काठमाडौँ । जारी पीएम कप अन्तर्गत कर्णाली प्रदेशले कोशी प्रदेशलाई पराजित गरेको छ । बुधबार जनकपुरमा सम्पन्न खेलमा कर्णाली प्रदेशले कोशी प्रदेशलाई १६ रनले पराजित गरेको हो ।

कर्णाली प्रदेशले दिएको १५२ रनको लक्ष्य पछाएको कोशीले ४४.४ ओभरमा अल आउट हुदै १३५ रन मात्र बनाएको थियो । कोशीका लागि दिपेश कँडेलले सर्बाधिक २६ रन बनाएका थिए भने शिवाश बजगाईले २३, सुमन श्रेष्ठले २० तथा शकिब हक र अंकित सुबेदीले १७-१७ रन बनाएका थिए ।

त्यसैगरी कर्णालीका बलर दिनेश अधिकारीले ५ विकेट लिए भने दिवान पुन र प्रकाश जैशीले २-२ विकेट लिएका थिए ।

यस अघि टस जितेर पहिला ब्याटिंग गरेको कर्णालीले ३९.१ ओभरमा अल आउट हुदै १५१ रन बनाएको थियो । कर्णालीका लागि विपिन शाहीले सर्बाधिक ६३ रन बनाएका थिए भने विपिन रावलले ३२ रन बनाएका थिए ।

त्यस्तै कोशीका बलर प्रेम कामतले ४ तथा ज्ञानेन्द्र श्रेष्ठले ३ र सुजन थपालियाले २ विकेट लिएका थिए ।

Read More

काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले शुक्रबार प्रधानमन्त्रीको शपथ लिने तयारी शुरु भएको छ ।

बालेन शाहले चैत्र १३ गते दिउँसो १२: ३४ बजे प्रधानमन्त्रीको रूपमा शपथ लिने शुभ साइत निकालिएको छ । शपथपछि उनी दिउँसो २: १५ बजे सिंहदरबार जाने कार्यक्रम तय गरिएको छ । बालेनको शपथ कार्यक्रममा ७ वटा शंखबाट शंखनाथ, १०८ जना बटुकबाट स्वस्ति शान्ति वाचन, १०८ जना बौद्ध भिक्षुबाट शुभ मंगलपाठ गर्ने कार्यक्रम पनि तय गरिएको छ ।

त्यसअघि विहिबार सांसदहरुले शपथ लिएपछि रास्वपाले बालेन शाहलाई संसदीय दलको नेता चयन गर्ने समेत तयारी गरेको छ ।

Read More

काठमाडौँ । इरानमा इन्टरनेट सेवा अवरुद्ध भएको २६ दिन पुगेको छ, जसका कारण सर्वसाधारण नागरिक अन्तर्राष्ट्रिय सञ्जालबाट पूर्ण रूपमा अलगिएका छन् ।

इन्टरनेट अनुगमन गर्ने संस्था नेटब्लक्सका अनुसार ६०० घण्टाभन्दा बढी समयदेखि इन्टरनेट बन्द हुँदा नागरिकले बाहिरी संसारसँग सम्पर्क राख्न र सही सूचना प्राप्त गर्न नसक्ने अवस्था सिर्जना भएको छ। यसले दैनिक जीवन झनै कठिन बनाएको बताइएको छ ।

यसैबीच, इरानले आफ्नो विरोधमा नउत्रिएका जहाजलाई होर्मुज जलडमरु मार्ग हुँदै आवतजावत गर्न अनुमति दिन सकिने जनाएको छ। तर व्यवहारमा भने जहाजहरूको आवागमन अत्यन्तै कम भएको छ ।

संयुक्त राष्ट्रसंघमा रहेको इरानको नियोगले इरानविरुद्ध कुनै गतिविधिमा संलग्न नभएका र नियम पालना गर्ने जहाजले ‘सुरक्षित मार्ग’ प्रयोग गर्न सक्ने जनाएको छ। तर यस घोषणापछि पनि अवस्था सुधारिएको देखिएको छैन ।

पहिले दैनिक करिब १२० जहाज गुड्ने उक्त मार्गमा अहिले जम्मा ४–५ वटा मात्र जहाज आवतजावत गरिरहेका छन्। यसले समुद्री व्यापार लगभग ठप्प भएको संकेत गरेको छ।

होर्मुज जलडमरु मार्ग विश्वका लागि अत्यन्त महत्वपूर्ण मानिन्छ, जहाँबाट करिब २० प्रतिशत तेल र ग्यास आपूर्ति हुने गर्दछ। विज्ञहरूका अनुसार यो अवस्था लामो समयसम्म रहेमा कच्चा तेलको मूल्य प्रति ब्यारेल १५० देखि २०० डलरसम्म पुग्न सक्ने सम्भावना छ।

