काठमाडौँ । भारतको आसामको तेजपुरमा एक अवकाशप्राप्त भारतीय वायुसेना अधिकारीलाई पक्राउ गरिएको छ ।

पूर्व अधिकारीमाथि पाकिस्तानी गुप्तचर अधिकारीहरूसँग सम्पर्कमा रहेको र उनीहरूसँग रक्षा सम्बन्धी कागजातहरू साझा गरेको आरोप छ । प्रहरीले पक्राउ परेका व्यक्तिलाई कुलेन्द्र शर्माको रूपमा पहिचान गरेको छ । 

सन् २००२ मा भारतीय वायुसेनाबाट अवकाशप्राप्त यी व्यक्ति लगभग दुई हप्तादेखि निगरानीमा रहेको र उनी र उनको सामाजिक सञ्जाल खाताहरूबाट धेरै कागजातहरू जफत गरिएको बताइएको छ ।

प्रहरीको जानकारी अनुसार, २००२ मा भारतीय वायुसेनाबाट अधिकारीको रूपमा अवकाश लिएपछि, अभियुक्त तीन वर्षअघि तेजपुर विश्वविद्यालयमा इलेक्ट्रोनिक्स र सञ्चार इन्जिनियरिङ विभागमा प्राविधिक सहायकको रूपमा कार्यरत थिए ।

एक प्रहरी अधिकारीले प्रारम्भिक अनुसन्धानबाट अभियुक्तले राष्ट्रिय सुरक्षासँग सम्बन्धित केही महत्त्वपूर्ण जानकारी अज्ञात व्यक्तिहरूसँग साझा गरेको खुलासा भएको बताए ।

Read More

काठमाडौँ । बलिवुड अभिनेता रणवीर सिंहको फिल्म ‘धुरन्धर’ को घरेलु बक्स अफिसमा शानदार कमाई जारी रहेको छ । फिल्मले घरेलु बक्स अफिसमा रिलिजको नवौं दिनमा ३०० करोडभन्दा बढी कमाएको छ ।

पहिलो सातामा भारतमा मात्र २१८ करोड भारु कमाई गरेको फिल्मले दोस्रो शुक्रबार र शनिबार शानदार कमाई गरेको हो । बलिवुड फिल्म विश्लेषक तरण आदर्शका अनुसार फिल्मले दोस्रो शुक्रबार ३४ करोड ७० लाख कमाएको थियो भने दोस्रो शनिबार ५३ करोड ७० लाख कमाएको छ । फिल्मले अहिलेसम्म घरेलु बक्स अफिसमा ३०६.४० करोड कमाएको छ ।

त्यस्तै फिल्मले भारत बाहिर पनि शानदार कमाई गरिरहेको छ । फिल्मले पहिलो साता विदेशी बक्स अफिसमा ७०.६० करोड भारु कमाएको छ ।

रणवीर सिंहको ‘धुरन्धर’ लाई वर्षको सबैभन्दा ठूलो फिल्म मानिएको छ । फिल्ममा रणवीर सिंहसहित संजय दत्त, अक्षय खन्ना, आर. माधवन, अर्जुन रामपाल, सारा अर्जुन र राकेश बेदीको प्रमुख भूमिका रहेको छ । फिल्मलाई आदित्य धरले निर्देशन गरेका हुन् भने फिल्ममा रणवीर सिंहको पनि लगानी रहेको छ ।

त्यस्तै यस फिल्मको डिजिटल अधिकार नेटफ्लिक्सले किनेको छ । आधिकारिक ओटीटी रिलीज मिति भने अझै घोषणा गरिएको छैन । यस फिल्मको लागत करिब २२० करोड भारु भएको बताइएको छ । जसमा फिल्मले सिनेमा हल बाहेक विभिन्न अधिकार बिक्री गरेर ११० करोड कमाई गरिसकेको छ ।

Read More

काठमाडौँ । इसेवा लिमिटेडको १३ औँ वार्षिक साधारण सभा सम्पन्न भएको छ। नेपालको पहिलो तथा अग्रणी डिजिटल भुक्तानी सेवा प्रदायक कम्पनीको उक्त सभा २०८२ मङ्सिर २४ गते बुधबार काठमाडौँस्थित मेरियट होटलमा सम्पन्न भएको हो।

साधारण सभा कम्पनीका सञ्चालक समिति अध्यक्ष परशुराम कुँवर क्षेत्रीको अध्यक्षतामा शत प्रतिशत शेयरधनीहरूको उपस्थितिमा सम्पन्न भएको कम्पनीले जनाएको छ।

