काठमाडौँ । अमेरिकी राष्ट्रपति डोनाल्ड ट्रम्पले रुसका राष्ट्रपति भ्लादिमिर पुटिनसँग युक्रेन र इरानका विषयमा युद्ध सम्बन्धी छलफल भएको बताएका छन् ।
ट्रम्पले पुटिन इरानमा जारी द्वन्द्व अन्त्य गराउन सहयोग गर्न इच्छुक रहेको बताउदै उनले युक्रेन युद्धबारे बढी कुरा भएको उल्लेख गरेका छन् ।
इरान युद्धको विषयमा पुटिनले सहयोग गर्न चाहेको तर आफूले पहिले युक्रेनको युद्ध अन्त्य गर्न आग्रह गरेको ट्रम्पले बताएका छन् ।
ट्रम्पका अनुसार पुटिनले इरानको समृद्धिकरण प्रक्रियामा सहभागी हुन चाहेको बताएका थिए । यसबारे उनले इरानसँग सम्झौता गर्न सहयोग गरेमा त्यसमा सहभागी हुन चाहेको संकेत दिएको ट्रम्पले जनाए । ट्रम्पले भनेका छन्- ‘म चाहन्छु कि तपाईं पहिले युक्रेनको युद्ध अन्त्य गर्न सहयोग गर्नुहोस् ।’ साथै उनले इरानलाई परमाणु हतियार राख्न नदिने अडान दोहोर्याउँदै पुटिन पनि त्यसको पक्षमा नरहेको बताएका छन् ।