Read More

काठमाडौँ । प्रतिनिधि सभा सदस्य निर्वाचन २०८२ सम्पन्न भएको अवसरमा आयोजित जलपान कार्यक्रममा प्रधानमन्त्री सुशीला कार्कीले निर्वाचन सफलतापूर्वक सम्पन्न हुनु लोकतन्त्रका लागि ऐतिहासिक उपलब्धि भएको बताएकी छन् ।

कार्यक्रममा उनले निर्वाचन आयोगको नेतृत्व र समग्र टोलीलाई धन्यवाद दिँदै चुनौतीपूर्ण परिस्थितिमा पनि तोकिएकै समयमा स्वच्छ, निष्पक्ष र शान्तिपूर्ण रूपमा निर्वाचन सम्पन्न हुनु महत्वपूर्ण उपलब्धि भएको बताएकी थिइन् ।

प्रधानमन्त्री कार्कीले भदौ २३ र २४ गतेपछि देश जटिल अवस्थाबाट गुज्रिरहेको स्मरण गर्दै त्यही अवस्थाबीच निर्वाचन सम्पन्न गर्नु सजिलो नभएको बताउदै सुरक्षा अवस्था संवेदनशील रहेको, राजनीतिक संवाद कमजोर भएको र कानुनी अन्योल रहेको अवस्थामा सरकारले ६ महिनाभित्र निर्वाचन सम्पन्न गर्ने प्रतिबद्धता पूरा गरेको उनले उल्लेख गरेकी थिइन् ।

उनका अनुसार यस निर्वाचनले लोकतान्त्रिक मूल्य-मान्यता सुदृढ गर्नुका साथै स्थिर सरकार, सुशासन र समृद्धिको पक्षमा जनताले स्पष्ट सन्देश दिएका छन् ।

निर्वाचन प्रक्रियामा नयाँ अभ्यासहरू अपनाइएको उल्लेख गर्दै उनले मतदाता नामावलीमा थप अवसर दिइएको, राष्ट्रिय परिचयपत्रसँग प्रणाली जोडिएको, सामग्री पुनः प्रयोग गरिएको र सकेसम्म स्वदेशी सामग्री प्रयोग गरिएको जानकारी दिइन्। यसले मितव्ययिता र पारदर्शितामा पनि नयाँ उदाहरण स्थापित गरेको उनको भनाइ छ ।

प्रधानमन्त्री कार्कीले निर्वाचन खर्च पारदर्शी बनाउन अलग बैंक खाता सञ्चालन, सामाजिक सञ्जालको निगरानी र आचारसंहिता कार्यान्वयनमा कडाइ गरिएको पनि बतादै बलियो सुरक्षा व्यवस्थाका कारण पुनः मतदान गर्नुपर्ने अवस्था नआएको र विवाद न्यून रहेको उल्लेख गरिन् ।

यस सफलताको श्रेय निर्वाचन आयोग र सुरक्षा निकायलाई दिँदै उनले आगामी दिनमा पनि यही स्तर कायम राख्न सके लोकतन्त्र अझ सुदृढ हुने विश्वास व्यक्त गरिन्।

कार्यक्रममा उनले नवनिर्वाचित जनप्रतिनिधिलाई बधाई दिँदै सम्पूर्ण सरोकारवालालाई धन्यवाद प्रकट गरिन्। साथै, लोकतन्त्र सुदृढीकरण, सुशासन प्रवर्द्धन र समृद्ध नेपालको निर्माणमा सबैको सहकार्य रहने विश्वास व्यक्त गरिन्।

Read More

काठमाडौँ । जारी पीएम कप अन्तर्गत मधेश प्रदेशले विजयी शुरुवात गरेको छ । बुधबार पर्सामा सम्पन्न खेलमा मधेश प्रदेशले सुदूरपश्चिम प्रदेशलाई ५ विकेटले पराजित गर्दै प्रतियोगितामा विजयी शुरुवात गरेको हो ।

सुदूरपश्चिमले दिएको १६१ रनको लक्ष्य पछाएको मधेश प्रदेशले ३३.४ ओभरमा ५ विकेट गुमाएर लक्ष्य पुरा गरेको थियो ।

मधेश प्रदेसको जितमा अरनिको यादवले सर्बाधिक ४६ रन बनाए भने आदील आलमले ३४ तथा पवन सराफले २१ र रुपेश सिंहले १६ रन बनाएका थिए । त्यस्तै सुदूरपश्चिमका बलर अशोक धामीले ३ र शेर मल्लले २ विकेट लिएका थिए ।

