काठमाडौं । प्रतिनिधिसभा निर्वाचनको परिणाम सार्वजनिक भइसकेपछि नेपाली कांग्रेसले केन्द्रीय कार्यसम्पादन समितिको बैठक बोलाएको छ।
निर्वाचनको परिणाम सार्वजनिक भइसकेपछि कांग्रेसले पहिलोपटक कार्यसम्पादन समिति बैठक बोलाएको हो ।
कांग्रेस केन्द्रीय कार्यालय सानेपामा आइतबार दिउँसो १ बजे बैठक बस्ने जानकारी दिइएको छ। केन्द्रीय कार्यालयका कावा मुख्य सचिव कृष्णप्रसाद दुलालका अनुसार बैठकमा समानुपातिकतर्फबाट प्रतिनिधिसभा सदस्य चयन गर्ने विषयमा छलफल हुनेछ।
निर्वाचनमा पार्टीले प्राप्त गरेको समानुपातिक सिटको आधारमा बन्दसूचीमा रहेका उम्मेदवारहरूबाट प्रतिनिधिसभा सदस्य छनोट गर्ने प्रक्रिया अघि बढाउन बैठक बोलाइएको बताइएको छ।
