काठमाडौँ । नेपाली कांग्रेसका नेता डा. शशांक कोइरालाले आगामी मंसिरमा पार्टीको नियमित महाधिवेशन हुनुपर्ने बताएका छन् ।
महाधिवेशनका लागि केन्द्रीय कार्य समिति तत्काल विघटन गर्न र कार्यवाहक सभापति तोक्न उनले सभापति शेरबहादुर देउवालाई सुझाव दिएका छन् ।
सञ्चारकर्मीहरुसँग संक्षिप्त कुराकानी गर्दै कोइरालाले भने, ‘विशेष महाधिवेशन होइन, नियमित महाधिवेशन गर्नुपर्छ । यो मेरो व्यक्तिगत विचार हो । मैले उहाँ (देउवा) लाई भने– तपाई विघटन गर्नुुस् । एक जनालाई कार्यबाहक सभापति दिनुस् ।’
देउवाले कार्यवाहक सभापतिको जिम्मेवारी अरुलाई दिएर महाधिवेशनको मिति तय गर्ने वातावरण बनाउनुपर्ने उनको भनाइ छ । आगामी मंसिरसम्ममा पार्टीको नियमित महाधिवेशनको मिति तय हुने उनले विश्वास व्यक्त गरे ।
