काठमाडौँ । निर्वाचन आयोगले कार्तिक १७ गते हुने मनाङको प्रदेश सभा सदस्यको उपनिर्वाचनको निर्वाचन तालिका सार्बजनिक गरेको छ ।

आयोगले मनाङको प्रतिनिधि सभा सदस्य निर्वाचन क्षेत्र नम्बर १ को प्रदेश सभा सदस्य निर्वाचन क्षेत्र नम्बर २ मा भदौ १९ देखि २५ सम्म दल दर्ताको आव्हान गरिसकेको छ ।

आयोगले उपनिर्वाचनको उम्मेदवारको मनोनयन दर्ता असोज २१ गते बिहान १० बजेदेखि बेलुका ५ बजेसम्म निर्वाचन अधिकृतको कार्यालयमा उम्मेदवारको मनोनयन दर्ता हुनेछ भने सोही दिन बेलुका ५ बजेदेखि ७ बजेसम्ममा उम्मेदवारको सूची प्रकाशन हुने तालिका रहेको छ ।

त्यस्तै उल्लिखित सूचीमा रहेका उम्मेदवारको विरोधमा उजुरी दिने अवधि असोज २२ गते बिहान १० बजेदेखि दिउँसो ३ बजेसम्म हुनेछ भने सोही दिनको दिउँसो ३ बजेदेखि असोज २३ गते बेलुका ५ बजेसम्ममा मनोनयन पत्र र उजुरी उपर जाँचबुझ एवम् निर्णय गरी असोज २३ गते बेलुका ५ बजेदेखि ७ बजेसम्ममा निर्वाचन अधिकृतको कार्यालयमा उम्मेदवारको नामावली प्रकाशन गर्ने आयोगले जानकारी दिएको छ ।

त्यसपछि असोज २४ गते बिहान १० बजेदेखि दिउँसो १ बजेसम्म उम्मेदवारको नाम फिर्ता लिन सकिनेछ भने सोही दिन दिउँसो १ बजेदेखि ३ बजेसम्ममा निर्वाचन अधिकृतको कार्यालयमा उम्मेदवारको अन्तिम नामावली प्रकाशन गरी दिउँसो ३ बजेदेखि ६ बजेसम्ममा उम्मेदवारलाई निर्वाचन चिन्ह प्रदान गरिने कार्यक्रम रहेको छ । निर्वाचन कार्यक्रम अनुसार आगामी कात्तिक १७ गते बिहान ७ बजेदेखि बेलुका ५ बजेसम्म सम्बन्धित मतदान केन्द्रमा मतदान हुने आयोगले जानएको छ ।

त्यस्तै आयोगले प्रतिनिधि सभा सदस्य तथा प्रदेश सभा सदस्य निर्वाचन, २०७९ को समानुपातिक निर्वाचन प्रणालीतर्फ बन्दसूचीमा नाम समावेश भएको व्यक्ति उम्मेदवार हुन नपाउने कानूनी व्यवस्था रहेको समेत जानकारी गराएको छ ।

Read More

काठमाडौँ । संघीय निजामती सेवा विधेयक, २०८० सम्बन्धी विधायन व्यवस्थापन समितिको प्रतिवेदन राष्ट्रिय सभामा पेस भएको छ ।

मंगलबार बसेको बैठकले समितिकी सभापति तुलसी कुमारी दाहालले समितिले पारित गरेको विधेयकको प्रतिवेदन पेश गरेकी हुन् । प्रतिनिधि सभाबाट साउन ६ गते पारित भएर राष्ट्रिय सभामा आएको यस विधेयकमा रहेको कुलीङ पिरियडमा भएको हेरफेरलाई समितिले सच्याएर २ बर्ष कायम गरेको छ ।

सभापति दाहालले यस विधेयकमा ४३ सांसदहरुले १९३ बुँदामा संसोधन प्रस्ताव दर्ता गराएको जानकारी दिएकी छन् । १४७ दफामा रहेको यस विधेयकलाई समितिले प्रस्तावनासहित ९८ दफामा संशोधन र एक दफा र एक अनुशुची थप गरेर परिमार्जन गरेको सभापति दाहालले जानकारी दिएकी छन् ।

Read More

सुर्खेत । शनिबार रातिदेखि अवरुद्ध रहेको कालिकोटको गगने खोलाको पहिरो हटाएर सडक सुचारु भएको छ ।

सडक डिभिजन कार्यलय जुम्लाका अनुसार मंगलबार दिउसोबाट सडक सुचारु भएको हो । सडकमा ठुलो ढुंगा खसेका कारण हटाउन समय लागेको थियो । सडक अवरुद्ध हुदा करोडौंको स्याउ बोकेका ट्रकसमेत रोकिन पुग्दा स्याउ कुहिनसक्ने चिन्ता बढेको थियो । 

