काठमाडौँ । अमेरिकाको वासिङ्टन, डीसीमा गोलीबारी भएको छ, जसमा दुई राष्ट्रिय गार्ड सदस्य गम्भीर घाइते भएका छन् । एफबीआई निर्देशक काश पटेलले यो घोषणा गरेका छन् ।

अधिकारीहरूका अनुसार, आक्रमणकारीले राष्ट्रिय गार्ड सदस्यहरूमाथि गोली चलाएको थियो। घटना ह्वाइट हाउस नजिकै भएको थियो ।

सीबीएस न्यूजका अनुसार संदिग्ध आक्रमणकारी अफगान नागरिक रहमानउल्लाह लकनवाल हुन्, जो २०२१ मा अमेरिका आएका थिए ।

भिडन्तको क्रममा संदिग्ध पनि घाइते भएका थिए र उनलाई अस्पताल लगिएको बताइएको छ । अमेरिकी राष्ट्रपति डोनाल्ड ट्रम्पले संदिग्ध गम्भीर घाइते भएको बताएका छन् ।

अमेरिकी रक्षा सचिव पिट हेगसेथका अनुसार, राष्ट्रपति ट्रम्पले आक्रमणपछि वाशिङ्टन, डीसीमा ५०० थप राष्ट्रिय गार्ड सदस्यहरू तैनाथ गर्ने आदेश दिएका छन् ।

Read More

काठमाडौं । पूर्वराष्ट्रपति विद्यादेवी भण्डारीले एमालेको ११औँ राष्ट्रिय महाधिवेशनको पुर्व सन्ध्यामा शुभकामना दिएकी छन् ।

भण्डारीले एमालेको ११औँ राष्ट्रिय महाधिवेशनको पूर्वसन्ध्यामा शुभकामना दिँदै महाधिवेशन पार्टीका नेता, कार्यकर्ता र सदस्यहरूको लागि ऐतिहासिक अवसर भएकाले आम जनताको समेत महत्त्वपूर्ण सरोकारको विषय भएको बताएकी छन् । 

उनले विशेष परिस्थितिका कारण निर्धारित समयावधिभन्दा एक वर्षअघि नै हुन गइरहेको यस महाधिवेशनमा वैचारिक तथा राजनीतिक रूपले परिपक्व नेता–कार्यकर्ता, उर्जाशील एवं अनुशासित युवा पुस्ता र विभिन्न क्षेत्रको सन्तुलित प्रतिनिधित्व सुनिश्चित हुनेगरी महाधिवेशन प्रतिनिधि छनोटमा सम्पूर्ण पार्टी पङ्तिले उच्च जिम्मेवारीका साथ ध्यान दिने विश्वास व्यक्त गरेकी छन् ।

साथै भण्डारीले आफुले दुई वर्ष अघि नै विधानसम्मत ढङ्गले नवीकरण गरिसकेको आफ्नो पार्टी सदस्यतालाई नेतृत्वले अनुचित तरिकाले रोकेकोप्रति गुनासो गर्दै महाधिवेशनमा भौतिक उपस्थिति नभएपनि पार्टी परिवारको अभिन्न सदस्यको हैसियतले साथमा निरन्तर रहने प्रतिबद्धता व्यक्त गरेकी छन् ।

उनले भनेकी छन्- मैले दुइवर्ष अघि नै विधानसम्मत ढङ्गले नवीकरण गरिसकेको मेरो पार्टी सदस्यतालाई नेतृत्वले अनुचित तरिकाले रोकेको कारण, म स्वयंको यो महाधिवेशनमा भौतिक उपस्थिति नभए तापनि पार्टी परिवारको अभिन्न सदस्यको हैसियतले म तपाईँहरूका साथ निरन्तर रहनेछु ।’  

एमालेले सकेसम्म सर्वसम्मत र सर्वसम्मत नभए मंसिर १३ गते देशैभर एकैदिन निर्वाचनमार्फत राष्ट्रिय महाधिवेशनका लागि प्रतिनिधि छनोट गर्दैछ । मङ्सिर २७ देखि २९ सम्म काठमाडौँमा हुने महाधिवेशनमा झण्डै २२ प्रतिनिधि सहभागी हुने बताइएको छ ।

