काठमाडौँ । जारी पीएम कप अन्तर्गत नेपाली पुलिस क्लबले एपीएफ क्लबलाई फराकिलो अन्तरले पराजित गरको छ ।

मंगलबार सम्पन्न खेलमा पुलिस क्लबले एपीएफलाई १८५ रन अन्तरले पराजित गरेको हो ।

पुलिस क्लबले दिएको ३५६ रनको विशाल लक्ष्य पछाएको एपीएफले ४४ ओभरमा अल आउट हुदै १७० रन मात्र बनाएको थियो । एपीएफका लागि नन्दन यादवले सर्बाधिक ४४, कमल सिंह ऐरीले ३५ र सन्दीप जोराले २४ रन बनाएका थिए ।त्यस्तै नेपाल पुलिस क्लबका ललित राजबंशीले ३ विकेट लिए भने करण केसी, रशिद खान र दिनेश खरेलले २-२ विकेट लिएका थिए ।

यसअघि टस हारेर पहिला ब्याटिंग गरेको पुलिस क्लबले ५० ओभरमा ९ विकेट गुमाएर ३५५ रन बनाएको थियो ।

पुलिस क्लबका लागि शंकर रानाले सर्बाधिक ६१ रन बनाएका थिए भने दिनेश खरेलले ६०, दिलसाद अलीले ५१, आरिफ सेखले ५०, रशिद खानले ४४, अमित श्रेष्ठले ३९ रन बनाएका थिए । त्यसैगरी एपीएफका बलर कमल सिंह ऐरी र अमर राउतेलाले २-२ विकेट लिएका थिए ।

Read More

काठमाडौँ । अख्तियार दुरुपयोग अनुसन्धान आयोगले बझाङस्थित सडक निर्माणमा अनियमितता गरेको आरोपमा पाँच जनाविरुद्ध विशेष अदालतमा आरोपपत्र दायर गरेको छ । 

बित्थडचिर गाउँपालिका–९ अन्तर्गत बागथला–धारी डोबा सडक निर्माणमा काम नगरी भुक्तानी दिएको उजुरीका आधारमा गरिएको अनुसन्धानपछि मुद्दा दायर गरिएको हो ।

अनुसन्धानका क्रममा बित्थडचिर गाउँपालिकाका तत्कालीन निमित्त प्रमुख प्रशासकीय अधिकृत चक्रदेव भट्ट, इन्जिनियर सन्देश भण्डारी, सबइन्जिनियर किरण भण्डारी, लेखापाल रामचन्द्र धामी तथा निर्माण व्यवसायी मानबहादुर बोहराबीच मिलेमतो भएको पाइएको आयोगले जनाएको छ ।

आयोगका अनुसार योजनाअनुसार निर्माण कार्य पूरा नभए पनि सम्पन्न भएको देखाएर झुट्टा बिल र प्रतिवेदन तयार गरी भुक्तानी लिइएको थियो। नापी किताबमा ३३८ मिटर सिँचाइ नहर उल्लेख गरिए पनि स्थलमा २४८ मिटर मात्र निर्माण भएको र केही संरचनाको काम नै नभएको भेटिएको छ ।

यसरी वास्तविकभन्दा कम काम गरी सरकारी रकम करिब ८ लाख ४८ हजार रुपैयाँभन्दा बढी हिनामिना गरिएको आयोगको निष्कर्ष छ ।

उक्त कार्यले सरकारलाई हानि पुर्‍याउने र सम्बन्धित व्यक्तिलाई गैरकानुनी लाभ दिलाउने उद्देश्यले भ्रष्टाचार भएको पुष्टि भएपछि भ्रष्टाचार निवारण ऐनअनुसार कारबाही माग गर्दै विशेष अदालतमा आरोपपत्र दायर गरिएको आयोगले जनाएको छ।

Read More

काठमाडौँ । बलिवुडका गायक तथा र्‍यापर बादशाह दोस्रो विवाह गरेका छन् ।

बादशाहले पञ्जाबी अभिनेत्री ईशा रिखीसँग गोप्य रूपमा विवाह गरेका हुन् । सम्बन्ध विच्छेदको छ वर्षपछि यो बादशाहको दोस्रो विवाह हो ।

दुलहा र दुलहीको रूपमा बादशाह र ईशा रिखीको तस्बिरहरू सामाजिक सञ्जालमा भाइरल भइरहेका भएपनि गायक बादशाहले अहिलेसम्म सार्बजनिक जानकारी भने दिएका छैनन् ।  विवाहका तस्बिरहरू र भिडियोहरू पुनम रिखी नामक इन्स्टाग्राम खाताबाट साझा गरिएको छ ।

