काठमाडौं । सीप विकास, सिर्जनशीलता र युवा सशक्तीकरणलाई केन्द्रमा राख्दै ग्लोकल आफ्टर स्कूलले ‘स्किल वीक २०२६’ आयोजना गर्ने घोषणा गरेको छ। आगामी जनवरी ११ देखि १९, २०२६ सम्म सञ्चालन हुने यो साताव्यापी कार्यक्रममा कार्यशाला, प्रयोगात्मक सिकाइ, प्रतियोगिता, प्रदर्शनी र युवा केन्द्रित विविध कार्यक्रम समेटिनेछन्। कार्यक्रमको मुख्य आकर्षणका रूपमा जनवरी १६ मा ‘फेस्ट डे’ र जनवरी १९ मा समापन समारोह रहनेछ।
के हो स्किल वीक २०२६?
ग्लोकल आफ्टर स्कूलको सीप–आधारित सिकाइ अवधारणाबाट प्रेरित स्किल वीक २०२६ लाई ‘सीप, सिर्जनशीलता, प्रेरणा र अन्तर्दृष्टिले भरिएको एक साता’का रूपमा परिकल्पना गरिएको छ। यस कार्यक्रमको उद्देश्य युवाहरूलाई शिक्षा र मनोरञ्जनको संयोजनमार्फत जीवन उपयोगी र व्यावसायिक सीप सिक्न र निखार्न प्रेरित गर्नु हो।
आफैं गरेर सिक्ने अभ्यासदेखि अन्तर्क्रियात्मक सत्रहरूसम्म समेटिएको स्किल वीकले विद्यार्थी, शिक्षक, पेशेवर र संस्थाहरूलाई एउटै साझा मञ्चमा ल्याउँदै सीपको महत्वलाई उत्सवका रूपमा मनाउने अवसर प्रदान गर्नेछ।
कार्यक्रमका मुख्य आकर्षण
जनवरी ११–१५: नेतृत्व, प्रविधि, सिर्जनशीलता, सञ्चार र उद्यमशीलताजस्ता विषयमा कार्यशाला, मास्टरक्लास, प्रतियोगिता र अन्तर्क्रियात्मक सिकाइ सत्र
जनवरी १६ – फेस्ट डे: स्किल वीकको मुख्य आकर्षणका रूपमा सीप प्रदर्शनी, प्रत्यक्ष प्रस्तुति, सांगीतिक कार्यक्रम, नेटवर्किङ स्पेस, युवा प्रतिभा प्रदर्शन, खेल तथा विविध स्टलहरू
यही दिन ‘CEO Unplugged’ फोरम पनि आयोजना हुनेछ, जहाँ ‘आज र भोलिको संगम’ नारासहित उद्यमी, व्यवसायी र विद्यार्थीबीच वर्तमान चुनौती र भविष्यका सम्भावनाबारे छलफल हुनेछ।
जनवरी १७–१८: उद्योग र शिक्षा क्षेत्रबीच अन्तर्क्रिया तथा नेशनल बिजनेस केस स्टडी प्रतियोगिताको फाइनल
जनवरी १९ – समापन समारोह: साताभरिका सिकाइ र उपलब्धिको समीक्षा गर्दै भविष्यको मार्गचित्र प्रस्तुत गरिनेछ। यसै अवसरमा ‘स्किल हिरो अवार्ड्स’ प्रदान गरिनेछ, जसअन्तर्गत कला र संस्कृति, पर्यटन तथा आतिथ्य, विज्ञान तथा प्रविधि र उद्यमशीलता क्षेत्रमा उल्लेखनीय योगदान पुर्याउने व्यक्तिहरू सम्मानित हुनेछन्।
स्किल वीक किन महत्वपूर्ण?
स्किल वीक २०२६ ले परम्परागत शिक्षा र व्यवहारिक सीपबीचको खाडल घटाउने लक्ष्य राखेको छ। ग्लोकल आफ्टर स्कूलका अध्यक्ष आशिष ठाकुरका अनुसार, “स्किल वीक एउटा कार्यक्रम मात्र होइन, यो एक अभियान हो। युवाहरूले सिक्ने, प्रयोग गर्ने र आफ्ना क्षमताहरू विश्वसामु प्रस्तुत गर्ने मञ्च निर्माण गर्नु नै हाम्रो लक्ष्य हो।”
ग्लोकल आफ्टर स्कूल र साझेदारी
ग्लोकल आफ्टर स्कूल सीपमा आधारित शिक्षा, तालिम र प्रयोगात्मक सिकाइमार्फत युवाको क्षमता अभिवृद्धि गर्ने अग्रणी प्लेटफर्म हो। यस वर्षको स्किल वीक एम्बार्क कलेजद्वारा सञ्चालन हुँदैछ।
कार्यक्रमका रणनीतिक साझेदारहरूमा भारतीय दूतावास, युरोपेली संघ र अष्ट्रेलियाली सरकार रहेका छन्। साथै, होन्डा, इन्स्योर, बायोस्फेयर ग्लोबल, मेरोजब, अग्रिमा एकेडेमी, नेपाल एसबिआई बैंक (बैंकिङ पार्टनर), वर्ल्डलिंक (इन्टरनेट पार्टनर), यती एयरलाइन्स (एयरलाइन पार्टनर) तथा द काठमाडौं पोस्ट र प्रिज्मा एड्भरटाइजिङ (मिडिया पार्टनर) को समेत सहकार्य रहेको छ।
थप जानकारीका लागि skill.glocalafterschool.com मा अवलोकन गर्न सकिनेछ।