Read More

काठमाडौँ । युइएफए च्याम्पियन्स लिग अन्तर्गत आर्सनलले बायर्न म्युनिखलाई पराजित गरेको छ ।

गएराती सम्पन्न खेलमा आर्सनलले बायर्न म्युनिखलाई ३-१ गोल अन्तरले पराजित गरेको हो ।

आर्सनलको जितमा जुरियन टिम्बर, नोनी माडूएके र गाब्रियल मार्टिनेलीले एक एक गोल गरेका थिए । त्यस्तै बायर्न म्युनिखका लागि लेनार्ट कार्लले एक गोल गरेका थिए ।

यो जितपछि आर्सनल यस सिजनमा अपराजित रहदै ५ खेलमा १५ अंक भएको छ र शिर्ष स्थानमा रहेको छ । त्यस्तै बायर्न म्युनिखको ५ खेलमा १२ अंक रहेको छ र लिगमा तेस्रो स्थानमा रहेको छ ।

Read More

काठमाडौँ । युइएएफ च्याम्पियन्स लिग अन्तर्गत रियल म्याड्रिडले ग्रिसको क्लब ओलम्पियाकोस एफसीलाई पराजित गरेको छ ।

गएराती सम्पन्न खेलमा रियल म्याड्रिडले ओलम्पियाकोसलाई ४-३ गोल अन्तरले पराजित गरेको हो ।

रियल म्याड्रिडको जितमा किलीयन एम्बाप्पेले चार गोल गरेका थिए । त्यस्तै ओल्म्पियाकोसका लागि चिक्युन्हो, मेहदी टारेमी र आयुब एल काबीले एक एक गोल गरेका थिए ।

यो जितपछि रियल म्याड्रिडको ५ खेलमा १२ अंक भएको छ र अंक तालिकामा पाँचौं स्थानमा रहेको छ । त्यस्तै ओल्म्पियाकोसको ५ खेलमा २ अंक रहेको छ र अंक तालिकामा ३३औं स्थानमा रहेको छ ।

Read More

काठमाडौँ । युइएफए च्याम्पियन्स लिग अन्तर्गतको खेलमा लिभरपुल पराजित भएको छ ।

गएराती सम्पन्न खेलमा नेदरल्याण्डसको क्लब पीएसभीले लिभरपुललाई ४-१ गोल अन्तरले पराजित गरेको हो ।

पीएसभीको जितमा कोउहैब ड्रिओउचले दुई गोल गरेका थिए भने इभान पेरिसिक र गुस टिलले एक एक गोल गरेका थिए । त्यस्तै लिभरपुलका लागि डोमिनिक स्जोबोसलाईले एक गोल गरेका थिए ।

यो जितपछि पीएसभीको ५ खेलमा ८ अंक भएको छ र अंक तालिकामा १५औं स्थानमा रहेको छ । त्यस्तै लिभरपुलको ५ खेलमा ९ अंक रहेको छ र अंक तालिकामा १३औं स्थानमा रहेको छ ।        

Read More

काठमाडौँ । हङकङको ताई पो क्षेत्रको आवासीय क्षेत्र भएको भिषण आगलागीमा मृत्यु हुनेको संख्या ४४ पुगेको छ ।

घटनास्थलमा अहिले पनि धुवाँ उडिरहेको र आगो नियन्त्रणमा आए पनि ठुलो संख्यामा मानिसहरु बेपत्ता भएको बताइएको छ । स्थानीय अधिकारीले आगलागीमा अझै २७९ जना बेपत्ता रहेको बताएका छन् । त्यसैले मृत्यु हुनेको संख्या अझै बढ्न सक्ने बताइएको छ । 

