काठमाडौँ । नेपाली चलचित्र उद्योग केही वर्षयता कथावस्तु, प्रदर्शन र दर्शक विश्वसनीयताका कारण लगातार संकटमा थियो। गम्भीर लेखनको अभाव, कमजोर निर्देशन र अनावश्यक ‘एक्सन-निर्भर’ शैलीले धेरै फिल्महरू बजारमा टिक्न नसक्ने अवस्था बनायो। यही पृष्ठभूमिमा प्रदर्शनमा आएको ‘परान’ ले पछिल्ला वर्षहरूमा दुर्लभ देखिएको दर्शकको निरन्तर आकर्षण हासिल गर्दै उद्योगलाई पुनः आशावादी बनाइदिएको छ।
दर्शकको निरन्तर रुचि-बजारमा सकारात्मक सूचक
रिलिज भएको दुई हप्ताभन्दा लामो समय भइसक्दा पनि ‘परान’ का हलहरूमा दर्शकको उपस्थिति उल्लेख्य छ।
सामाजिक सञ्जालमा यसको चर्चाले फिल्मले भावनात्मक सम्पर्क स्थापना गर्न सफल भएको देखिन्छ। ग्रामीणदेखि शहरी संरचना, युवादेखि वृद्धसम्ममा प्रतिक्रिया आएका देखिन्छन्ज-सले फिल्मको वर्ग–वर्गीय पहुँच सुदृढ भएको संकेत गर्छ।
कर्पोरेट क्षेत्रको सहभागिता-विश्वासको नयाँ आयाम
पछिल्ला वर्षमा कर्पोरेट हाउसहरू नेपाली फिल्मलाई समर्थन गर्न हिच्किचाउने प्रवृत्ति थियो। तर ‘परान’ ले यो धारणा केही हदसम्म तोडेको छ।
टीभीएस मोटरसाइकलको आधिकारिक विक्रेता जगदम्बा मोटर्स प्रालि ले कर्पोरेट शो आयोजना गर्दै आफ्ना कर्मचारी र परिवारसहित फिल्म हेर्नु कर्पोरेट क्षेत्रका लागि ब्रान्ड–कल्चर र सामाजिक सहभागितामा आधारित नयाँ मोडेल को संकेत मानिन्छ।
जगतदम्बा मोटर्सका प्रतिनिधिहरूले फिल्मले नेपाली समाजकै यथार्थ बोकेको बताउनु, उद्योगले सामाजिक सन्देशयुक्त सामग्री तर्फ मोडिन थालेको मानिएको छ।
थीम र प्रस्तुति-स्थानीय जीवनअनुभूतिको पुनर्व्याख्या
फिल्म एक बाबुको भावनात्मक यात्रालाई केन्द्रमा राख्छ, जसले जीवनको उत्तरार्धमा सन्तानसँगको दूरी, माया र सम्बन्धको संवेदनशील आयाम प्रस्तुत गर्छ।
वरिष्ठ कलाकार नीर शाह को प्रमुख भूमिका र अभिनयले फिल्मको विश्वसनीयता र प्रभावकारिता बढाएको दर्शकहरूको प्रतिक्रिया छ।
