काठमाडौं । आशा, सत्यनिष्ठा र जिम्मेवार नागरिकको सन्देश बोकेको शक्तिशाली म्युजिक भिडियो ‘परिवर्तन सम्भव छ (A Voice of Change)’ सार्वजनिक भएको छ ।
समाजमा सकारात्मक रूपान्तरणका लागि युवापुस्तालाई एकजुट हुन प्रेरित गर्ने उद्देश्यसहित बनाइएको यो गीतले सुशासन र पारदर्शिताप्रति नयाँ पुस्ताको प्रतिबद्धता उजागर गर्छ।
चिनारीले निर्माण गरेको भिडियोमा विक्रम राजवंशीले शब्द र संगीत तयार पारेका छन् भने गायिका नेहा श्रेष्ठको दमदार स्वरले गीतलाई भावनात्मक उचाइ दिएको छ।
भिडियोले भ्रष्टाचारविरुद्ध दृढ आवाज उठाउने, जिम्मेवार नेतृत्व खोज्ने र पारदर्शी शासन व्यवस्था चाहने युवाहरूको भावना सशक्त रूपमा चित्रण गर्छ। “परिवर्तन सम्भव छ, हामी जुटौँ, हामी एक हौँ” जस्ता पंक्तिले युवाको शक्ति, एकता र परिवर्तनको आकांक्षालाई कलात्मक तर गहिरो शैलीमा प्रस्तुत गर्छ।
समग्रमा, ‘परिवर्तन सम्भव छ !’ ले जेनजी (Gen Z) पुस्ताको सोच, आवाज र सक्रियतालाई उभ्याउँदै सुशासन, उत्तरदायित्व र सकारात्मक परिवर्तनतर्फको अभियानलाई सांगीतिक संदेशका रूपमा प्रेषित गरेको छ।
उत्साह, ऊर्जा र चेतनाले भरिएको यो म्युजिक भिडियोले युवा मात्र होइन, सबै जिम्मेवार नागरिकलाई देशका लागि सक्रिय भूमिका खेल्न प्रेरित गर्ने अपेक्षा गरिएको छ।
