काठमाडौँ । नेपालले किर्गिस्तानको बिस्केकमा हुने दुई फरक अन्तर्राष्ट्रिय कुस्ती प्रतियोगितामा सहभागिता जनाउने भएको छ ।
अप्रिल ५ देखि १२ तारिखसम्म हुने सिनियर एसियाली कुस्ती प्रतियोगिता तथा अप्रिल १२ देखि १४ तारिखसम्म हुने सिनियर एसियाली बेल्ट कुस्ती एलिस प्रतियोगिताको पुरुष ७४ केजीमा सुरेश चुनारा र ९७ केजीमा त्रिलोकीप्रसाद यादवले नेपालको प्रतिनिधित्व गर्ने भएका छन् । त्यस्तै प्रशिक्षकमा मुम्ताज अली इद्रिसी रहेका छन् ।
त्यस्तै अप्रिल ५ तारिखमा किर्गिस्तानमै हुने युनाइटेड वल्र्ड रेस्लिङ एसिया काउन्सिलको साधारण सभामा राखेपका सदस्य एवं नेपाल कुस्ती संघका अध्यक्ष प्रकाशकुमार कुसारी सहभागी हुनेछन् ।
राष्ट्रिय खेलकुद परिषद् (राखेप) का सदस्य-सचिव रामचरित्र मेहताले दुई फरक अन्तर्राष्ट्रिय कुस्ती प्रतियोगितामा सहभागी हुने टोलीलाई बिदाइ गरेका छन् ।
