काठमाडौँ । निवर्तमान गृहमन्त्री एवं नेपाली कांग्रेसका केन्द्रीय सदस्य रमेश लेखकलाई मातृशोक परेको छ ।
लेखककी ८९ वर्षीया आमा शारदादेवी लेखकको बिहीबार अपराह्न निधन भएको छ । उनको काठमाडौँस्थित ह्याम्स अस्पतालमा उपचारका क्रममा निधन भएको परिवार निकटले जानकारी दिएका छन् । उनका लेखक एक्ला छोरा हुन् भने चार छोरी रहेका छन् ।
काठमाडौँ । मुग्लिन नारायणगढ सडक खण्डको तुईन खोला पुल नजिकै खसेको पहिरो पन्छाउने कार्य फ्लड लाइट जडान गरेर जारी रहेको छ ।
सडक डिभिजन कार्यालय भरतपुरले फ्लड लाइटको व्यवस्था गरेर राति पनि तुइन खोलाको पहिरो पन्छाउने कार्य गरिरहेको बताएको छ ।
पहिरो पन्छाउने कार्य हाल अन्तिम चरणमा रहेको र थप पहिरो नआएमा आजै राति सडक सुचारु हुने सम्भावना रहेको छ ।
मंगलबार दिउसो ठुलो पहिरो खसेर अवरुद्ध रहेको मुग्लिन नारायणगढ सडक हालसम्म अवरुद्ध रहेको छ ।
काठमाडौं । अनलाइन सञ्चारमाध्यमको दर्ता र नवीकरण पुन: सूचना विभागबाटै हुने भएको छ ।
विहिबार बसेको मन्त्रिपरिषद्को बैठकले अघिल्लो सरकारको निर्णय उल्ताउदै अनलाइन सञ्चारमाध्यामको दर्ता र नवीकरण सूचना विभागबाटै हुने निर्णय गरेको सरकारका प्रवक्ता तथा सञ्चारमन्त्री जगदिश खरेलले यस्तो जानकारी दिएका छन् ।
त्यस्तै आज बसेको मन्त्रिपरिषद्को बैठकले सरकारको प्रवक्तामा सञ्चारमन्त्रीलाई तोकेको छ ।
काठमाडौँ । बंगालदेश जारी साफ यू-१७ पुरुष च्याम्पियनसिपको फाइनलमा प्रवेश गरेको छ ।
बिहीबार सम्पन्न पहिलो सेमिफाइनल खेलमा पाकिस्तानलाई २-० गोल अन्तरले पराजित गर्दै बंगालादेश फाइनलमा प्रवेश गरेको हो ।
बंगालदेशको जितमा नाज्मुल हुडा फैसल र मोहम्मद ओपु रहमानले एक एक गोल गरेका थिए ।
बगांलदेशले अब नेपाल वा भारतबीच हुने दोस्रो सेमिफाइनलको विजेतासँग फाइनलमा खेल्ने छ । नेपाल र भारतबीचको दोस्रो सेमिफाइनल खेल आजै राति ७:४५ बजेदेखि हुने तालिका रहेको छ ।
काठमाडौँ । पूर्व फ्रान्सेली राष्ट्रपति निकोलस सार्कोजीलाई षड्यन्त्रको आरोपमा दोषी ठहराइएको छ । उनी र उनका सहयोगीहरूलाई २००७ को फ्रान्सेली राष्ट्रपति चुनाव अभियानलाई आर्थिक सहयोग गर्न दिवंगत लिबियाका तानाशाह मुअम्मर गद्दाफीको शासनसँग भ्रष्टाचार सम्झौता गरेको आरोप लगाइएको थियो ।
यद्यपि, भ्रष्टाचार र अवैध कोषसँग सम्बन्धित अन्य तीन मुद्दामा उनलाई सफाइ दिइएको थियो । सजायको निर्णय अझै भएको छैन । सार्कोजीले सबै आरोप अस्वीकार गरेका छन् र फैसलामाथि पुनरावेदन गर्ने योजना बनाएका छन् ।
अभियोजकहरूले २००५ मा सार्कोजी र उनका सहयोगीहरूले २००७ को चुनावको लागि गैरकानूनी रूपमा पैसा प्राप्त गर्न गद्दाफीसँग मिलेर काम गरेको बताएका छन् । गद्दाफीले यसको बदलामा सार्कोजीबाट कूटनीतिक र व्यावसायिक सहयोग खोजेका थिए ।
गद्दाफीको शासन मानव अधिकार उल्लङ्घन र आतंकवादको लागि कुख्यात मानिन्छ । २००७ मा राष्ट्रपति बनेपछि, सार्कोजीले गद्दाफीलाई राज्य भ्रमणको लागि पेरिस निम्तो दिएका थिए । यद्यपि, २०११ मा, सार्कोजीले नेटो हवाई आक्रमण मार्फत गद्दाफीको शासनलाई उल्टाउन मद्दत गरे, जसपछि विद्रोहीहरूले गद्दाफीको हत्या गरेका थिए ।
