काठमाडौँ । सागर ढकालले प्रधानमन्त्री सुशिला कार्कीप्रति जेनजीले चाहिने भन्दा बढी विश्वास गरेको भन्दै आलोचना गरेका छन् ।
प्रधानमन्त्री कार्कीले राष्ट्रका नाममा सम्बोधन गरेपछि सामाजिक सञ्जालमा प्रधानमन्त्रीलाई सम्बोधन गर्दै सागरले टिप्पणी गरेका हुन् । सागरले ऐतिहासिक क्रान्तिको बलिदान मध्यावधिको लागि मात्रै हो त ? भन्दै प्रधानमन्त्री कार्कीलाई प्रश्न गरेका छन् ।
सागरले कार्कीलाई आन्दोलनले होइन राष्ट्रपतिले प्रधानमन्त्री बनाएको बुझिएको भन्दै जेनजीले कार्कीलाई चाहिने भन्दा बढी विश्वास गरेर आन्दोलनको सम्झौता नगरि फर्किनु ठुलो भुल भएको समेत उल्लेख गरेका छन् ।
उनले भनेका छन्:
प्रधानमन्त्रीज्यु, जेनजीले मध्यावधि चुनावको मात्र माग गरेर यति ठुलो बलिदानी गरेका थिएनौं । आन्दोलनकारिको माग नै पुरा नगरि कसरि अगाडि जान सक्छ । यत्रो विश्वकै एतिहासिक क्रान्तिको बलिदान मध्यावधिको लागि मात्रै हो त ? भने पछि हजुरलाई आन्दोलनले होइन राष्ट्रपतिले प्रधानमन्त्री बनाउनु भएको हो भन्ने बुझिन्छ। जेन्जीले हजुरलाई चाहिने भन्दा बढि विश्वास गरेर आन्दोलनको सम्झौता नगरि फर्किनु ठुलो भुल भएको छ। मैले पनि तारान्तार फोन गरेर जेनजी साथीहरुलाई सम्झौता नगरि नफर्किनुस भनेको हो, काँग्रेसको राष्ट्रपतिले अल्झाउने काम गर्नुभयो, जेनजी पनि अल्झिनु भयो । अझै केही बिग्रिएको छैन, हामी आशावादि छौ सुनलाई पित्तलको भाउमा बेच्नु हुनेछैन ।
