बर्दिया । बर्दियाको ठाकुरबाबा नगरपालिका-६ बकुवा बस्ने ४९ वर्षीय सन्तराम थारूको घरको पछाडि रहेको छाप्रोमा जुवातास खेलिरहेको अवस्थामा सन्तराम समेत ६ जनालाई प्रहरीले पक्राउ गरेको छ ।
इलाका प्रहरी कार्यालय भुरिगाउँबाट खटिएको प्रहरीले उनीहरूलाई नगद ३४ हजार ५० रूपैयाँ र २ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
काठमाडौं । सूचना तथा सञ्चार प्रविधिमन्त्री जगदीश खरेलले नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’सँग पनि भेटवार्ता गरेका छन् ।
शुक्रबार सञ्चारमन्त्री खरेलले प्रचण्डसँग भेटवार्ता गरेका हुन् । भेटमा आसन्न चुनाव र समसामयिक विषयमा छलफल भएको बताइएको छ ।
यसअघि मन्त्री खरेलले आजै एमाले अध्यक्ष केपी शर्मा ओली र नेपाली कांग्रेसका सभापति शेरबहादुर देउवालाई पनि भेट गरेका थिए ।
निर्वाचनको मिति नजिकिँदै गएपनि दलहरूले चुनावी वातावरण नभएको भन्दै सक्रिय सहभागी नभएपछि सरकारले छलफल अगाडि बढाएर निरन्तर संवाद गरिरहेको छ ।
काठमाडौँ । महानगरीय ट्राफिक प्रहरी महाशाखा, रामशाहपथ, काठमाडौंमा कार्यरत तत्कालीन प्रहरी सहायक निरीक्षक चक्रदेव भट्टको शैक्षिक योग्यताको प्रमाणपत्र नक्कली भएको भन्दै मुद्धा दायर भएको छ ।
अख्तियार दुरुपयोग अनुसन्धान आयोगले भट्टले प्रहरी हवल्दारबाट सहायक निरिक्षकमा बढुवा प्रयोजनका लागि भारतको दिल्लीमा अध्ययन गरेको भन्दै नक्कली प्रमाणपत्र पेश गरेको पाइएको उल्लेख गरेको छ ।
अख्तियारले २०५० चैत्र २० गते नियुक्ति लिएर सहायक निरिक्षकसम्म पदोन्नती हुदै हाल निवृतभरणसहितको हैसियत, लाभ र सुबिधा लिएर भ्रष्टाचारजन्य काम गरेको भन्दै विशेष अदालत काठमाडौँमा मुद्धा दायर गरेको छ ।
काठमाडौँ । बंगलादेशमा आम चुनाव अगाडि अन्तरिम सरकारका प्रमुख सल्लाहकार मोहम्मद युनुसका विशेष सहायक खुदा बख्श चौधरीले राजीनामा दिएका छन् । अन्तरिम सरकारका प्रमुख सल्लाहकार मोहम्मद युनुसका विशेष सहायकले बिहीबार राजीनामा बुझाएको डेली स्टारले उल्लेख गरेको छ ।
युनुसको नेतृत्वमा रहेको अन्तरिम सरकारले फेब्रुअरी १२ मा हुने राष्ट्रिय चुनाव अघि कानून व्यवस्थाको व्यवस्थापन गर्न नसकेको आरोप खेपिरहेका चौधरीले राजीनामा दिएका हुन् ।
जुलाई विद्रोह पछि, नोभेम्बर १०, २०२४ मा खुदा बख्शले अन्तरिम सरकारको विशेष सहायकको पद ग्रहण गरेका थिए । चौधरीले देशमा कानून प्रवर्तन एजेन्सीहरू, विशेष गरी प्रहरी भित्र मनोबल बढाउन महत्वपूर्ण भूमिका खेल्न नसकेको आरोप लगाइदै आएको थियो । उनी पूर्व प्रहरी महानिरीक्षक थिए र उनले बलियो र निर्णायक भूमिका खेल्ने अपेक्षा गरिएपनि त्यसो गर्न नसके पछि पद छोडेको बताइएको छ ।