सडक डिभिजनले जिल्ला प्रशासन कार्यालय कालिकोट, नेपाली सेना, नेपाल प्रहरीलगायतको सहयोगमा सडक सुचारु भएको जानकारी दिएको छ ।

Read More

काठमाडौँ । अफगानिस्तानमा आइतबार राति आएको ६ रेक्टर स्केलको भूकम्पबाट मृत्यु हुनेको संख्या १४ सय नाघेको छ । अफगानिस्तान सरकारका प्रवक्ता जबिहुल्लाह मुजाहिदले अहिलेसम्म १४११ जनाको मृत्यु भएको जानकारी दिएका छन् ।

मुजाहिदका अनुसार भूकम्पको असर कुनार प्रान्तको नुरगल, सोका, जबा दरह, बिश दरह, ताबोर र असदाबाद क्षेत्रमा धेरै रहेको छ । भूकम्पबाट अहिलेसम्म ३ हजार १२४ जना घाइते भएका छन् भने ५ हजार ४१२ घर भत्किएको उनले जानकारी दिएका छन् ।

भूकम्पपछि अफगानिस्तानको तालिबान सरकारले विश्वभरबाट सहयोग मागेको छ । रोयटर्ससँग कुरा गर्दै तालिबान स्वास्थ्य मन्त्रालयका प्रवक्ता शराफत जमानले भने- ‘हामीलाई सहयोग चाहिन्छ । भूकम्पका कारण धेरै मानिसहरूले ज्यान गुमाएका छन्, धेरै घरहरू ध्वस्त भएका छन् । यो विनाशले अफगानिस्तानको समस्यालाई अझ बढाएको छ । यहाँ पहिले नै विदेशी सहायता उपलब्ध छैन, जसका कारण देशमा आर्थिक संकट झन् बढेको छ ।’

यसैबीच भारतले सहयोगको लागि काबुलमा १००० पाल पठाएको छ भने काबुलबाट कुनारमा १५ टन खाद्यान्न पठाइएको विदेश मन्त्रालयले जानकारी दिएको छ । त्यस्तै विश्वका कैयौं देशले अफगानिस्तानलाई सहयोगको हात अगाडी बढाएका छन् । 

२०२१ मा तालिबान सरकार गठन भएपछि, अन्तर्राष्ट्रिय संस्थाहरूले अफगानिस्तानमा मानवीय सहायता रोकेका थिए ।

Read More

पोखरा । म्याग्दी बेनी–दरबाङ सडक खण्ड पुर्ण रुपमा अवरुद्ध भएको छ ।

मंगलबार दिउसो म्याग्दीको मंगला गाउँपालिका- २ लामपाटा स्थित बेनी –दरबाङ सडक खण्डमा सडक माथिबाट ढुङगा माटो सहितको सुख्खा पहिरो आई सडक पुर्ण रुपमा अवरुद्ध भएको छ । प्रहरीले सडक खुलाउन समन्वय गरिरहेको जनाएको छ ।

Read More

काठमाडौँ । दोलखाको लापीलांग केन्द्रविन्दु भएर भूकम्प गएको छ ।

मंगलबार दिउसो ३: १३ बजे दोलखाको लापीलांग केन्द्रविन्दु भएर ४.१ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रले जानकारी दिएको छ ।

Read More

काठमाडौँ । आज नेप्सेमा गिरावट आएको छ । आज मंगलबार नेप्से १९.८९ अंकले घटेर २७४१.९७ विन्दुमा पुगेर रोकिएको छ ।

आज ३२३ कम्पनिका एक करोड ५ लाख ३५ हजार ८७४ कित्ता शेयर ४ अर्ब ४३ करोड ८२ लाख ५१ हजार ८१२ मा कारोबार भएको थियो । आज सबै क्षेत्रको शेयरमा गिरावट आएको छ ।  

आज सबै भन्दा बढी हिमस्टार उर्जाको शेयर ९.९८ प्रतिशतले बढेको छ भनेत्यस्तै आज उन्नति सहकार्य लघुवित्तको शेयर मुल्य सबैभन्दा बढी ७.४७ प्रतिशतले घटेको छ ।

त्यस्तै आज नेपाल रिइन्सुरेन्सको सबै भन्दा बढी २२ करोड ७० लाख बराबरको कारोबार भएको छ भने हिमालयन रिइन्सुरेन्सको २० करोड ११ लाख बराबरको कारोबार भएको नेप्सेले जनाएको छ ।

Read More