याप्त भ्रष्टाचार, वेथिति र कुशासनको जालो च्यातेर सुशासन, समुन्नति, लोकतन्त्र र सामाजिक न्याय सहितको अवस्था स्थापना गर्ने दिशातर्फ उन्मुख हुने अपेक्षा गरेको स्पष्ट गरेको छ ।
साथै रास्वपाले बृहत एकता सम्बन्धी सहमति सम्मानसाथ पूर्ण कार्यान्वयन गर्ने प्रतिबद्धता समेत व्यक्त गरेको छ ।