काठमाडौँ । पाकिस्तानका क्रिकेटर मोहम्मद नवाजमाथि टी–२० विश्वकपका क्रममा लागुऔषध सेवन गरेको आरोप लागेको छ ।

पाकिस्तान क्रिकेट बोर्डले अन्तर्राष्ट्रिय क्रिकेट परिषद् अन्तर्राष्ट्रिय क्रिकेट परिषद्को प्रतिवेदनका आधारमा नवाजसम्बन्धी प्रक्रिया अघि बढाइएको जनाएको छ । प्रतिवेदनमा ‘मनोरञ्जनका लागि प्रयोग हुने लागुऔषध’सँग सम्बन्धित विषय उल्लेख गरिएको छ ।

बोर्डका प्रवक्ताले नवाजलाई उक्त विषयमा आफ्नो स्पष्टीकरण दिन निर्देशन दिइएको जानकारी दिएका छन् । प्राप्त विवरणअनुसार उनको परीक्षण नतिजा पोजेटिभ आएको बताइएको छ ।

यसअघि क्रिकेटसम्बन्धी एक अन्तर्राष्ट्रिय माध्यमले फेब्रुअरी–मार्चमा भारत र श्रीलंकामा भएको टी–२० विश्वकपका क्रममा नवाजको परीक्षण पोजेटिभ आएको दाबी गरेको थियो । उक्त प्रतियोगितामा उनले सात खेल खेलेका थिए, तर पाकिस्तान सेमिफाइनल पुग्न सकेको थिएन ।

हाल नवाज पाकिस्तान सुपर लिगमा मुल्तान सुल्तानबाट खेलिरहेका छन् । यस प्रकरणपछि उनको भविष्यबारे औपचारिक निर्णय भने भइसकेको छैन ।

नियमअनुसार अन्तर्राष्ट्रिय क्रिकेट परिषद्ले यस्ता विषयमा छानबिन गरी खेलाडीलाई जवाफ दिने अवसर दिन्छ । परीक्षणमा दुई नमुना लिइने व्यवस्था हुन्छ, जसमा पहिलो नतिजा पोजेटिभ आएपछि खेलाडीले दोस्रो नमुना परीक्षणको माग गर्न सक्छ ।

यदि दोस्रो परीक्षण नकारात्मक आएमा खेलाडीलाई सफाइ दिइन्छ भने पोजेटिभ नै रहेमा चार वर्षसम्म प्रतिबन्ध लाग्न सक्ने व्यवस्था छ । तर अनजानमा प्रतिबन्धित पदार्थ सेवन भएको प्रमाणित भए सजाय घटाउन सकिने प्रावधान रहेको छ ।

विशेषज्ञका अनुसार यस्ता लागुऔषधले खेल प्रदर्शन सुधार गर्ने होइन, बरु स्वास्थ्य र प्रदर्शन दुवैमा नकारात्मक असर पार्ने जोखिम हुन्छ ।

Read More

काठमाडौं । शिक्षा, विज्ञान तथा प्रविधि मन्त्री सस्मित पोखरेलले सुकुम्बासी बस्ती खाली गर्ने विषयमा निर्णय नभएको बताएका छन् । 

विहिबार बसेको मन्त्रिपरिषद्को बैठकपश्चात सञ्चारकर्मीले सोधेको प्रश्नको जवाफ दिदै सरकारका प्रवक्ता समेत रहेका पोखरेलले सुकुम्बासी बस्ती खाली गर्ने विषयमा मन्त्रिपरिषद्‍मा केही निर्णय नभएको स्पष्ट गरेका हुन् । 

बुधबार प्रधानमन्त्री बालेन्द्र शाहले अतिक्रमित सुकुम्बासी बस्ती हटाउने तयारी गर्न सुरक्षा निकायका प्रमुखहरूलाई निर्देशन दिएको विषय बाहिरिएपछि सञ्चारकर्मीहरुले प्रश्न सोधेका थिए ।  

काठमाडौं महानगरको मेयर रहँदा पनि शाहले सुकुम्बासी बस्ती हटाउने प्रयास गरे पनि तत्कालीन सरकारको असहयोगका कारणले सफल हुन सकेको थिएन ।

