काठमाडौँ । नेपाली काँग्रेसका पूर्व सभापति एवं पूर्व प्रधानमन्त्री शेरबहादुर देउवाले राष्ट्रिय स्वतन्त्र पार्टीका बरिष्ठ नेता बालेन्द्र शाह प्रधानमन्त्रीमा नियुक्त भएकोमा बधाई तथा सफल कार्यकालको शुभकामना व्यक्त गरेका छन् ।
देउवाले सामाजिक सञ्जाल मार्फत बालेनलाई बधाई दिदै आजै नियुक्त भएका सबै मन्त्रिपरिषद्का सदस्यहरुलाई पनि बधाई तथा सफलताको शुभकामना दिएका छन् ।
चुनाव अघि उपचारका लागि सिंगापुर गएका देउवा हाल हङकङमा रहेका छन् ।
काठमाडौँ । उज्यालो नेपाल पार्टीका अध्यक्ष कुलमान घिसिङले राष्ट्रिय स्वतन्त्र पार्टीका वरिष्ठ नेता बालेन्द्र शाह प्रधानमन्त्रीमा नियुक्त भएकोमा बधाई तथा शुभकामना व्यक्त गरेका छन् ।
प्रतिनिधि सभामा करिब दुई तिहाइ बहुमतसहित प्रधानमन्त्री बनेका शाहलाई सफल कार्यकालको कामना गर्दै घिसिङले नयाँ सरकारबाट सुशासन र विकासको अपेक्षा गरिएको बताएका छन् ।
उनले जनताको मतका आधारमा गठन भएको सरकारले संविधान र शासन प्रणालीलाई नागरिकमैत्री बनाउने, भ्रष्टाचारमा शून्य सहनशीलता अपनाउने तथा अर्थतन्त्रलाई उत्पादनमुखी बनाउँदै रोजगारी सिर्जना गर्ने विश्वास व्यक्त गरे ।
यसैगरी प्रविधि, नवप्रवर्तन र उद्यमशीलता प्रवर्द्धनसँगै पूर्वाधार विकासलाई मजबुत बनाउने अपेक्षा पनि गरिएको उनको भनाइ छ ।
घिसिङले सुशासन, समृद्धि र सामाजिक न्यायसहितको देश निर्माणमा सरकार सफल होस् भन्ने कामना गर्दै आफ्नो पार्टीले सरकारलाई आवश्यक सुझाव दिने र कामकारबाहीमा रचनात्मक खबरदारी गर्ने प्रतिबद्धता जनाएका छन् ।
काठमाडौँ । भारतीय प्रधानमन्त्री नरेन्द्र मोदीले नवनियुक्त नेपाली प्रधानमन्त्री बालेन्द्र शाह (बालेन) लाई बधाई दिएका छन्।
सामाजिक सञ्जालमार्फत मोदीले बालेनलाई बधाई दिदै नेपाली जनताले उनको नेतृत्वमाथि विश्वास गरेको देखाएको उल्लेख गरेका छन् ।
मोदीले नेपाल-भारतबीचको मित्रता र सहकार्यलाई अझ मजबुत बनाउदै दुवै देशका जनताको हितमा मिलेर काम गर्न आफू इच्छुक रहेको उल्लेख गरेका छन् ।
काठमाडौं । प्रधानमन्त्री बालेन शाहको शपथ ग्रहण समारोहमा एमाले अध्यक्ष तथा पूर्वप्रधानमन्त्री केपी शर्मा ओली अनुपस्थित भएका छन् ।
पूर्वप्रधानमन्त्रीहरु पुष्पकमल दाहाल प्रचण्ड, माधवकुमार नेपाल, झलनाथ खनाल र बाबुराम भट्टराई प्रधानमन्त्री बालेनको शपथ ग्रहण समारोहमा सहभागी भए पनि ओली अनुपस्थित भएका हुन् ।
पिताको निधनपछि सेतो वस्त्रमा रहेका ओलीले आफू शपथ समारोहमा उपस्थित हुन नसक्ने जानकारी राष्ट्रपतिको कार्यलयलाई गराएको बताइएको छ ।
