काठमाडौं । उद्यमी व्यवसायी शेखर गोल्छा पक्राउविरुद्ध दायर बन्दीप्रत्यक्षीकरणको रिटमाथि सर्वोच्च अदालतमा सुनुवाइ सकिएको छ ।
कानुन विपरीत आफ्ना श्रीमानलाई थुनामा राखेको भन्दै गोल्छाको श्रीमती सिमा गोल्छाले सोमबार दायर गरेको रिटमा न्यायाधीश नृपध्वज निरौलाको इजलासमा सुनुवाइ सकिएको हो । सुनुवाइ सकिएकाले आजै आदेश आउने सम्भावना रहेको छ।
प्रहरीको केन्द्रीय अनुसन्धान ब्युरो (सिआइबी) ले गत बिहीबार गोल्छालाई पक्राउ गरेपछि सोमबार नै थप तीन दिन हिरासतमा राखेर अनुसन्धान गर्न काठमाडौं जिल्ला अदालतले प्रहरीले अनुमति दिएको छ ।
