काठमाडौँ । राष्ट्रपति रामचन्द्र पौडेलसँग संयुक्त राष्ट्र सङ्घकी नेपालस्थित आवासीय समन्वयकर्ता लीला पिटर्स याहियाले शिष्टाचार भेट गरेकी छन् ।
शुक्रबार राष्ट्रपतिको कार्यालयमा भएको उक्त भेटमा नेपालका विकास प्राथमिकता तथा नेपाल र संयुक्त राष्ट्रसङ्घबीचको सहकार्यका विषयमा छलफल भएको बताइएको छ ।
भेटका क्रममा आपसी सहयोगलाई अझ प्रभावकारी बनाउँदै विकासका साझा लक्ष्यहरू हासिल गर्ने विषयमा कुराकानी भएको राष्ट्रपति कार्यालयले जनाएको छ ।
