काठमाडौं । ११ वर्षीया बालिकालाई जबरजस्ती करणी गरेको अभियोगमा बेल्डाँडी गाउँपालिका-५ राधापुर बस्ने २२ वर्षीय सन्तोष रानालाई प्रहरीले पक्राउ गरेको छ ।
सन्तोषले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय त्रिभुवनबस्तीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।
काठमाडौं । प्रतिनिधि सभाका ज्येष्ठ सदस्य अर्जुननरसिंह केसीले आज पदभार ग्रहण गरेका छन् । ज्येष्ठ सदस्य केसीले शपथ लिए लगत्तै संसद् सचिवालय पुगेर पदभार ग्रहण गरेका हुन् ।
राष्ट्रपति कार्यालय शीतल निवासमा आज केसीलाई राष्ट्रपति रामचन्द्र पौडेलले पदको शपथ ग्रहण गराएका थिए ।
नेपाली कांग्रेसको समानुपातिकबाट सांसद बनेका केसीले राष्ट्रपतिबाट शपथ लिएसँगै अब उनले विहिबार अन्य सांसदहरुलाई शपथ गराउनेछन् । सांसदहरुको शपथ भने सिंहदरबारमा हुनेछ । त्यसको लागि संसद सचिवालयले निर्माणाधीन नयाँ संसद भवनको बहुउद्देश्यीय हललाई तयार गरिएको छ ।
विहिबार सांसदहरुको शपथपछि चैत्र १३ गते शुक्रबार नयाँ प्रधानमन्त्रीको रुपमा राष्ट्रिय स्वतन्त्र पार्टी (रास्वपा) का वरिष्ठ नेता बालेन साहले शपथ लिने तयारी गरिएको छ ।
काठमाडौँ । नेप्सेमा आज दोहोरो अंकको गिरावट आएको छ । आज बुधबार नेप्से २४.४५ अंकले घटेर २९३५.९४ विन्दुमा पुगेर रोकिएको छ ।
आज ३४५ कम्पनिका ३ करोड ५८ लाख १९ हजार ८२९ कित्ता शेयर १५ अर्ब ९ करोड ४ लाख १६ हजार ८४६ मा कारोबार भएको थियो । आज उत्पादन र ट्रेडिङ बाहेक सबै क्षेत्रको शेयर मुल्य घटेको छ ।
आज, रिलायन्स स्मिनिंग मिल्स र सुपर खुदी हाइड्रोको शेयरमा सकारात्मक सर्किट लागेको छ भने सोलु र भुजुङ हाइड्रो तथा होटल फरेस्ट इनको शेयर ९.९९ प्रतिशतले बढेको छ ।
त्यस्तै आज सबैभन्दा बढी अभियान लघुवित्तको शेयर ७.७४ प्रतिशत र सालपा विकास बैंकको शेयर ६.९९ प्रतिशतले घटेको छ ।
त्यस्तै आज सबै भन्दा बढी एनगाढी पावरको ५२ करोड ४७ लाख बराबरको कारोबार भएको छ भने अपि पावरको शेयर ५१ करोड ९६ लाख बराबरको कारोबार भएको छ ।
महोत्तरी । आफ्नो श्रीमती ३७ वर्षीया अनिता देवी सदाको हत्या गरेको अभियोगमा भंगाहा नगरपालिका-९ हरिहरपुर बस्ने औराही नगरपालिका-२ चेपकट घर भएका ४२ वर्षीय बिरेन्द्र सदालाई बुधबार बिहान प्रहरीले पक्राउ गरेको छ ।
बिरेन्द्रले अनिताको हत्या गरेको भन्ने खबर प्राप्त हुनासाथ अस्थायी प्रहरी पोष्ट कञ्चनबनबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
काठमाडौँ । बलिवुड अभिनेता रणवीर सिंह अभिनित धुरन्धर-२ ले भारतीय बक्स अफिसमा शानदार कमाई गर्नेक्रम जारी रहेको छ ।