त्यस्तै पूर्वप्रधानमन्त्री शेरबहादुर देउवा विदेशमा रहेका कारण समारोहमा अनुपस्थित रहेका थिए । काँग्रेसका सभापति गगन थापा पनि शपथ ग्रहण समारोहमा अनुपस्थित रहेका छन् ।
काठमाडौँ । श्रीलंकाले इन्धनको संकट बढेपछि आपूर्ति व्यवस्थापनका लागि पुनः राशन प्रणाली लागू गरेको छ । इरानसँगको युद्धका कारण उत्पन्न संकटको जोखिम बढेपछि यस्तो कदम चालिएको हो।
श्रीलंकाले आफ्नो करिब ६० प्रतिशत ऊर्जा आवश्यकता आयातमार्फत पूरा गर्दै आएको छ, जसको ठूलो हिस्सा स्ट्रेट अफ होर्मुजबाट आउने गर्छ । उक्त मार्ग प्रभावित भएपछि अवस्था झनै जटिल बनेको छ । हाल देशसँग करिब एक महिनाका लागि मात्र इन्धन भण्डारण रहेको जनाइएको छ।
यसैबीच श्रीलंका सरकारले क्यूआर कोडमा आधारित इन्धन राशन प्रणाली लागू गरेको छ, जुन यसअघि २०२२ को आर्थिक संकटमा पनि प्रयोग गरिएको थियो ।
नयाँ व्यवस्थाअनुसार मोटरसाइकललाई साप्ताहिक ८ लिटर पेट्रोल, अटो रिक्सा २० लिटर, कार २५ लिटर, बसलाई १०० लिटर डिजेल र ट्रकलाई २०० लिटर डिजेल वितरण गरिनेछ ।
काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) प्रधानमन्त्रीको शपथ गरेका छन् ।
शुक्रबार शितल निवासमा आयोजित कार्यक्रममा राष्ट्रपति रामचन्द्र पौडेलले बालेनलाई देशको ४३औं प्रधानमन्त्रीको पद तथा गोपनियताको शपथ गराएका हुन् ।
प्रधानमन्त्री बालेनसँगै १५ मन्त्रीहरुले पनि पद तथा गोपनियताको शपथ लिएका छन् । बालेनले आफुसँग रक्षा तथा उद्योग मन्त्रालय आफैसँग राखेका छन् ।
जसमा अर्थमन्त्रीमा डा. स्वर्णिम वाग्ले, सुदन गुरुङ गृहमन्त्री, परराष्ट्र मन्त्रीमा शिशिर खनाल, भौतिक पूर्वाधारमन्त्रीमा सुनिल लम्साल, उर्जामन्त्रीमा विराज भक्त श्रेष्ठ, पर्यटनमन्त्रीमा गणेश पौडेल, सस्मित पोखरेल शिक्षामन्त्री, स्वास्थ्य मन्त्रीमा निशा मेहता, डा. विक्रम तिमल्सिना सञ्चारमन्त्री, सामान्य प्रशासन मन्त्रीमा प्रतिभा रावल, कानुनमन्त्रीमा सोबिता गौतम, गीता चौधरीले कृषिमन्त्री, दिपक शाह श्रममन्त्री र महिला बालबालिका मन्त्रीमा सीता वादीले शपथ लिएका छन् ।
काठमाडौँ । बालेन शाहले प्रधानमन्त्री पदको शपथ लिएका छन् ।
शितल निवासमा आयोजित कार्यक्रममा राष्ट्रपति रामचन्द्र पौडेलले बालेनलाई देशको ४३औं प्रधानमन्त्रीको पद तथा गोपनियताको शपथ गराएका हुन् ।
शपथ अघि ७ वटा शंखबाट शंखनाथ, १०८ जना बटुकबाट स्वस्ति शान्ति वाचन, १०८ जना बौद्ध भिक्षुबाट शुभ मंगलपाठ गरिएको थियो ।
शपथ कार्यक्रममा उपराष्ट्रपति रामसहाय प्रसाद यादव, निवर्तमान प्रधानमन्त्री सुशिला कार्कीसहित विशिष्ट व्यक्तिहरुको उपस्थिति रहेको थियो ।