सार्कोजीले २००७ देखि २०१२ सम्म फ्रान्सको राष्ट्रपतिको रूपमा काम गरेका थिए । उनी पहिले दुई मुद्दामा दोषी ठहर भइसकेका छन् । पहिलो मुद्दामा, उनीमाथि न्यायाधीशको पक्षमा बोल्ने प्रयास गरेको आरोप लगाइएको थियो, जसको लागि उनले एक वर्षको जेल सजाय पाए ।
दोस्रो मुद्दामा, उनलाई २०१२ को चुनावमा अवैध खर्च लुकाएको आरोपमा दोषी ठहराइएको थियो । सार्कोजीले दुवै फैसलाविरुद्ध अपील गरेका छन् ।
काठमाडौं । प्रधानमन्त्री सुशिला कार्कीले तोकिएको समयमा नै निर्वाचन हुने भन्दै निर्वाचनमा भाग लिन सबै देशबासीलाई आव्हान गरेकी छन् ।
विहिबार राष्ट्रका नाममा सम्बोधन गर्दै प्रधानमन्त्री कार्कीले शान्तिपूर्ण रुपमा निर्वाचन सम्पन्न सबैको सहयोग आवश्यक रहेको भन्दै सहयोगका लागि अपिल समेत गरेकी छन् । सम्बोधनका क्रममा प्रधानमन्त्री कार्कीले ६ महिनाको कार्यादेश पाएको सरकारले आन्दोलनको मर्म अनुसारका सबै काम गर्न सम्भव नभएको भन्दै सकेसम्मका काम गर्ने प्रतिबद्धता व्यक्त गरेकी छन् ।
उनले सेवाग्राहीसँग पैसा माग्ने, नराम्रो व्यबहार गर्ने गरेको पाइएमा तिनै तहका सरकारमा उजुरीको लागि हटलाइनको व्यवस्था गरेकी छन् ।
प्रधानमन्त्री कार्कीले जेनजी आन्दोलनका क्रममा कतिपय संबिधानमा रहेका व्यवस्था बाहिरका विषयलाई निर्वाचनमा भाग लिएर नयाँ संसदबाट संबिधान संसोधन गरेर पुरा गर्न आग्रह गरेकी छन् । साथै प्रधानमन्त्री कार्कीले आन्दोलनको क्रममा भएका सरकारी संरचनाको पुनर्निमाण गर्न सरकारले खडा गरेको कोषमा सहयोग गर्न देश र विदेशमा रहेका सबै नेपाली नागरिकलाई आव्हान गरेकी छन् ।
उनले आन्दोलनका क्रममा भएका लुटपाट, तोडफोड, आगजनी, दमनको छानबिन गर्न आयोग गठन गरेको, आन्दोलनका क्रममा नेताहरुको घरमा भेटिएका रकमको बारेमा छानबिन शुरु भएको र विगतमा भएका भ्रष्टाचारका प्रकरण बारे पनि सरकारले छोटो सहयोगमा जानकारी हासिल गरेको र यसमा सरकारले कारवाही थाल्ने बताएकी छन् ।
प्रधानमन्त्री कार्कीले युवा पुस्ताको भावना अनुसार सबै राष्ट्र सेवक कर्मचारीलाई आफुलाई परिवर्तन गरेर सेवा दिन आग्रह गरेकी छन् ।
काठमाडौं । वर्तमान सरकारले शेरबहादुर देउवा र उनकी पत्नी डा. आरजु राणा देउवाको पासपोर्ट रोक्काको तयारी गरेको छ। जेन–जी आन्दोलनको क्रममा गम्भीर आक्रामणमा परी घाईते भएर उपचारमा रहेका देउवा दम्पत्तिले नयाँ राहदानी लिएको खुलेपछि सरकारले उच्च सतर्कता अपनाएको छ ।
गृहमन्त्रालयनिकट उच्चस्रोतकाअनुसार सरकारले देउवा दम्पत्तिको पासपोर्ट नै रोक्काको तयारी गरेको छ । त्यसको लागि अहिले सम्पत्ति शुद्धीकरण विभागले सक्रियता देखाएको छ।
विभागले देउवा दम्पत्तिको घरबाट जलेको नोट ल्याएर अनुसन्धानसमेत थालेको छ । अहिले देउवा दम्पत्ति थप उपचारको लागि विदेश जाने तयारीमा रहेको गाईगुईं चलेको छ ।
काठमाडौँ । मन्त्रिपरिषद्को बैठक शुरु भएको छ । प्रधानमन्त्री तथा मन्त्रिपरिषद्को कार्यालय सिंहदरबारमा केहि बेरअघि बैठक शुरु भएको हो ।
प्रधानमन्त्री सुशीला कार्कीले असोज ६ गते सोमबार मन्त्रिपरिषदको दोस्रोपटक विस्तार गरेपछि बसेको यो पहिलो बैठक हो ।