बलिवुड फिल्म विश्लेषक तरण आदर्शका अनुसार फिल्मले ६ दिनमा ५५५ करोड भारु कमाई गरेको छ । फिल्मले रिलिजको छैटौं दिन मंगलबार भारतभर ५२ करोड कमाई गरेसँगै ६ दिनमा ५५५ करोड कमाएको हो । फिल्मले पेड रिभ्यु र रिलिजको पहिलो दिन १४० करोड, दोस्रो दिन ८१ करोड, तेस्रो दिन १०९ करोड, चौथो दिन ११३ करोड, पाँचौ दिन ६० करोड भारु कमाएको थियो ।
योसँगै बलिवुडमा धुरन्धर-२ ले सबैभन्दा छिटो ३ सय करोड, ४ सय करोड र ५ सय करोडको नयाँ किर्तिमान बनाएको छ ।
धुरन्धर- २ फिल्म ३ घण्टा ४९ मिनेटको रहेको छ । जुन बलिवुडको सबैभन्दा दोस्रो लामो फिल्म भनिएको छ । यसअघिको सबैभन्दा लामो फिल्म जेपी दत्ताको २००३ मा रिलिज भएको फिल्म एलओसी कारगिल ४ घण्टा १५ मिनेट लामो थियो ।
धुरन्धर २ मा रणवीर सिंह, अर्जुन रामपाल, संजय दत्त र आर. माधवनले अभिनय गरेका छन् । आदित्य धरले फिल्म लेखेका छन् र निर्देशन गरेका छन् । त्यस्तै फिल्मको निर्माण पनि उनले नै गरेका हुन् । यो फिल्म जियो स्टुडियोद्वारा प्रस्तुत गरिएको हो र बि ६२ स्टुडियोको ब्यानरमा निर्माण गरिएको हो । धुरन्धरको पहिलो भागले ८३६ करोड कमाई गरेर बलिवुडकै अहिलेसम्मको सर्बाधिक कमाई गर्ने फिल्म बनेको थियो । फिल्मले विश्वभर लगभग १३ सय करोड भारु कमाएको थियो ।
काठमाडौँ । अमेरिकाले राष्ट्रिय स्वतन्त्र पार्टी (रास्वपा) का सभापति रवि लामिछानेलाई बधाई दिएको छ ।
काठमाडौँस्थित अमेरिकी दुताबासका अनुसार दक्षिण तथा मध्य एसियाली मामिलासम्बन्धी अमेरिकी विशेष दूत सर्जिओ गोरले रास्वपा सभापति लामिछानेलाई मंगलबार फोन गरी निर्वाचनमा प्राप्त जितका लागि बधाई दिएका हुन् ।
फोन कुराकानीमा अमेरिकाले नेपालको नयाँ सरकारसँग सहकार्य गर्दै आर्थिक साझेदारीको सुदृढीकरण गर्न र दुई देशबिचको मित्रतालाई अझ गहिरो बनाउन उत्सुक रहेको बताएको दुताबासले जानकारी दिएको छ ।
काठमाडौँ । अमेरिकाको माथिल्लो सदन सिनेटमा इरानसँगको युद्ध रोक्न ल्याइएको प्रस्ताव अस्वीकृत भएको छ । प्रस्तावको पक्षमा ४७ र विपक्षमा ५३ मत परेको छ ।
यो प्रस्ताव डेमोक्रेटिक पार्टीका तर्फबाट ल्याइएको थियो । उनीहरूले युद्ध सुरु गर्ने अधिकार संसदसँग हुने भएकाले सरकार प्रमुख डोनाल्ड ट्रम्पले पूर्ण स्वीकृतिबिना यस्तो निर्णय लिन नपाउने बताएका थिए ।
डेमोक्रेटिक पार्टीले यसअघि पनि यस्तै प्रस्ताव तीनपटक ल्याइसकेको छ । सरकारमाथि दबाब सिर्जना गर्न निरन्तर प्रस्ताव ल्याइरहेको उनीहरूको भनाइ छ ।
पार्टीका सांसद क्रिस मर्फीले सरकारले युद्ध किन आवश्यक छ भन्ने स्पष्ट पार्न नसकेको आरोप लगाएका छन् ।
डेमोक्रेटिक पार्टीले यो विषयलाई यत्तिमै नछाड्ने र सरकार स्पष्ट नभएसम्म हरेक हप्ता मतदान गराउने चेतावनी दिएको छ
काठमाडौँ । नेपाल क्रिकेट संघ (क्यान) ले आइसीसी महिला च्यालेन्ज ट्रफी खेल्ने नेपाली प्रारम्भिक टिमको घोषणा गरेको छ ।