विवाहको समयमा बादशाह र ईशाको तस्बिरहरू मात्र सार्वजनिक भएका छैनन्, तर पछि नवविवाहित जोडीको रूपमा उनीहरूको तस्बिरहरू पनि भाइरल भएका छन् । ईशाले आफ्नो कपालको रेखामा सिन्दूर लगाएको र बादशाहको काखमा आराम गरिरहेको देखिएका छन् । 

गायक बादशाहको यसअघि सम्बन्ध विच्छेद भएको थियो । बादशाह, जसको असली नाम आदित्य प्रतीक सिंह सिसोदिया हो, ले जस्मिन मसिहसँग विवाह गरेका थिए । उनीहरूले २०१२ मा विवाह गरे । यद्यपि, पाँच वर्ष पछि, उनीहरू २०१७ मा अलग भए र त्यसपछि २०२० मा सम्बन्ध विच्छेद गरे । उनीहरुका एक छोरी पनि छिन् ।

Read More

काठमाडौँ । भारतको बेंगलुरुस्थित एम चिन्नास्वामी रंगशालामा हुने आईपीएल तथा अन्तर्राष्ट्रिय खेलमा अब ११ सिट सधैँ खाली राखिने भएको छ ।

रोयल च्यालेन्जर्स बेंगलुरु र कर्नाटक राज्य क्रिकेट संघले गत वर्ष रंगशालाबाहिर भएको भगदडमा ज्यान गुमाएका ११ जनाको सम्झनामा यस्तो निर्णय गरेका हुन् । सन् २०२५ जुन ४ मा टोलीले पहिलो पटक उपाधि जितेको खुशीयालीमा भएको भीड नियन्त्रण बाहिर जाँदा उक्त दुर्घटना भएको थियो ।

निर्णयअनुसार ती ११ सिट कहिल्यै बिक्री गरिने छैनन् । साथै, रंगशालाको प्रवेशद्वारमा स्मारक पट्टिका राखिनेछ र प्रत्येक खेलअघि दुवै टोलीको सहभागितामा एक मिनेट मौनधारण गरिने व्यवस्था गरिएको छ । खेलअघि पीडितहरूको नाम पनि प्रदर्शन गरिनेछ ।

कर्नाटक क्रिकेट संघका अध्यक्ष वेंकटेश प्रसादले यो पहलले पीडितप्रति सम्मान व्यक्त गर्ने उद्देश्य रहेको बताएका छन् । उनले यस्तो घटना सम्झनु पीडादायक भए पनि उनीहरूको स्मृतिलाई सम्मान गर्न आवश्यक रहेको उल्लेख गरे ।

उक्त स्मारक इंग्ल्यान्डको हिल्सबरो घटनाबाट प्रेरित भएर निर्माण गरिँदैछ, जहाँ सन् १९८९ मा भएको दुर्घटनामा ज्यान गुमाएका समर्थकहरूको सम्झनामा स्मारक बनाइएको थियो ।

भगदडपछि सुरक्षा कारण देखाउँदै केही समय रंगशालामा ठूला प्रतियोगिता आयोजना गर्न रोक लगाइएको थियो । तर हाल पुनः अनुमति दिइएपछि आगामी आईपीएलका खेलहरू त्यहाँ आयोजना हुने भएका छन् ।

कर्नाटक सरकारले आगामी संस्करणका खेल आयोजना गर्न स्वीकृति दिइसकेको छ । यसअन्तर्गत उद्घाटन खेलमा बेंगलुरु र हैदराबादबीच प्रतिस्पर्धा हुने तय गरिएको छ ।

Read More

काठमाडौँ । जारी पीएम कप अन्तर्गत बागमती प्रदेशले गण्डकी प्रदेशलाई फराकिलो रन अन्तरले पराजित गरेको छ ।

मंगलबार सम्पन्न खेलमा बागमती प्रदेशले गण्डकीलाई १७० रन अन्तरले पराजित गरेको हो ।

बागमतीले दिएको २९५ रनको लक्ष्य पछाएको गण्डकी प्रदेशले ३१.५ ओभरमा अल आउट हुदै १२४ रन मात्र बनाएको थियो । गण्डकीका लागि अर्जुन कुमालले ७४ रन र सुबाश भण्डारीले २९ रन बनाएका थिए भने अन्य ब्याट्सम्यानले दोहोरो अंकमा रन बनाउन सकेनन । त्यस्तै बागमतीका बलर रिजन ढकालले ३ विकेट लिए भने सन्दीप लामिछाने र इशान पाण्डेले २-२ विकेट लिएका थिए ।

