काठमाडौँ । नेकपा एमालेका नेता विष्णु रिमालले सौहार्द, मित्रवत र स्वस्थ प्रतिस्पर्धाबाट नेतृत्व चयन भएको बताएका छन् ।
एमालेको उपमहासचिव र केन्द्रीय सदस्य दुवैमा पराजित भएका रिमालले एमालेको ११औं राष्ट्रिय महाधिवेशन भव्यता पूर्वक सम्पन्न भएको उल्लेख गर्दै जनताको बहुदलीय जनवादलाई व्यावहारिक रूपमा आत्मसात गर्दै अत्यन्त सौहार्द, मित्रवत र स्वस्थ प्रतिस्पर्धाबाट नेतृत्व चयन भएको बताएका हुन् ।
उनले महाधिवेशनमा नेतृत्वमा निर्वाचित सम्पूर्णलाई बधाई दिदै महाधिवेशनमा भाग लिने सबै प्रतिनिधिहरूलाई धन्यवाद दिएका छन् ।
