काठमाडौँ । गृहमन्त्रीको जिम्मेवारी सम्हालेको एक महिना पनि नबित्दै सुदन गुरुङ गम्भीर प्रश्नको घेरामा परेका छन्।
सम्पत्ति शुद्धीकरणसम्बन्धी अनुसन्धानका क्रममा प्रहरी हिरासतमा रहेका दीपक भट्ट सँग उनको व्यापारिक सम्बन्ध रहेको विवरण सार्वजनिक भएपछि विषयले राजनीतिक रंग लिन थालेको हो।
कम्पनी साझेदारी सार्वजनिक
सार्वजनिक विवरणअनुसार गुरुङ र भट्टबीच स्टार माइक्रो इन्स्योरेन्स कम्पनी लिमिटेड मा साझेदारी रहेको देखिएको छ। भट्टलाई बिचौलियाका रूपमा समेत चिनिने गरेको पृष्ठभूमिमा यो सम्बन्ध बाहिरिएपछि राजनीतिक वृत्तमा चासो बढेको छ।
मन्त्रीहरूको सम्पत्ति विवरण सार्वजनिक भइरहेका बेला यो विषयले थप बहस जन्माएको छ।
रास्वपाको प्रतिक्रिया
राष्ट्रिय स्वतन्त्र पार्टी का महामन्त्री कविन्द्र बुर्लाकोटी ले शेयर लगानी मात्रैका आधारमा कसैलाई दोषी ठहर गर्न नमिल्ने प्रतिक्रिया दिएका छन्।
उनका अनुसार सम्बन्धित लगानी कानुनी हो वा होइन भन्ने विषयमा पार्टीले आन्तरिक रूपमा सोधपुछ गर्नेछ र आवश्यक परे राज्यका निकायले अनुसन्धान गर्नेछ। “दोषी प्रमाणित भए जोसुकै भए पनि पार्टीले कारबाही गर्छ,” उनले बताए।
गुरुङ सम्पर्क बाहिर
यस विषयमा प्रतिक्रिया लिन खोज्दा सुदन गुरुङ सम्पर्कमा आउन नसकेको बताइएको छ।
घटनाले सरकार र रास्वपा दुवैभित्र राजनीतिक दबाब बढाएको देखिएको छ भने आगामी दिनमा अनुसन्धानको दिशा के हुन्छ भन्नेमा चासो बढेको छ।
