थाइल्याण्डमा रेल दुर्घटना, २२ जनाको मृत्यु

काठमाडौँ । थाइल्याण्डमा ठूलो रेल दुर्घटना भएको छ ।

राजधानी बैंककबाट उत्तरपश्चिमी थाई प्रान्त जाँदै गरेको रेलमा निर्माण स्थलबाट क्रेन खसेपछि रेल पटरीबाट खसेको बताइएको छ । दुर्घटनामा २२ जनाको मृत्यु भयो र लगभग ३० जना घाइते भएको स्थानीय मिडियाहरुले उल्लेख गरेका छन् । राजधानी बैंककबाट करिब २३० किलोमिटर टाढा रहेको थाइल्याण्डको सिखियो जिल्लामा बुधबार बिहान दुर्घटना भएको थियो ।

एक स्थानीय प्रहरी अधिकारीका अनुसार क्रेन निर्माणाधीन उच्च गतिको रेल परियोजनामा ​​काम गरिरहेको थियो र क्रेन गुड्दै गर्दा रेलमा खसेको थियो ।

दुर्घटना पछि राहत र उद्धार कार्यको भिडियो पनि सार्वजनिक भएको छ, जसमा उद्धारकर्मीहरूले दुर्घटनाग्रस्त रेल काटेर घाइतेहरूलाई बाहिर निकालिरहेको देख्न सकिन्छ ।