काठमाडौँ । प्रधानमन्त्री बालेन्द्र (बालेन) शाह निकट भविष्यमा भारतको औपचारिक भ्रमणमा जाने भएका छन्। भारत सरकारले दिएको निम्तो उनले स्वीकार गरिसकेको स्रोतहरूले बताएका छन्।
भ्रमण निश्चित भएसँगै परराष्ट्र मन्त्रालयले आवश्यक तयारी अगाडि बढाएको छ। उच्चस्तरीय भेटघाट, द्विपक्षीय सहकार्य र आपसी हितका विषयमा केन्द्रित हुने गरी एजेन्डा निर्माण भइरहेको जनाइएको छ।
यसअघि परराष्ट्र मन्त्री शिशिर खनालले मोरिसस भ्रमणका क्रममा प्रधानमन्त्री शाहको भारत यात्रा चाँडै हुने संकेत दिएका थिए। त्यही क्रममा भारतका विदेश मन्त्री एस. जयशंकरसँग भएको भेटमा पनि सम्भावित भ्रमणबारे प्रारम्भिक छलफल भएको बताइएको छ।
भ्रमणको तयारीलाई व्यवस्थित बनाउन भारतले चाँडै नै आफ्नो परराष्ट्र सचिवलाई नेपाल पठाउने तयारी गरेको बताइएको छ। यसले भ्रमणलाई औपचारिक रूप दिन सहयोग पुग्ने विश्वास गरिएको छ।
प्रधानमन्त्री शाहको भारत भ्रमणलाई दुई देशबीचको सम्बन्ध थप सुदृढ बनाउने अवसरका रूपमा हेरिएको छ।