अन्तरिम सरकारमा गृह मन्त्रालय सम्हालेका चौधरीले हालैका महिनाहरूमा भएका घटनाहरूका कारण सार्वजनिक सुरक्षाको बारेमा बढ्दो चिन्ताका बीचमा राजीनामा दिएका छन् ।
काठमाडौँ । एसेज सिरिज अन्तर्गतको बक्सिङ डे टेस्टको पहिलो दिन दुवै टिम अलआउट भएका छन् ।
टेस्टको पहिलो दिन अस्ट्रेलिया १५२ रनमा अलआउट भएपछि इङल्याण्ड पनि पहिलो इनिंगमा ११० रनमा अल आउट भएको हो ।
टस हारेर पहिला ब्याटिंग गरेको अस्ट्रेलियाले ४५.२ ओभर खेलेर १५२ रन बनाएको थियो । अस्ट्रेलियाका लागि माइकल नेसेरले सर्बाधिक ३५ रन बनाएका थिए भने उसमान ख्वाजाले २९ रन, एलेक्स केरीले २०, क्यामरुन ग्रीनले १७ रन बनाएका थिए । त्यस्तै इङल्याण्डका बलर जोश टंगले ५ विकेट लिएका थिए भने गस अटकिनसनले २ तथा ब्राइडन कार्स र बेन स्टोक्सले एक एक विकेट लिएका थिए ।
त्यसपछि आफ्नो पहिलो इनिंगको ब्याटिंग शुरु गरेको इङल्याण्डले २९.५ ओभर मात्र खेलेर ११० रन बनाएको हो । इङल्याण्डका लागि ह्यारी ब्रूकले सर्बाधिक ४१ रन बनाए भने गस अटकिनसनले २८ रन बनाएका थिए । त्यस्तै अस्ट्रेलियाका बलर माइकल नेसेरले ४, स्कट बोल्याण्डले ३. मिचेल स्टार्कले २ र क्यामरुन ग्रीनले एक विकेट लिएका थिए ।
काठमाडौँ । नेपाली सेनाका पूर्वरथी बालानन्द शर्मा परराष्ट्रमन्त्री बन्ने भएका छन् । प्रधानमन्त्री सुशिला कार्कीले शर्मालाई परराष्ट्रमन्त्री बनाउन लागेकी हुन् ।
बालुवाटार स्रोतका अनुसार शर्माको आजै शपथ हुने सम्भावना रहेको छ ।
माओवादी शान्ति प्रक्रियामा आएपछि सेना समायोजन प्राविधिक समितिका संयोजकसमेत रहेका शर्माले करिब ३९ वर्ष नेपाली सेनामा सेवा गरेका थिए । तत्कालिन माओवादी लडाकुलाई नेपाली सेनामा समायोजन गर्न शर्माले महत्त्वपूर्ण भूमिका निभाएका थिए ।
काठमाडौँ । बलिवुड अभिनेता रणवीर सिंहको फिल्म ‘धुरन्धर’ ले रिलिजको तेस्रो सत्तासम्मपनि शानदार कमाई गरिरहेको छ ।
फिल्म धुरन्धरले तेस्रो सातामा मात्र १८९.३० करोड कमाई गरेको बलिवुड फिल्म विश्लेषक तरण आदर्शले जानकारी दिएका छन् । फिल्मले घरेलु बक्सअफिसमा तीन सातामा ६६८.८० करोड भारु कमाई गरेको छ । धुरन्धरले पहिलो सातामा भारतमा मात्र २१८ करोड भारु कमाई गरेको थियो भने दोस्रो सातामा २६१.५० करोड कमाई गरेको थियो । फिल्मले बलिवुड बक्स अफिसका कैयौं किर्तिमान तोडेको छ । चौथो सातामा प्रवेश गरेको यो फिल्मले क्रिसमसको छुट्टीको फाइदा उठाउदै दर्शकको पहिलो रोजाइमा नै रहने विश्लेषण गरिएको छ ।