हङकङको वाङ फुक कोर्ट नामक आवासीय परिसर सात ब्लकमा फैलिएको जम्मा दुई हजार फ्ल्याटहरू रहेको बिल्डिङमा आगलागी भएको थियो ।

अग्नि नियन्त्रकहरूले अहिले प्रभावित सात ब्लकहरूमध्ये तीनमा आफ्नो प्रयास केन्द्रित गरिरहेका छन् भने अन्य चारमा आगो नियन्त्रणमा ल्याइएको अग्नि विभागले जनाएको छ ।

Read More

काठमाडौँ । विवेकशील साझा पार्टी र राष्ट्रिय स्वतन्त्र पार्टीबीच एकीकरण हुने भएको छ ।

विवेकशील साझा पार्टीले राष्ट्रिय स्वतन्त्र पार्टीसंग एकीकरण गर्ने निर्णय गरेको जानकारी दिएको हो । एकीकरणको घोषणा आइतबार काठमाडौँको भृकुटीमण्डपस्थित राष्ट्रिय सभामा हुने बताइएको छ ।

विवेकशील साझाको केन्द्रीय समिति बैठकले पार्टी उपाध्यक्ष एवं संवाद समितिका संयोजक प्रकाशचन्द्र परियारको बैकल्पिक राजनीतिक दलवीचको ‘बृहत्तर ध्रुबिकरण/ एकीकरण प्रस्ताव’ लाई सर्वसम्मत अनुमोदन गर्दै राष्ट्रिय स्वतन्त्र पार्टीसंग एकीकरण गर्ने निर्णयलाई पारित गरेको हो ।

पार्टी एकीकरणका अन्य प्राविधिक सवालहरु दुवै दलका नेतृत्वहरुको उच्च समझदारीको जगमा चाँडै सहमतिमा टुंग्याईने बताइएको छ । 

वैकल्पिक राजनीतिका प्रणेता पार्टीका संस्थापक स्व. उज्वल थापाको योगदान र ‘विवेकशील आन्दोलन’लाई लिपीवद्ध गर्ने र प्रतिनिधि सभा निर्वाचनलाई परिणाममुखी बनाउने मुख्य बुँदामा दुई दलवीच एकीकरण भएको विवेकशील साझा पार्टीले जानकारी दिएको छ ।

Read More

काठमाडौं । एसीसी पुरुष यू-१९ प्रिमियर कप अन्तर्गत नेपालले आज हङकङको सामना गर्दैछ । एकदिवसीय फर्म्याटमा हुने यस प्रतियोगिता अन्तर्गतको यो खेल नेपाली समय अनुसार बिहान १०: ४५ बजेदेखि शुरु हुने छ । 

प्रतियोगितामा नेपालले साउदी अरेबियालाई पराजित गर्दै विजयी शुरुवात गरेको छ । त्यस्तै हङकङले पनि साउदी अरेबियालाई पराजित गरेर विजयी शुरुवात गरेको छ । समुह विजेता सिधै सेमिफाइनलमा प्रवेश गर्ने हुनाले दुवै देशका लागि यो खेल जित्नै पर्ने अवस्था रहेको छ । यो खेल जित्ने देश समुह विजेता हुदै सेमिफाइनलमा प्रवेश गर्ने छ ।

१४ देशले भाग लिएको यस प्रतियोगिताबाट शिर्ष तीन देश एसीसी पुरुष यू-१९ एशिया कपमा छनौट हुने छन् ।

नेपाल क्रिकेट संघ (क्यान) ले अशोक धामीको कप्तानीमा १४ सदस्यीय टिम यो प्रतियोगिता खेल्न युएई पठाएको छ । नेपाली टिममा अशोक धामी (कप्तान), निरज यादव (विकेटकिपर), निश्चल क्षेत्री, आशिष लोहार, सुशील रावल, किब्रिन श्रेष्ठ, दारश सोनार, दयानन्द मण्डल, दिलसाद अली, नितेश पटेल, चन्दन राम, रोशन विक, अपराजित पौडेल र भान्स क्षेत्री रहेका छन् ।

