प्रतिनिधि सभाको सचिवमा प्रकाश अधिकारी नियुक्त

काठमाडौँ । प्रतिनिधि सभाको सचिवमा प्रकाश अधिकारी नियुक्त भएका छन् ।

राष्ट्रपति रामचन्द्र पौडेलले प्रतिनिधि सभाका सभामुखको सिफारिसमा नेपालको संविधानको धारा १०६ को उपधारा (१) बमोजिम संखुवासभाका प्रकाश अधिकारी सङ्घीय संसद, प्रतिनिधि सभाको सचिव पदमा नियुक्त गरेको राष्ट्रपतिको कार्यालयले जानकारी दिएको छ ।

यसअघि सभामुखकै सिफारिसमा राष्ट्रपति पौडेलले प्रतिनिधि सभाका तत्कालिन सचिव हर्कराज राईलाई बर्खास्त गरेका थिए ।