काठमाडौँ । जारी टी-२० विश्वकपका लागि सुपर आठका खेल आजदेखि शुरु हुदैछन् । यस प्रतियोगितामा २० टोलीहरूले भाग लिएका थिए, प्रत्येक पाँच जनाको चार समूहमा विभाजित गरिएको थियो । 

सुपर ८ मा १२ खेलहरू हुनेछन्, जसमा तीन दिन डबल हेडरहरू हुनेछन् । सुपर ८ चरणमा, चार टोलीका दुई समूह बनाइएको छ । प्रत्येक टोलीले आफ्नो समूहमा एकअर्का विरुद्ध तीन खेल खेल्नेछन् । यसको अर्थ प्रत्येक समूहमा छ खेल हुनेछन् । यसरी, दुवै समूहमा १२ खेल खेलाइनेछ । प्रत्येक समूहबाट शीर्ष दुई टोलीहरू अर्को चरणमा जानेछन् । सुपर ८ चरणमा फेब्रुअरी २२ र २६ मा दुई-दुई खेल हुनेछन्, जसमा मार्च १ मा एक-एक खेल हुनेछ। बाँकी दिनहरू, फेब्रुअरी २० देखि २८ सम्म, एक-एक खेल हुनेछन् ।

पहिलो सेमिफाइनल मार्च ४ मा खेलिनेछ, जबकि दोस्रो सेमिफाइनल मार्च ५ मा वानखेडे स्टेडियममा खेलिनेछ । विजेता टोलीले मार्च ८ मा फाइनलमा प्रतिस्पर्धा गर्नेछ ।

फेब्रुअरी ७ मा सुरु भएको प्रतियोगिताको सुपर ८ चरण आजदेखि सुरु हुदैछन् ।  आज सुपर आठको पहिलो खेल न्युजील्याण्ड र पाकिस्तान बीच खेलिदै छ । त्यस्तै फेब्रुअरी २२ मा श्रीलंका र इङल्याण्ड तथा भारत र दक्षिण अफ्रीका खेल्ने छन् भने  फेब्रुअरी २३ मा जिम्बाबे र वेस्ट इण्डिज खेल्ने छन् ।  त्यसैगरी फेब्रुअरी २४ मा इङल्याण्ड र पाकिस्तान, फेब्रुअरी २५ मा श्रीलंका र न्युजील्याण्ड, फेब्रुअरी २६ मा वेस्ट इण्डिज र दक्षिण अफ्रीका तथा भारत र जिम्बाबे खेल्ने छन् ।

त्यस्तै फेब्रुअरी २७ मा इङल्याण्ड र न्यूजील्याण्ड, फेब्रुअरी २८ मा श्रीलंका र पाकिस्तान, मार्च १ मा जिम्बाबे र दक्षिण अफ्रिका तथा भारत र वेस्ट इन्डिज खेल्ने तालिका रहेको छ ।

यस विश्वकपमा सहभागी २० टोलीलाई पाँच-पाँच टोलीका चार समूहमा विभाजन गरिएको थियो । समूह ए बाट भारत र पाकिस्तान छनोट भए। समूह बी बाट श्रीलंका र जिम्बाब्वे छनोट भए। समूह सी बाट इङ्गल्याण्ड र वेस्ट इन्डिज अर्को चरणमा पुगे। समूह डी बाट न्युजिल्याण्ड र दक्षिण अफ्रिका सुपर ८ मा पुगे । अष्ट्रेलिया, आयरल्याण्ड, ओमान, स्कटल्याण्ड, इटाली, नेपाल, अफगानिस्तान, युएई, नामिबिया, संयुक्त राज्य अमेरिका, नेदरल्याण्ड्स र क्यानडा लिग चरणबाटै बाहिरिएका छन् ।

Read More

काठमाडौँ । आज फेब्रुअरी २१ अन्तर्राष्ट्रिय मातृभाषा दिवस । यो दिवस सन् २००० देखि भाषिक र सांस्कृतिक विविधता एवं बहुभाषिकता प्रवद्र्धन गर्ने उद्धेश्यले मनाउन थालिएको हो । 

यस बर्षको अन्तर्राष्ट्रिय मातृभाषा दिवसका अवसरमा युनेस्कोले ‘बहुभाषिक शिक्षामा युवाको आवाज’ भन्ने नारासहित युवाहरूलाई विश्वव्यापी संवादको केन्द्रमा राखेको जनाएको छ ।

हरेक वर्ष जस्तै आज पनि विभिन्न कार्यक्रम आयोजना गरी मनाइँदैछ । संयुक्त राष्ट्रसंघ महासभाले सन् १९९९ मा घोषणा गरी सन् २००० देखि फेब्रुअरी २१ तारिखका दिन अन्तर्राष्ट्रिय मातृभाषा दिवस मनाउन सुरु गरेको हो । नेपालमा भने विसं २०६६ देखि विशेषरुपमा अन्तर्राष्ट्रिय मातृभाषा दिवस मनाउन सुरु गरिएको थियो ।

नेपालमा १३१ वटा भाषा बोलिन्छन् । तर ती भाषामध्ये मातृभाषाका रूपमा बोलिने भाषाहरूको संख्या, बोलिने स्थान, वक्ता र भाषिक जीवन्तताबारे सोधखोज भएको छैन । राष्ट्रिय जनगणनाले समेत भाषिक चित्र दिन नसकेको भाषाविज्ञहरूको गुनासो छ । गणनाबाट केवल जातजाति र ती भाषाका वक्ता संख्या मात्रैको आँकडा आउने गरेको छ । भाषाले सञ्चार, पहिचान र विकासका लागि दीर्घकालीन महत्व बोकेको हुन्छ । भाषाको मृत्युसँगै त्यस भाषामा अन्तर्निहित ज्ञान, संस्कार, संस्मरण सांस्कृतिक र भाषिक विविधता लोप हुन पुग्दछ । भाषिक विविधताले नवीन सोचाइ र यसले संसारलाई हेर्ने नवीन दृष्टिकोणसमेत बोकेको हुन्छ । भाषिक विविधता आफैंमा वैज्ञानिक खोज-अनुसन्धानको विषय पनि हो । पछिल्लो समय मातृभाषा लोप हुन थालेका छन् । भाषा लोप हुन नदिन पनि आज सरोकारवाला निकायहरुले विभिन्न कार्यक्रम गर्दैछन् ।

दिवसका अवसरमा नेपाल प्रज्ञा प्रतिष्ठान, भाषा आयोग र संयुक्त राष्ट्र संघीय शैक्षिक वैज्ञानिक तथा सांस्कृतिक संगठन (युनेस्को) ले विभिन्न सचेतनाका कार्यक्रमहरु गर्दैछन् ।

Read More