Read More

काठमाडौँ । मन्त्रिपरिषद्को बैठकले गरेका तीन प्रमुख निर्य सार्बजनिक गरिएको छ ।

सरकारका प्रवक्ता सस्मित पोखरेलका अनुसार खानेपानी तथा ढल व्यवस्थापनका लागि एसियाली विकास बैंकबाट प्राप्त हुने अमेरिकी डलर ११५ मिलियन सहुलियतपूर्ण ऋण सहायतासम्बन्धी सम्झौतामा तथा अन्य सम्बन्धित दस्तावेजलाई अन्तिम रुप दिने विषयमा वार्ता गर्न अर्थ मन्त्रालयका सहसचिवको नेतृत्वमा वार्ता टोली गठन गर्ने निर्णय गरिएको छ ।

त्यस्तै बैठकले नेपाल सरकार, मन्त्रिपरिषदको २०७५ भदौँ २१ को निर्णयबमोजिम महाराजगञ्जस्थित राष्ट्रिय प्रहरी प्रशिक्षण प्रष्ठिानको पुरै जग्गा (११४–३–०–०) राष्ट्रपतिको नाममा हस्तान्तरण गर्ने गरी भएको निर्णयको सट्टामा सो जग्गा पूर्ववत रुपमा राष्ट्रिय प्रहरी प्रशिक्षण प्रतिष्ठानले नै प्रयोग गर्ने निर्णय भएको छ । 

त्यस्तै सरकारले सरकारी निकायमा भएका सफ्टवयर तथा सूचना प्रविधिसम्बन्धी विषयमा अध्ययन गर्न सूचना तथा सञ्चार प्रविधि सल्लाहकारको संयोजकत्वमा अध्ययन कार्यदल गठन गर्ने निर्णय गरिएको प्रवक्ता पोखरेलले जानकारी दिएका छन् ।

Read More

काठमाडौँ । नेपाल चिकित्सक संघले जुम्लास्थित कर्णाली स्वास्थ्य विज्ञान प्रतिष्ठानमा चिकित्सकमाथि भएको दुर्व्यवहारप्रति गम्भीर ध्यानाकर्षण भएको जनाएको छ ।

संघले क्यान्टिनमा खाजा खाँदै गरेका चिकित्सकमाथि आफूलाई युवा अभियन्ता बताउने व्यक्तिले दुर्व्यवहार गर्नुका साथै आक्रमणको धम्की दिएको र उक्त घटनाको भिडियो बनाएर सामाजिक सञ्जालमार्फत अफवाह फैलाइएको आरोप लगाएको छ ।

संघले स्वास्थ्यजस्तो संवेदनशील क्षेत्रमा कार्यरत चिकित्सक तथा स्वास्थ्यकर्मीमाथि तथ्यहीन आरोप लगाई समाजमा भ्रम सिर्जना गर्ने कार्यको कडा निन्दा गरेको छ । यस्ता गतिविधिले नागरिक र स्वास्थ्यकर्मीबीच दूरी बढाउने तथा सेवा प्रवाहमा समेत असर पार्ने संघको भनाइ छ ।

घटनामा संलग्न व्यक्तिलाई कडा कारबाही गर्न र चिकित्सक तथा स्वास्थ्यकर्मीको सुरक्षाको प्रत्याभूति गर्न सम्बन्धित निकायसँग संघले माग गरेको छ । साथै यस्ता घटना पुनः दोहोरिन नदिन आवश्यक कानुनी कदम चाल्न सरकारसँग आग्रह गरिएको छ ।

Read More

काठमाडौँ । आज मन्त्रिपरिषदको बैठक जारी रहेको छ ।

सरकारका प्रवक्ता सस्मित पोखरेलका अनुसार प्रधानमन्त्री बालेन्द्र शाहले बोलाएको बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी रहेको छ ।

गृहमन्त्री सुदन गुरुङले राजीनामा दिएपछि पछिलो पटक मन्त्रिपरिषदको बैठक बसेको हो ।

Read More

काठमाडौँ । श्रम संस्कृति पार्टी प्रत्यक्ष कार्यकारी राष्ट्रपतिको पक्षमा उभिएको छ ।