यसअघि टस हारेर पहिला ब्याटिंग गरेको सुदूरपश्चिमले अभिषेक पलको ३३ तथा किरण ठगुन्ना र नारायण जोशीको २३-२३ रनको सहयोगमा ४३.२ ओभरमा अल आउट हुदै १६० रनमा समेटिएको थियो । मधेश प्रदेशका लागि अरनिको यादवले ३ विकेट लिए भने प्रदिप पासवानले २ विकेट लिएका थिए ।

अब मधेश प्रदेसले अर्को खेल शुक्रबार लुम्बिनी प्रदेशसँग खेल्ने छ भने सुदूरपश्चिमले शुक्रबार नै कोशी प्रदेशसँग खेल्ने छ ।

Read More

काठमाडौँ । राष्ट्रिय खेलकुद परिषदले मार्च २८ तारिखमा हुने तेश्रो खुला रिले च्याम्पियनसिपमा सहभागी हुन ११ खेलाडीसहित १४ सदस्यीय नेपाली एथलेटिक्स टोलीको बिदाई गरेको छ ।

खेलाडीसहितको टोली बिहीबार भारतको चण्डीगढ जाने भएको छ ।

जसमा खेलाडीहरुमा शिवराज पार्की, सुशिल केसी, आदेश यादव, अरुण महतो थारु, प्रेम सुनार, प्रकाश दनुवार, सन्जिव नेपाली सीमा चौधरी, अनिशा विक, सुमित्राकुमारी चौधरी र भग्रथी चौधरी तथा नेपालले पुरुष, महिला र मिक्सतर्फ ४ गुणा १ सय र ४ गुणा ४ सय मिटर स्पर्धामा प्रतिस्पर्धा गर्ने छन् । त्यस्तै प्रशिक्षकमा उषाकुमारी कर्ण, बुद्धकुमारी घिमिरे र विमला राना मगर रहेका छन् ।

टोलीलाई सफलताको शुभकामना दिदै राष्ट्रिय खेलकुद परिषद् (राखेप) का सदस्य–सचिव रामचरित्र मेहता, नेपाल एथलेटिक्स संघका अध्यक्ष समेत रहेका कर्णाली प्रदेशका आर्थिक मामिला तथा योजना मन्त्री राजीवविक्रम शाह, राखेप कार्यकारी समितिका सदस्य कमलबहादुर भट्टराईलगायतले एक कार्यक्रमबीच बिदाइ गरेका थिए । सो अवसरमा राखेप कार्यकारी समितिका सदस्य भानबहादुर चन्द, राखेपका सदस्य जगतसिंह धामी, जगत टमटा र सन्तकुमार मेहतालगायतको उपस्थिति रहेको थियो । 

Read More

काठमाडौँ । अमेरिकाले मध्यपूर्व क्षेत्रमा करिब २ हजार प्याराट्रुपर सैनिक पठाउने निर्णय गरेको छ।

रिपोर्टअनुसार यी सबै सैनिक ८२औँ एयरबोर्न डिभिजनका हुन्, जुन आवश्यकता परेको खण्डमा छिटो कुनै पनि स्थानमा परिचालन हुन सक्ने क्षमताका लागि परिचित छ ।

अमेरिकी मिडियाहरुले यी सैनिक पठाउनुको उद्देश्य ट्रम्प प्रशासनसँग थप सैन्य विकल्प उपलब्ध गराउनु हो । आवश्यक परेमा इरान वा त्यस आसपासका क्षेत्रमा जमिनमार्फत आक्रमण गर्ने सम्भावना पनि खुला राखिएको बताइएको छ ।

यो निर्णय त्यस्तो समयमा आएको हो जब एकातर्फ अमेरिका इरानसँग वार्ताको प्रयासमा छ भने अर्कोतर्फ आफ्ना सैन्य तयारी र उपस्थिति पनि विस्तार गर्दै गएको देखिन्छ ।

Read More

काठमाडौँ । इरानमा युद्ध सुरु भएपछि विद्यार्थी र शिक्षकको ठूलो क्षति भएको छ ।

इरानको शिक्षा मन्त्रालयका अनुसार फेब्रुअरी २८ देखि सुरु भएको युद्धमा हालसम्म २४३ जना विद्यार्थी र शिक्षकको मृत्यु भएको छ । युद्धका कारण देशको शिक्षा क्षेत्रमा गम्भीर असर परेको छ । सयौँ विद्यालय तथा सांस्कृतिक संस्थान क्षतिग्रस्त भएका छन् भने धेरै पूर्ण रूपमा नष्ट भएका छन् ।

