गाजामा भोकको त्रासदी, हरेक तेस्रो व्यक्ति खाना बिना

काठमाडौँ, १० साउन। गाजामा भोकमरीको समस्या चरम अवस्थामा पुगेको छ ।

संयुक्त राष्ट्र संघको विश्व खाद्य कार्यक्रमले गाजामा लगभग तीन मध्ये एक जना धेरै दिनदेखि खाना बिना बसेको बताएको छ । विश्व खाद्य कार्यक्रमले गाजामा कुपोषण बढ्दै गइरहेको छ र ९० हजार महिला र बालबालिकालाई तत्काल उपचारको आवश्यकता रहेको बताएको छ ।

त्यस्तै यस हप्ता गाजामा भोकमरी अझ खराब हुँदै गइरहेको बताएको छ भने गाजाको हमासद्वारा सञ्चालित स्वास्थ्य मन्त्रालयका अनुसार, शुक्रबार कुपोषणका कारण थप नौ जनाको मृत्यु भएको छ ।

मन्त्रालयका अनुसार, इजरायलसँगको युद्ध सुरु भएदेखि कुपोषणबाट मर्नेहरूको कुल संख्या १२२ पुगेको छ ।

गाजामा आउने र जाने सबै कुरा नियन्त्रण गर्ने इजरायलले यस क्षेत्रमा पुग्न कुनै पनि सहायता रोक्न नसकेको बताएको छ। इजरायलले गाजामा कुपोषणको लागि हमासलाई पनि दोष दिएको छ ।