यसअघि टस हारेर पहिला ब्याटिंग गरेको बागमती प्रदेशले इशान पाण्डेको ७१, आशुतोष घिरोहियाको ५९ र सुभ कंसाकारको ४४ रनको मद्धतले ५० ओभरमा ८ विकेट गुमाउदै २९४ रन बनाएको थियो ।

अब बागमती प्रदेसले अर्को खेल विहिबार नेपाल पुलिस क्लबसँग खेल्ने छ भने गण्डकीले त्रिभुवन आर्मीसँग विहिबार नै खेल्ने तालिका रहेको छ ।

Read More

काठमाडौँ । नेपाली काँग्रेसका सभापति गगन थापाले भदौ २४, २५ र २६ गते १५औं महाधिवेशन हुने प्रस्ताव गरेका छन् ।

केन्द्रीय समितिको बैठकलाई सम्बोधन गर्दै सभापति थापाले भदौमा महाधिवेशनको मिति प्रस्ताव गर्दै अब काँग्रेस महाधिवेशनमा केन्द्रित हुने बताएका हुन् ।

उनले काँग्रेसले सबै क्रियाशील सदस्यताको नयाँ अध्यावधिक गरेर पार्टीलाई पुनर्जीवित गर्ने अभियान शुरु हुने बताएका छन् ।

सभापति थापाले चैत्र महिनादेखि भदौसम्म पार्टीका महाधिवेशनका गतिविधि गर्ने भन्दै वडा, स्थानीय तह, जिल्ला, प्रदेश र केन्द्रको महाधिवेशनको मिति तोकेर महाधिवेशनको मिति प्रस्ताव गरेका छन् ।

उनले केन्द्रीय समितिमा नभएका सबै नेताहरुलाई महाधिवेशनमा केन्द्रित हुन आग्रह गर्दै विशेष अवस्थामा विशेष महाधिवेशन भएकोले अब त्यो बिर्सेर अगाडी बढ्न आव्हान गरेका छन् । 

Read More

काठमाडौँ । नेप्सेमा आज दोहोरो अंकको वृद्धि भएको छ । आज मंगलबार नेप्से २३.८३ अंकले बढेर २९६०.४० विन्दुमा पुगेर रोकिएको छ ।

आज ३४१ कम्पनिका ३ करोड ५८ लाख २२ हजार १९१ कित्ता शेयर १४ अर्ब ८३ करोड ९१ लाख ८३ हजार ६४३ मा कारोबार भएको थियो ।  आज होटल्स, जीवन बीमा, माइक्रो फाइनान्स, निर्जीव बीमा र अन्य बाहेक सबै क्षेत्रको शेयर मुल्य बढेको छ ।

आज, रिलायन्स स्मिनिंग मिल्स र सालपा विकास बैंकको शेयरमा सकारात्मक सर्किट लागेको छ भने , सोलु हाइड्रोको शेयर ९.९९ र हिमालयन पावरको शेयर ९.९८ प्रतिशतले बढेको छ । त्यस्तै आज सबैभन्दा बढी फर्स्ट माइक्रो फाइनान्स लघुवित्तको शेयर ६.५६ प्रतिशतले घटेको छ ।

त्यस्तै आज सबै भन्दा बढी राढी जलविधुतको शेयर ६७ करोड ४३ लाख बराबरको कारोबार भएको छ भने अपि पावरको शेयर ५७ करोड ८४ लाख बराबरको कारोबार भएको छ ।

Read More

काठमाडौँ । उत्तर कोरियाका सर्वोच्च नेता किम जोंग उनले देशसँग परमाणु हतियार राख्ने निर्णय भएको बताएका छन् ।

उतर कोरियाको सरकारी सञ्चारमाध्यमका अनुसार उनले अमेरिका र इजरायलले इरानमाथि गरेको आक्रमणले आफ्नो देशले परमाणु हतियार राख्ने निर्णय सही रहेको पुष्टि गरेको बताएका हुन् ।

संसदमा दिएको सम्बोधनमा किमले वर्तमान विश्व परिस्थितिमा बलियो सैन्य शक्ति नै सुरक्षाको आधार भएको उल्लेख गरे । उनले उत्तर कोरियाको परमाणु शक्ति अझ मजबुत बनाइने र अमेरिकालाई रोक्ने दिशामा अघि बढ्ने बताए ।