Read More

काठमाडौं । नेपाली कांग्रेस केन्द्रीय कार्यसमिति बैठक सरेको छ । मुख्यसचिव कृष्णप्रसाद पौडेलले केन्द्रीय कार्यसमितिको बैठक एक दिन सरेको जानकारी दिएका हुन् । 

आज बिहीबार २ बस्ने भनिएको कांग्रेस केन्द्रीय कार्यसमितिको बैठक अब शुक्रबार २ बजे पार्टीको केन्द्रीय कार्यालय ललितपुरमा बस्ने पौडेलले जानकारी दिएका छन् । 

यसअघि गत शनिबार बसेको बैठकले फागुन २१ गते हुने निर्वाचनमा भाग लिने निर्णय गरेपनि महाधिवेशन बारेको विवाद कायम रहेको छ ।

संस्थापन पक्षका केन्द्रीय सदस्यहरुले चुनावपछि महाधिवेशन गर्नुपर्ने धारणा राखिरहेका छन् भने संस्थापन इतर पक्षले महाधिवेशन गरेर चुनावमा जानुपर्ने बताउदै आएका छन् । कांग्रेस केन्द्रीय कार्यसमितिको गत असोज २८ मा प्रारम्भ भएको अझै जारी रहेको छ र निर्णयमा पुग्न सकिरहेको छैन । 

Read More

काठमाडौँ । नेपाल प्रिमियर लिग (एनपीएल) अन्तर्गत आज दुई खेल हुदैछन् ।

आज पहिलो खेल बिहान ११: ४५ बजेदेखि लुम्बिनी लायन्स र सुदूरपश्चिम रोयल्सबीच हुदैछ । लुम्बिनीले यस सिजनमा अहिलेसम्म खेलेका तीन खेलमा एक जित र दुई खेलमा हार बेहोरेको छ भने सुदूरपश्चिमले अहिलेसम्म तिनै खेल जितेर अपराजित रहेको छ ।

रोहित कुमार पौडेलको कप्तानीमा खेलिरहेको  लुम्बिनीमा सन्दीप जोरा, विवेक यादव जस्ता राष्ट्रिय खेलाडी छन् भने थोमस ड्राका, डार्सी सर्ट, गुलबदीन नाइब, जेजे स्मिथ र रुबेन ट्रम्पलम्यान जस्ता विदेशी खेलाडी रहेका छन् । 

त्यसैगरी दिपेन्द्रसिंह ऐरी कप्तान रहेको सुदूरपश्चिम अभिनाश बोहरा, आरिफ शेख, विनोद भण्डारी सहितका राष्ट्रिय खेलाडी र जोश ब्राउन, स्कट कुगेइलिन, क्रिस लिन र हर्मीत सिंह जस्ता विदेशी खेलाडीसहित यस सिजनको एनपीएल खेलिरहेको छ ।

त्यस्तै आजको दोस्रो खेलमा जनकपुर बोल्ट्स र पोखरा एभेन्जर्स दिउसो ४ बजेदेखि खेल्दैछन् । जारी प्रतियोगितामा जनकपुर र पोखरा दुवैले २-२ खेलमा दुवै खेलमा हार बेहोरेर पहिलो जितको खोजीमा रहेका छन् ।

अनिल शाहको कप्तानीमा रहेको जनकपुरमा आसिफ सेख, ललित राजबंशी जस्ता राष्ट्रिय टिमका खेलाडी छन् भने इमरान ताहिर, वाने प्रनिल, लाहिरु मिलान्था जस्ता विदेशी खेलाडी रहेका छन् ।

त्यसैगरी कुशल भुर्तेलको कप्तानीमा रहेको पोखरा एभेन्जर्समा सागर ढकाल, आकाश चन्द जस्ता राष्ट्रिय टिमका खेलाडी रहेका छन् भने डान डाउथवेट, जिम्मी निशाम, रेमन राइफर, एडम रोसिङ्टन र जेसन रोय जस्ता विदेशी खेलाडी रहेका छन् ।

Read More