क्यानले क्लोज क्याम्पका लागि २९ सदस्यीय प्रारम्भिक टिमको घोषणा गरेको हो । क्यानले बोलाएका खेलाडीमा इन्दु बर्मा, पुजा महतो, रुबिना क्षेत्री, सीता राना मगर, बिन्दु रावल, मनिषा उपाध्याय, रचना चौधरी, सोनी पाखरिन, साना प्रवीण, खुशी डंगोल, सम्झना खड्का, सुधा धामी, रुवि पोद्दार, किरण कुँवर, कविता जोशी, लक्ष्मी साउद, कविता कुँवर, रिया शर्मा, रोमा थापा, सुमन विष्ट, अनु कडायत, सीमाना केसी, राजमती ऐरी, अलिशा यादव, तृष्णा बिके, कुसुम गोदार, यशोदा बिष्ट, अञ्जी पाठक र रमा बुढाथोकी रहेका छन् ।
रुवाण्डा क्रिकेट संघले आयोजना गर्ने पहिलो आइसीसी महिला च्यालेन्ज ट्रफी अप्रिल १२ देखि मे २ सम्म हुदै छ । यस प्रतियोगितामा प्रतिस्पर्धा गर्ने टोलीहरूमा अमेरिका क्षेत्रबाट संयुक्त राज्य अमेरिका, एसियाबाट नेपाल, युरोपेली क्षेत्रबाट इटाली, पूर्वी एसिया-प्रशान्त क्षेत्रबाट भानुआटु र अफ्रिकाबाट आयोजक रुवान्डा रहेका छन् ।
काठमाडौँ । प्रतिनिधि सभाका सबैभन्दा ज्येष्ठ सदस्य नेपाली काँग्रेसका नेता अर्जुननरसिंह केसीले शपथ लिएक छन् ।
राष्ट्रपति रामचन्द पौडेलले शितल निवासमा जेष्ठ सदस्य केसीलाई सांसदको शपथ गराएका हुन् । सो अवसरमा उपराष्ट्रपति रामसहाय प्रसाद यादव, राष्ट्रिय सभा अध्यक्ष नारायण प्रसाद दाहालसहित विशिष्ट व्यक्तिहरुको उपस्थिति रहेको थियो ।
नेपाली कांग्रेसको समानुपातिकबाट सांसद बनेका केसीले राष्ट्रपतिबाट शपथ लिएसँगै अब उनले विहिबार अन्य सांसदहरुलाई शपथ गराउनेछन् । सांसदहरुको शपथ भने सिंहदरबारमा हुनेछ । त्यसको लागि संसद सचिवालयले निर्माणाधीन नयाँ संसद भवनको बहुउद्देश्यीय हललाई तयार गरिएको छ ।
विहिबार सांसदहरुको शपथपछि चैत्र १३ गते शुक्रबार नयाँ प्रधानमन्त्रीको रुपमा राष्ट्रिय स्वतन्त्र पार्टी (रास्वपा) का वरिष्ठ नेता बालेन साहले शपथ लिने तयारी गरिएको छ ।
काठमाडौँ । नेकपा एमालेका नेता गोकुल बास्कोटाले फेरि वाम एकताको रोग चल्न शुरु भएको बन्दै कटाक्ष गरेका छन् ।
उनले सामाजिक सञ्जालमार्फत अहिले वाम एकताको कुरा उठ्नु उचित नभएको बताउदै आन्दोलनको पुनजागर भित्र सगंठनको पुनर्गठन र नवीन नेतृत्वको निर्माण खोज्नु सहि हुने टिप्पणी गरेका छन् ।
बास्कोटाले केवल कागजी वा सतही एकताले जनता र समर्थकको विश्वास जित्न नसक्ने टिप्पणी गरेका छन् ।
उनले भनेका छन्- ‘फेरि वाम एकताको राग चल्न लागेछ । यो पनि जनताले मत हालेर सरकार गठन हुन लाग्दा केही मान्छले मसीको प्रमाण खोज्न हिडे झै फोहर गरेपछि दैलो देखे जस्तै हो । आन्दोलनको पुनजागर भित्र सगंठनको पुनर्गठन र नवीन नेतृत्वको निर्माण खोज्नु वेस । मितको एकताले जनता र समर्थकमा विश्वास आर्जन हुन सक्दैन ।’