समग्र रूपमा युद्धमा ज्यान गुमाउनेमध्ये ८ महिनाका बालकदेखि ८८ वर्षसम्मका वृद्धसम्म रहेका छन् । हालसम्म करिब १५ सय जनाको मृत्यु भएको छ भने १८ हजार ५५१ जना घाइते भएका छन् ।

युद्धमा करिब २०० महिलाको पनि ज्यान गएको जनाइएको छ । साथै, ५५ जना स्वास्थ्यकर्मी घाइते भएका छन्, जसमा ११ जनाको मृत्यु भएको पुष्टि भएको छ ।

Read More

काठमाडौं । कुलमान घिसिङले अब सडकबाट सरकार सञ्चालन गर्ने बताएका छन् ।

उज्यालो नेपाल पार्टीको बागमती प्रदेश स्तरीय अगुवा भेला तथा प्रशिक्षण कार्यक्रमलाई सम्बोधन गर्दै घिसिङले जनताले दिएको करिब दुई तिहाइ बहुमतको जनमत स्वीकार गर्नुपर्ने बताउदै अब आफुहरुले सडकबाट सरकार सञ्चालन गर्ने बताए ।

उनले भने- ‘पार्टी गठन गरेको तीन महिनाभित्र चुनावमा भाग लिनुपर्ने अवस्था आयो । त्यो समयभित्र पनि बीचमा अर्को पार्टीसँग सहमति गरेपछि त्यहाँपनि अलमल भयौं । छोटो समयमा पनि देशैभरी उम्मेदवारी दिन भने सफल भयौं । जित्न नसक्दा पनि हारेर पनि जितेको उज्यालो पार्टी हो । देश पनि जितेको छ । उज्यालो पार्टी पनि जितेको छ ।’

कार्यक्रममा उनले अब संगठन विस्तारमा केन्द्रित हुने भन्दै सबै प्रदेशमा भेला सम्पन्न गरेपछि जिल्ला, पालिका र वडा तहसम्म संगठन विस्तार गर्ने बताए ।

Read More

काठमाडौं । अखिल नेपाल फुटबल संघ (एन्फा) ले फिफा सिरिज २०२६ अन्तर्गत थाइल्यान्डमा हुने दुई अन्तर्राष्ट्रिय मैत्रीपूर्ण खेल खेल्ने प्रारम्भिक राष्ट्रिय महिला टिमको घोषणा गरेको छ ।

एन्फाले ३२ खेलाडीको सूची सार्बजनिक गरको हो । प्रारम्भिक सूचीमा रहेका खेलाडीमा अनिता बस्नेत, हिरा भुजेल, अनिता केसी, अनिता लम्जेल, अञ्जना राना मगर, जेनिफर राणा, मनमाया दमाई, मीना देउवा, अन्जिला तुम्बापो सुब्बा,  नेहा कुमारी चौधरी, रश्मी कुमारी घिसिङ, रेखा पौडेल, रेनुका नगरकोटी, सबिना चौधरी, समिक्षा घिमिरे, अस्मिता नेपाली, बर्षा ओली, बिमला बिके, निशा ठोकर, पूनम चेम्जोङ, प्रतिक्षा चौधरी, बिर्सना चौधरी, प्रीति राई, दिपा शाही, पुजा राना, गीता राना, पूर्णिमा राई, सरस्वती हमाल, सारु लिम्बु, सुक्रिया मिया, सुशिला कुमारी चौधरी र उषा नाथ रहेका छन् । 

फिफा सिरिज अन्तर्गत नेपालले कंगो, थाइल्यान्ड र ओएफसी क्षेत्रको एक टोलीसँग खेल्ने भएको एन्फाले जानकारी दिएको छ । यस प्रतियोगिताका खेल थाइल्यान्डको राचाबुरीस्थित राचाबुरी रंगशालामा आयोजना हुनेछन् । प्रतियोगिताअन्तर्गत अप्रिल १२ मा पहिलो खेलमा नेपालले कंगोसँग प्रतिस्पर्धा गर्नेछ। सोही दिन दोस्रो खेलमा थाइल्यान्डले ओएफसी टोलीसँग खेल्नेछ । त्यसपछि अप्रिल १५ मा पहिलो खेलका विजेता र दोस्रो खेलका विजेताबीच फाइनल खेल हुनेछ भने पराजित टोलीबीच तेस्रो स्थानका लागि प्रतिस्पर्धा हुनेछ ।

Read More