यसअघि आजै राष्ट्रपति रामचन्द्र पौडेलले नेपालको संविधानको धारा ७६ को उपधारा (१) बमोजिम प्रतिनिधि सभाका सदस्य बालेनलाई नेपालको प्रधानमन्त्री पदमा नियुक्त गरेका थिए ।
काठमाडौँ । सर्लाही-४ बाट सांसद बनेका डा. अमेरेश कुमार सिंह मन्त्री नबन्ने भएका छन ।
यस अघि रास्वपाको मन्त्री बन्ने सूचीमा सिंह उद्योगमन्त्री बन्ने भनिएको भएपनि अन्तिम समयमा उनको नाम हटाइएको स्रोतले जानकारी दिएको छ । अब उद्योग मन्त्रालय प्रधानमन्त्री बालेन शाहले नै राख्ने बताइएको छ ।
काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) प्रधानमन्त्रीमा नियुक्त भएका छन् ।
शुक्रबार राष्ट्रपति रामचन्द्र पौडेलले नेपालको संविधानको धारा ७६ को उपधारा (१) बमोजिम प्रतिनिधि सभाका सदस्य बालेनलाई नेपालको प्रधानमन्त्री पदमा नियुक्त गरेको राष्ट्रपति कार्यालयले जानकारी दिएको छ ।
रास्वपा उपसभापति डिपी अर्याललाई सभामुख बनाउनेमा बालेन र सभापति रवि लामिछाने सहमत भएका छन् । अर्यालले यसअघि गृहमन्त्रीमा दाबि गरे पनि बालेन त्यसमा सहमत नभएपछि उनलाई सभामुख बनाइने भएको हो । सभामुख बनेमा उनले पार्टीको सदस्यता छोड्नुपर्ने हुन्छ ।
यसैबीच रास्वपाका नेताहरुले मन्त्रीहरुको नाम पनि टुंगो लगाएका छन् । जस अनुसार सुदन गुरुङ गृहमन्त्री बन्दै छन् भने अर्थमन्त्रीमा डा. स्वर्णिम वाग्ले, परराष्ट्र मन्त्रीमा शिशिर खनाल, सामान्य प्रशासन मन्त्रीमा प्रतिभा रावल, कानुनमन्त्रीमा सोबिता गौतम, उद्योगमन्त्रीमा डा. अमरेश कुमार सिंह, भौतिक पूर्वाधारमन्त्रीमा सुनिल लम्साल, उर्जामन्त्रीमा विराज भक्त श्रेष्ठ, स्वास्थ्य मन्त्रीमा निशा मेहता, महिला बालबालिका मन्त्रीमा सीता वादी, पर्यटनमन्त्रीमा गणेश पौडेलको नाम निश्चित भएको छ ।
त्यस्तै सस्मित पोखरेल शिक्षामन्त्री, विक्रम तिमल्सिना सञ्चारमन्त्री, दिपक शाह श्रममन्त्री र गीता चौधरी कृषि मन्त्री बन्ने भएकी छन् ।
यसैबीच राष्ट्रपति रामचन्द्र पौडेलले बालेन शाहलाई प्रधानमन्त्री नियुक्त गरेका छन् भने उनले १२ बजेर ३४ मिनेटमा प्रधानमन्त्रीको शपथ लिदैछन् ।
काठमाडौँ । भारत सरकारले इन्धन संकटका बीचमा पेट्रोल र डिजेलमा लाग्ने उत्पादन कर घटाएको छ । कच्चा तेल संकटबीच आम उपभोक्ता र तेल कम्पनीलाई राहत दिन यस्तो निर्णय गरिएको बताइएको छ ।
भारत सरकारले पेट्रोलमा प्रति लिटर १३ भारु रहेको शुल्क १० रुपैयाँ घटाएर अब ३ रुपैयाँ कायम गरेको छ भने डिजेलमा रहेको प्रति लिटर १० रुपैयाँ उत्पादन शुल्क पूर्ण रूपमा हटाएर शून्य बनाइएको छ ।
सरकारको यो निर्णयले तेल कम्पनीहरूको आम्दानी सन्तुलनमा सुधार आउने र बजारमा पेट्रोलियम पदार्थको मूल्य बढ्न नदिन सहयोग पुग्ने अपेक्षा गरिएको छ ।