साधारण सभाले आर्थिक वर्ष २०८१/८२ का लागि सञ्चालक समितिको वार्षिक प्रतिवेदन, लेखापरीक्षकको प्रतिवेदनसहित वासलात, नाफा–नोक्सान हिसाब, नगद प्रवाह विवरणलगायत सम्पूर्ण वित्तीय विवरणहरू सर्वसम्मत रूपमा पारित गरेको छ। साथै, लेखापरीक्षकको प्रतिवेदनका आधारमा कम्पनीको खुद नाफा तथा जगेडा कोषबाट हालको चुक्ता पूँजीको ८०.५३ प्रतिशतले हुन आउने ३० करोड ६० लाख रुपैयाँ नगद लाभांश (कर सहित) वितरण गर्ने प्रस्ताव पनि अनुमोदन गरिएको छ।

त्यसैगरी, चुक्ता पूँजीको ३१.५८ प्रतिशत बराबरको १२ करोड रुपैयाँ मूल्यको बोनस शेयर जारी गर्ने निर्णय समेत साधारण सभाले पारित गरेको छ। सभाले सञ्चालक समितिमा प्रतिनिधित्व गर्ने दुई जना सञ्चालक सुबास शर्मा र सौगात केसीलाई पुनःनिर्वाचन गरेको छ भने आर्थिक वर्ष २०८२/८३ का लागि पीकेएफ टी आर उपाध्याय एण्ड कम्पनीलाई लेखापरीक्षक नियुक्त गरेको छ।

सभालाई सम्बोधन गर्दै अध्यक्ष परशुराम कुँवर क्षेत्रीले कम्पनीको वित्तीय अवस्था, सञ्चालन सूचक तथा बजार उपस्थिति उत्साहजनक रहेको उल्लेख गर्दै आगामी दिनमा अझ सुदृढ बनाउँदै लैजाने प्रतिबद्धता व्यक्त गरे। उनले नियामकीय अनुपालनप्रति कम्पनीले शून्य सहनशीलताको नीति अपनाएको स्पष्ट गर्दै प्रयोगकर्ता, मर्चेन्ट, नियामक निकाय र कर्मचारीप्रति धन्यवाद ज्ञापन गरे ।

यसैगरी, प्रमुख कार्यकारी अधिकृत जगदीश खड्काले लगानीकर्ता, सञ्चालक समिति र व्यवस्थापन टोलीको संयुक्त प्रयासले कम्पनीलाई सुदृढ अवस्थामा पुर्‍याउन सफल भएको बताए । उनले दीर्घकालीन दृष्टि र रणनीतिक रोडम्यापमार्फत जोखिम न्यूनीकरणमा केन्द्रित रहेको जानकारी दिए ।

Read More

काठमाडौं । नेपाली बजारमा आज सुनको मुल्य अहिलेसम्मकै उच्च विन्दुमा पुगेको छ ।

नेपाल सुनचाँदी व्यवसायी महासङ्घका अनुसार आइतबार छापावाल सुनको मुल्य तोलाको २२ सयले बढेर तोलाको २ लाख ५८ हजार ८ सयमा कारोबार भइरहेको छ । यो सुनको अहिलेसम्मकै उच्च मुल्य हो । यसअघि गत असोज ३१ गते सुनको २ लाख ५८ हजार प्रतितोलामा कारोबार भएको थियो । त्यस्तै शुक्रबार सुन तोलाको २ लाख ५६ हजार ६ सयमा कारोबार भएको थियो । 

यस्तै, आज चाँदीको मूल्य भने घटेको छ । महासङ्घका अनुसार आज चाँदी तोलाको ८० रुपैयाँले घटेर ३८२५ रुपैयाँमा कारोबार भइरहेको छ । यसअघि शुक्रबार चाँदी तोलाको ३९०५ मा कारोबार भएको थियो ।

Read More

काठमाडौँ । नेपाली कांग्रेसका नेता एवं पुर्व शिक्षामन्त्री आमोद प्रसाद उपाध्यायको निधन भएको छ । ९२ बर्षिय उपाध्यायको गएराती काठमाडौंको ह्याम्स अस्पतालमा उपचारको क्रममा निधन भएको हो ।

उपाध्याय प्रतिनिधि सभा, राष्ट्रिय सभाको सांसद हुनुका साथै संबिधान सभाको समेत सदस्य रहेका थिए । उनी २०५८ सालमा शेरबहादुर देउवाको मन्त्रिपरिषदमा शिक्षामन्त्री बनेका थिए । २०५९ असोज १८ गते राजा ज्ञानेन्द्रले शाही कदम उठाएपछि उनी पदमुक्त भएका थिए । 

उपाध्यायको अन्तिम दाहासंस्कार धार्मिक परम्परा सोमबार पशुपती आर्यघाटमा हुने परिवार निकटले जानकारी दिएका छन् ।

Read More