नेपालको धुवाँधार ब्याटिङ, इन्डोनेसियालाई ४२१ को झट्का

काठमाडौँ, १५ असार। मलेसियामा जारी एसीसी यू–१६ इस्ट जोन प्रतियोगिता अन्तर्गत इन्डोनेसिया विरुद्धको खेलमा नेपालले सानदार ब्याटिङ गर्दै ४२१ रनको लक्ष्य प्रस्तुत गरेको छ ।

टस हारेर पहिला ब्याटिंग गरेको नेपालका लागि प्रसिद्ध जैसीले ११४ बलमा १३२ रन बनाए । परिमार्जन यादव २८ बलमा ७१ रन बनाएर आउट भए भने, रौनक श्रीवास्तवले ७१ बलमा ८८ रनको योगदान दिएका थिए । यस्तै जोय थापाले ३९ बलमा ५५ रनको योगदान दिएका थिए ।

इण्डोनेसियाका लागि किटुट धर्मपुत्रले २ तथा कविन निरज चन्दा, महेन्द्र अजी र राहान रिजाले समान १ विकेट लिए ।

नेपाल र इण्डोनेसिया दुवैको त्यो तेस्रो खेल हो । नेपाल आफ्नो दुवै खेलमा विजयी भएको थियो ।