फिल्मको सामाजिक सञ्जाल र मिडियामा सकारात्मक प्रचार भएको फाइदा बक्स अफिसमा देखिएको छ । त्यस्तै फिल्मले भारत बाहिर पनि शानदार कमाई गरिरहेको छ ।
रणवीर सिंहको ‘धुरन्धर’ लाई वर्षको सबैभन्दा ठूलो फिल्म मानिएको छ । फिल्ममा रणवीर सिंहसहित संजय दत्त, अक्षय खन्ना, आर. माधवन, अर्जुन रामपाल, सारा अर्जुन र राकेश बेदीको प्रमुख भूमिका रहेको छ । फिल्मलाई आदित्य धरले निर्देशन गरेका हुन् भने फिल्ममा रणवीर सिंहको पनि लगानी रहेको छ ।
त्यस्तै यस फिल्मको डिजिटल अधिकार नेटफ्लिक्सले किनेको छ । आधिकारिक ओटीटी रिलीज मिति भने अझै घोषणा गरिएको छैन । यस फिल्मको लागत करिब २२० करोड भारु भएको बताइएको छ । जसमा फिल्मले सिनेमा हल बाहेक विभिन्न अधिकार बिक्री गरेर ११० करोड कमाई गरिसकेको छ ।
काठमाडौं । सूचना तथा सञ्चार प्रविधिमन्त्री जगदीश खरेलले नेकपा एमालेका अध्यक्ष केपी शर्मा ओलीसँग भेटवार्ता गरेका छन् ।
शुक्रबार भक्तपुरको गुण्डुस्थित निवासमा पुगेर सञ्चारमन्त्री खरेलले ओलीसँग भेटवार्ता गरेका हुन् । भेटमा आसन्न चुनाव र समसामयिक विषयमा छलफल भएको बताइएको छ ।
मन्त्री खरेलले आजै नेपाली कांग्रेसका सभापति शेरबहादुर देउवालाई पनि भेट गरेका थिए ।
त्यस्तै मन्त्री खरेलले आजै नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’सँग पनि भेट गर्दैछन् ।
निर्वाचनको मिति नजिकिँदै गएपनि दलहरूले चुनावी वातावरण नभएको भन्दै सक्रिय सहभागी नभएपछि सरकारले छलफल अगाडि बढाएर निरन्तर संवाद गरिरहेको छ ।
काठमाडौँ । नेकपा एमालेका नेता गोकुल बास्कोटाले राजनीतिक जटिलता अझ पेचिलो बन्दै गएको टिप्पणी गरेका छन् ।
सामाजिक संजालमा लेख्दै नेता बास्कोटाले थप कडा झट्का झेल्ने विन्दुतर्फ मुलुक उन्मुख भएको बताउदै राजनीतिक जटिलता अझ पेचिलो हुने बताएका छन् । उनले भनेका छन्- ‘थप कडा झड्का झल्ने बिन्दुतर्फ मुलुक उन्मुख, राजनीतिक जटिलता अझ पेचिलो बन्दै ।’
काठमाडौँ । प्रधानमन्त्री सुशिला कार्कीले प्रमुख तीन दलका शीर्ष नेताहरुसँग शनिबार छलफल गर्ने भएकी छन् ।
आज सञ्चारमन्त्री जगदीश खरेलले काँग्रेस सभापति शेरबहादुर देउवालाई उनकै निवास पुगेर भेट गर्दै शनिबार ४ बजे तीन दलका शीर्षनेतासँग प्रधानमन्त्री कार्कीले छलफल गर्ने कार्यक्रम राखेको जानकारी गराएका थिए ।
मन्त्री खरेलले आजै एमाले अध्यक्ष केपी शर्मा ओली र नेपाली कम्युनिष्ट पार्टीका संयोजक पुष्पकमल दाहाल प्रचण्डसँग पनि भेट गर्दैछन् ।
यसअघि गत मंगलबार राष्ट्रपति रामचन्द्र पौडेलको पहलमा शितल निवासमा प्रधानमन्त्रीसहित तीन दलका शीर्ष नेताको भेटवार्ता शीतलनिवासमा भएको थियो ।