काठमाडौँ । नेपाल आयल निगमले पेट्रोलको मुल्य घटाएको छ ।
भारतबाट पेट्रोलमा २.५६ रुपैयाँले र डिजेलमा २५ पैसाले घटेर आएकोले निगमले बुधबार राति १२ बजेपछि लागू हुनेगरी पेट्रोलमा प्रतिलिटर २ रुपैयाँले घटाएको हो । मुल्य परिवर्तनपछि काठमाडौँमा पेट्रोल प्रति लिटर १५९ भएको निगमले जनाएको छ ।
चाडपर्वको समयलाई मध्यनजर गर्दै यसपटक पेट्रोलको मुल्य घटाईएको आयल निगमका प्रबन्ध निर्देशक चण्डिका भट्टले बताए । उपभोक्ताको हितलाई ध्यानमा राख्दै निगमले यस अघि पनि दुई पटक मुल्य वृद्धि हुदा समेत यथावत राखेको थियो ।
