काठमाडौं । नयाँ बानेश्वरस्थित संसद भवन अगाडि मंगलबार बिहानदेखि युवाहरु फेरि भेला भएका छन्।
सोमबार भएको प्रदर्शनमा प्रहरीको गोली लागेर १९ जनाको ज्यान गएपछि आक्रोशित हुदै प्रदर्शन जारी राख्ने संकेत दिएका छन् ।
काठमाडौँ जिल्ला प्रशासनले उपत्यकाका विभिन्न स्थानमा अनिश्चितकालीन कर्फ्यु जारी गरेको छ। जिल्ला प्रशासन कार्यालय काठमाडौं र ललितपुरले बिहान साढे ५ बजेदेखि र भक्तपुरले अनिश्चितकालिन कर्फ्यु आदेश लागू गरिसकेका छन्।
तर, प्रहरीले जारी गरेको कर्फ्युलाई नजरअन्दाज गर्दै युवा प्रदर्शनकारीहरू नयाँ बानेश्वर क्षेत्रमा जम्मा भएका छन्।
त्यसैगरी, काठमाडौँको कलंकी क्षेत्रमा पनि प्रदर्शन सुरु भइसकेको छ। टायर बाल्दै प्रदर्शनकारीहरू सडकमा निस्किएका छन्। ग्वार्को र सातदोबाटो लगायतका ठाउँहरूमा समेत प्रदर्शन जारी छ।
प्रहरी र प्रदर्शनकारीबीचको तनाव कायमै रहँदा काठमाडौं उपत्यकामा शान्ति कायम राख्न प्रशासनलाई थप चुनौतीहरु देखिएका छन्।
