काठमाडौँ । नेपाली राजनीतिक वृत्तमा नयाँ हलचल पैदा गर्नेगरी नेपाली कांग्रेसका सभापती गगन थापा र नेकपा संयोजक पुष्पकमल दाहाल प्रचण्ड बीच मंगलबार दिउँसो भेटवार्ता भएको छ। प्रतिनिधिसभा निर्वाचनपछि दुई शीर्ष नेताबीच भएको यो पहिलो औपचारिक संवाद हो ।
भेट प्रचण्ड निवासमा भएको थियो, जहाँ समसामयिक राजनीतिक परिस्थिति केन्द्रित छलफल भएको स्रोतले जनाएको छ। यद्यपि, भेटको एजेन्डाबारे औपचारिक रूपमा विस्तृत खुलासा गरिएको छैन ।
नेपाली कांग्रेसका प्रवक्ता देवराज चालिसे ले भेटको पुष्टि गर्दै “समसामयिक विषयमा सामान्य कुराकानी” भएको बताएका छन्। उनले थप विवरण दिन भने चाहेनन्, जसले भेटलाई अझ अर्थपूर्ण र रणनीतिक बनाएको आकलन गरिएको छ।
शीर्ष तहमा भएको यो संवादलाई अर्थपूर्ण रूपमा हेरिएको छ। अबको केही दिनमा यसको प्रभाव राजनीतिक घटनाक्रममा देखिने अनुमान गरिएको छ।