संविधान संशोधन बहसपत्र तयार गर्ने कार्यदललाई पार्टीको तर्फबाट दिएको सुझावमा श्रम संकृति पार्टीले जनताद्वारा प्रत्यक्ष चुनिने कार्यक्रारी प्रमुख राष्ट्रपति हुनुपर्ने सुझाव दिएको हो ।

श्रम संस्कृतिले सरकार गठन गर्दा कार्यकारी प्रमुखले आफ्नो कार्यसम्पादन सहज हुने व्यक्तिहरूलाई समेटेर मन्त्रिपरिषद् बनाउने व्यवस्था हुनुपर्ने पनि सुझाएको छ ।

पार्टीले मन्त्रिपरिषद् गठन गर्दा सबै जातजाति, समुदाय र लिङ्गको समावेशी प्रतिनिधित्व सुनिश्चित गर्नुपर्ने उल्लेख गरेको छ । साथै, व्यवस्थापिकाको मुख्य भूमिका कानुन निर्माण, सरकारको कामको निगरानी, मूल्याङ्कन र आवश्यक सुझाव दिने हुनुपर्ने बताइएको छ ।

त्यसैगरी कार्यकारी प्रमुखको अधिकार र सीमालाई स्पष्ट रूपमा निर्धारण गर्नुपर्ने, निरंकुश बनेमा महाअभियोग लगाउने व्यवस्था राख्नुपर्ने र संसदबाट महाअभियोग पारित भएमा पदमुक्त हुने प्रावधान आवश्यक रहेको प्रस्तावमा समेटिएको छ ।

पूर्ण समावेशी राज्य प्रणालीको अवधारणाअनुसार सबै जातजातिका नागरिकलाई राज्यका हरेक अंगमा सहभागिता गराउने, राजनीतिक पददेखि सेना, प्रहरी र प्रशासनिक संयन्त्रसम्म समावेशी प्रतिनिधित्व सुनिश्चित गर्नुपर्नेमा पार्टीले जोड दिएको छ ।

Read More

काठमाडौँ । अमेरिकाका नौसेना सचिव जोन फेलनलाई पदबाट हटाइएको छ । पेन्टागनले छोटो विज्ञप्ति जारी गर्दै यसबारे जानकारी दिएको भए पनि हटाउनुको स्पष्ट कारण खुलाएको छैन ।

मिडिया रिपोर्टका अनुसार पछिल्ला केही महिनादेखि फेलन र पेन्टागनको शीर्ष नेतृत्वबीच मतभेद बढ्दै गएको थियो । विशेषगरी जहाज निर्माण कार्यक्रम, कार्यशैली र नेतृत्वका विषयमा रक्षा मन्त्री पिट हेगसेथसँग उनको विवाद चर्किएको बताइएको छ ।

यो निर्णय अमेरिका इरानविरुद्ध कडा रणनीति अपनाइरहेको समयमा आएको हो । युद्धविरामको चर्चा भइरहे पनि अमेरिकाले इरानी बन्दरगाहमा नाकाबन्दी कायम राखेको छ, जसमा नौसेनाको महत्वपूर्ण भूमिका रहेको छ । यस्तो अवस्थामा शीर्ष तहमा गरिएको परिवर्तनलाई अर्थपूर्ण रूपमा हेरिएको छ ।

पछिल्लो एक महिनामा यो दोस्रो ठूलो सैन्य फेरबदल हो । यसअघि अप्रिल २ मा रक्षा मन्त्री हेगसेथले अमेरिकी सेनाका प्रमुख र्यान्डी जर्जलाई पनि पदमुक्त गरेका थिए । लगातार भइरहेका यस्ता निर्णयले पेन्टागनभित्र नेतृत्व तहमा ठूलो परिवर्तन र कडाइ भइरहेको संकेत देखिएको छ ।

Read More

काठमाडौँ । संविधान संशोधन बहसपत्र तयार गर्ने कार्यदल–२०८२ को दोस्रो बैठक आज दिउँसो तीन बजे बस्दै छ । 