बैठकका एजेण्डा सार्बजनिक नगरिएको भएपनि आज साँझ प्रधानमन्त्री कार्कीले राष्ट्रका नाममा गर्ने सम्बोधनका विषयमा छलफल हुने बुझिएको छ ।
काठमाडौँ । निर्वाचन आयोगले आगामी कात्तिक मसान्तसम्म मतदाता नामावली संकलन र अद्यावधिक गर्ने भएको छ ।
बिहीबार बसेको आयोगको बैठकले आगामी कात्तिक मसान्तसम्म मतदाता नामावली संकलन गर्ने निर्णय गरेको आयोगका प्रवक्ता नारायणप्रसाद भट्टराईले जानकारी दिएका छन् । राष्ट्रपति रामचन्द्र पौडेलले बुधबार मतदाता नामावलीसम्बन्धी अध्यादेश जारी गरेपछि आयोगले यस्तो निर्णय गरेको हो ।
आयोगले आगामी फागुन २० गतेसम्म १८ वर्ष पूरा हुने नागरिकले मतदान गर्न पाउने गरी कात्तिक मसान्तसम्म नामावली संकलन र अद्यावधिक गर्ने निर्णय गरेको छ । आयोगले १६ बर्ष उमेर पुरा भएर नागरिकताको प्रमाण पत्र लिएका नपाली नागरिकले प्रदेश निर्वाचन कार्यालय तथा जिल्ला निर्वाचन कार्यालयहरुमा दर्ता गर्न सकिने जानकारी दिएको छ ।
गत भदौ २३ र २४ गते भएको जेनजी आन्दोलनपछि बनेको अन्तरिम सरकारको फागुन २१ मा प्रतिनिधिसभाको निर्वाचन गर्ने कार्यादेश रहेको छ । निर्वाचन घोषणापछि मतदाता नामावली संकलन रोकिने कानुनी व्यवस्थालाई सरकारले अध्यादेश ल्याएर सो व्यवस्था संशोधन गरेर जेनजी युवाहरुले मतदान गर्न पाउने व्यवस्था गर्न लागेको हो ।
काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डलाई पद छोड्न दबाब परेको छ ।
विहिबारदेखि काठमाडौँकोप प्रज्ञा भवनमा शुरु भएको केन्द्रीय समितिको बैठकमा वरिष्ठ उपाध्याक्ष नारायणकाजी श्रेष्ठ र उपमहासचिव जनार्दन शर्माले प्रचण्डलाई पद छोड्न दबाब दिएका हुन् ।
वरिष्ठ उपाध्यक्ष श्रेष्ठले आफुलाई कार्यवाहक अध्यक्ष दिन प्रचण्डसँग माग गरेका हुन् । प्रचण्डले हालको केन्द्रीय पदाधिकारी र केन्द्रीय समिति भंग गरेर मङ्सिरमा विशेष महाधिवेशन गर्न प्रस्ताव गरेपनि श्रेष्ठले मङ्सिरमा विशेष महाधिवेशन सम्भव नभएको भन्दै बदलिएको अवस्थामा प्रचण्डले अहिलेनै नेतृत्व छोड्नुपर्ने बताएका हुन् । श्रेष्ठले अहिलेनै नेतृत्व छोडेर आफुलाई कार्यवाहक दिन आग्रह गरेका छन् ।
त्यस्तै उपमहासचिव जनार्दन शर्माले पनि जनताले सुन्ने गरि नयाँ अनुहारले पार्टीको नेतृत्व गर्नुपर्ने भन्दै प्रचण्डलाई नेतृत्व छोड्न दबाब दिएका हुन् ।
एक केन्द्रीय सदस्यका अनुसार शर्माले अहिले प्रचण्डले गरेको अपिल जनताले सुन्ने अवस्था नरहेको भन्दै कमीकमजोरी स्वीकार गरेर नेतृत्व नयाँ पुस्तालाई सुम्पिन सुझाव दिएका थिए । साथै शर्माले बैठकमा सबै पदाधिकारीले सामुहिक राजीनामा दिएर आगामी महाधिवेशनमा चुनावमा सहभागी नहुने प्रतिबद्धता व्यक्त गर्नुपर्ने बताएका थिए । उनले अहिलेकै नेतृत्व दोहोरिने महाधिवेशन स्वीकार्य नहुने स्पष्ट गरेका थिए ।
प्रचण्डले नयाँ परिस्थितिमा विशेष महाधिवेसन गर्न तयार भएपनि अध्यक्ष छोड्न भने तयार नदेखिएको बताइएको छ । करिब ३६ बर्षदेखि नेतृत्वमा रहेका प्रचण्ड आफ्नो राजनीतिक जीवनमा पार्टीमा अहिले जेनजी आन्दोलनपछि सबै भन्दा बढी दबाबमा रहेको विश्लेषण उनका समर्थकबीच हुन लागेको छ ।