काठमाडौँ । अस्ट्रेलियामा रहेको नेपाली राष्ट्रिय क्रिकेट टिमले आज दुई टी-२० खेल खेल्दैछ ।
नेपाली क्रिकेट टिमले आज साउथ अस्ट्रेलियासँग दुई टी-२० खेल खेल्न लागेको हो । आज हुने पहिलो खेल बिहान ५: ४५ देखि शुरु भएको छ भने दोस्रो खेल ९: ४५ बजेदेखि शुरु हुने तालिका रहेको छ ।
यस अघि नेपालले मंगलबार क्रिकेट एसिटीसँग खेलेका दुवै खेल जितेको थियो ।
आजको खेल पछि नेपालले अगस्त ३० मा साउथ अस्ट्रेलियासँग एक एकदिवसीय खेल खेल्ने तालिका रहेको क्यानले जनाएको छ ।