किमले सन् २०१९ मा अमेरिकासँग भएको वार्ता विफल भएपछि परमाणु कार्यक्रम विस्तार गर्ने निर्णय आफ्नो सबैभन्दा सही कदम रहेको पनि दाबी गरेका छन् । उनले आफ्नो देश कुनै पनि परिस्थितिका लागि तयार रहेको उल्लेख गरे ।

त्यस्तै, दक्षिण कोरियालाई प्रमुख शत्रुका रूपमा लिने नीति दोहोर्‍याउँदै कुनै पनि आक्रमणको प्रयास भए कडा प्रतिक्रिया दिने चेतावनी दिएका छन् ।

किमले आत्मनिर्भर अर्थतन्त्र निर्माणसँगै थप परमाणु हतियार र क्षेप्यास्त्र विकासमा जोड दिने बताएका छन् । उनका अनुसार परमाणु शक्तिका कारण देश सुरक्षित भएको र आर्थिक विकासमा ध्यान दिन सकिएको छ ।

अमेरिका र उसका सहयोगी देशहरूले वर्षौँदेखि उत्तर कोरियालाई परमाणु कार्यक्रम त्याग्न दबाब दिँदै आए पनि हालसम्म त्यसमा सफलता मिलेको छैन ।

यसअघि अमेरिका र उत्तर कोरियाबीच सन् २०१८ मा वार्ता सुरु भई २०१९ मा असफल भएपछि उत्तर कोरियाले आफ्नो सैन्य शक्ति थप विस्तार गर्ने रणनीति अपनाएको थियो । अहिले उत्तर कोरियासँग लामो दूरीका क्षेप्यास्त्रसमेत रहेको अनुमान गरिएको छ, जसले टाढाका लक्ष्यसम्म प्रहार गर्न सक्ने क्षमता राख्छ ।

Read More

काठमाडौँ । नेपाली काँग्रेसका सभापति गगन थापाले अब पार्टी महाधिवेशनमा केन्द्रित हुने बताएका छन् ।

मंगलबार पार्टीको केन्द्रीय समितिको बैठकलाई सम्बोधन गर्दै सभापति थापाले अब पार्टीका सबै विषय महाधिवेशनको हलनै तय गर्ने बताएका हुन् ।

केन्द्रीय समितिले राजीनामा अस्वीकृत गरेपछि बैठकमा सहभागी हुदै सभापति थापाले आफुले आफ्नो कर्तव्य ठानेर कुनै दबाब बिना राजीनाम दिएको तर केन्द्रीय समितिले अस्वीकृत गरेपछि अब यो विषय सकिएको बताएका हुन् ।

उनले आफुले हतारमा राजीनामा नदिएको बताउदै भने- ‘मैले कुनै हतारोमा आएर राजीनामा दिएको पनि होइन । हतास भएर राजीनामा दिएको पनि होइन । विशेष महाधिवेशन नगरी निर्वाचनमा गएका थियौं भने त्यो निर्वाचनमा हामीले कसरी सामना गर्नुपर्थ्यो भन्ने कुरा निर्वाचित भएका र हामी निर्वाचित नभएकाले पनि बुझेका छौं ।’

उनले चुनावपछि काँग्रेसको नयाँ जिम्मेवारी आएको बताउदै आफुहरुले मतदाताले दिएको जिम्मेवारी अनुसार काम गर्ने बताएका छन् । उनले सरकारमा नभएपनि चुनावका बेला जनतासँग गरेका प्रतिज्ञाहरुमा काम गर्ने बताएका छन् ।

Read More

काठमाडौँ । कपिलवस्तुको महाराजगञ्जमा शनिबार दिउँसोदेखि लगाइएको निषेधाज्ञा आजबाट हटाइएको छ । 

शनिबार, आइतबार र सोमबार तीन दिन लगाइएको निषेधाज्ञा आज विहान ९ बजेबाट हटाइएको प्रमुख जिल्ला अधिकारी जनार्दन गौतमले जानकारी दिएका छन् । निषेधाज्ञा हटेसँगै जिल्ला सदरमुकाम तौलिहवामा जनजीवन सामान्य बनेको छ । २ दिनसम्म बन्द भएका तौलिहवा क्षेत्रका वित्तीय संस्था र विद्यालयहरु आजबाट सुचारु भएका छन् । 

महाराजगञ्ज नगरपालिकाको वडा नम्बर २ र ३ को सीमाक्षेत्रमा ईद र नवरात्र पर्व मनाउने क्रममा उत्पन्न भएको विवाद चर्किँदै गएपछि प्रशासनले शनिबार दिउसोदेखि अनिश्चितकालिन निषेधाज्ञा जारी गरेको थियो  ।

Read More