प्रधानमन्त्री तथा मन्त्रिपरिषद्को कार्यालयमा बस्ने बैठकमा राजनीतिक दलका लिखित धारणा समेतका आधारमा पहिचान भएका संविधान संशोधनका मुद्दाहरु र कार्यदलको आगामी कामकारवाहीका प्रस्तावित कार्ययोजनाबारे  छलफल हुने प्रधानमन्त्रीको सचिवालयले जानकारी दिएको छ ।

प्रधानमन्त्री वालेन्द्र शाहका राजनीतिक सल्लाहकार असिम शाहको संयोजकत्वको कार्यदलमा राष्ट्रिय स्वतन्त्र पार्टी ( रास्वपा) का प्रतिनिधिसभा सदस्य मोहन आचार्य, नेकपा (एमाले)का डा. भीष्मनाथ अधिकारी, नेपाली कम्युनिस्ट पार्टी(नेकपा)का पूर्वमन्त्री देवप्रसाद गुरुङ, श्रम संस्कृति पार्टीका ध्रुवराज राई, राष्ट्रिय प्रजातन्त्र पार्टी ( राप्रपा) का ज्ञानेन्द्र शाही, जनता समाजवादी पार्टी, नेपालका डा. सुरेन्द्र कुमार झा, लोकतान्त्रिक समाजवादी पार्टीका डा. आभाष लाभ र राष्ट्रिय जनमोर्चाका दुर्गा पौडेल सदस्य रहेका छन् । प्रमुख प्रतिपक्षी दल नेपाली काँग्रेसले भने कार्यदलमा अहिलेसम्म आफ्नो सदस्य पठाएको छैन ।  

Read More

काठमाडौँ । नेकपा एमालेका सचिव महेश बस्नेतले अतिक्रमित सुकुम्बासी बस्ती खाली गराउने सरकारी निर्णयप्रति कडा प्रतिक्रिया दिदै सरकारको असली चरित्र नाङ्गो भएको टिप्पणी गरेका छन् ।

उनले सुरक्षा निकायका प्रमुखलाई बोलाएर प्रधानमन्त्री बालेन्द्र शाहले बस्ती खाली गराउन निर्देशन दिएको भन्दै यसले सरकारको वास्तविक चरित्र उजागर गरेको आरोप लगाए ।

बस्नेतले निर्वाचनअघि सुकुम्बासी बस्ती जोगाउने प्रतिबद्धता व्यक्त गरिएको स्मरण गराउँदै अहिलेको कदम त्यसकै विपरीत भएको बताए । उनले सुकुम्बासीलाई व्यवस्थापन गर्नुको साटो हटाउने नीति अपनाइएको भन्दै प्रश्न उठाएका छन् ।

उनले भनेका छन्- ‘ निर्वाचनको मुखमा उहाँकै दलका सभापति रवि लामिछानेले “सुकुम्बासी बस्तीमा डोजर आयो भने म छाती थाप्छु” भनेर ठूलो भाषण दिदै प्रतिवद्धता जायर गर्नुभएको थियो । आज त्यो प्रतिबद्धता कहाँ गयो ? जनतालाई भ्रममा राख्ने भाषणमा मात्रै सिमित हो त ?’

उनका अनुसार सडक विस्तार र फुटपाथ व्यवस्थापनका नाममा साना व्यवसायी र स्थानीयवासीमाथि अन्याय भइरहेको छ । साथै, भन्सारमा कडाइ गर्दा गरिब वर्ग थप मारमा परेको उनले उल्लेख गरे । 

सरकारका पछिल्ला निर्णयहरूले लोकतान्त्रिक अभ्यास कमजोर बनाउँदै अधिनायकवादी शैलीतर्फ उन्मुख भएको आरोप लगाउँदै उनले यस्तो नीति जनविरोधी भएको टिप्पणी गरे । उनले जनताले यस्ता कदम लामो समयसम्म सहेर नबस्ने चेतावनी समेत दिएका छन् ।

Read More

काठमाडौँ । आज मन्त्रिपरिषदको बैठक बस्दैछ ।

सरकारका प्रवक्ता सस्मित पोखरेलका अनुसार प्रधानमन्त्री बालेन्द्र शाहले बोलाएको बैठक आज अपरान्ह १२ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्नेछ ।

Read More