काठमाडौँ । रवि लामिछानेले आगामी निर्वाचनको टिकटबारे कसैलाई पनि आश्वासन नदिन पार्टीका नेताकार्यकर्तालाई कडा निर्देशन दिएका छन्। बुधबार सिंहदरबारस्थित संसदीय दलको कार्यालयमा बसेको अनौपचारिक बैठकमा उनले यस्तो चेतावनी दिएका हुन्।
राष्ट्रिय स्वतन्त्र पार्टीले २०८४ सालमा हुने स्थानीय तह र प्रदेशसभा निर्वाचनलाई लक्षित गर्दै उम्मेदवार छनोट प्रक्रिया व्यवस्थित बनाउन ‘क्यान्डिडेट क्लब’ सञ्चालन गर्ने निर्णय गरेको छ। उक्त कार्यक्रम वैशाख २० गतेदेखि सुरु हुने र यसको संयोजनको जिम्मेवारी सहमहामन्त्री विपिन कुमार आचार्यलाई दिइएको छ।
पार्टी प्रवक्ता मनिष झालेका अनुसार उम्मेदवार छनोट र पूर्वतयारीलाई व्यवस्थित बनाउन यो अभ्यास सुरु गर्न लागिएको हो। यसै सन्दर्भमा कसैले कसैलाई टिकट दिलाउने वा आश्वासन दिने जस्ता गतिविधि नगर्न स्पष्ट निर्देशन दिइएको छ।
पार्टीले यस्तो गतिविधि अनुशासनविपरीत हुने उल्लेख गर्दै यदि कतै त्यस्तो अभ्यास भेटिएमा सम्बन्धित व्यक्तिलाई कारबाही गरिने चेतावनी दिएको छ।
