काठमाडौँ । नेपाली बजारमा मंगलबार सुनको मूल्यले नयाँ रेकर्ड कायम गरेको छ । नेपाल सुनचाँदी व्यवसायी महासंघका अनुसार मंगलबार छापावाला सुन तोलाको २ लाख ४८ हजार ५ सय रुपैयाँ पुगेको छ, जुन हालसम्मकै उच्च दर हो ।
अघिल्लो दिन सोमबार तोलाको २ लाख ४० हजार ४०० रुपैयाँमा कारोबार भएको थियो । एकै दिनमा सुनको मूल्यमा ८ हजार रुपैयाँभन्दा बढीको वृद्धि भएको हो ।
त्यस्तै, चाँदीको मूल्य पनि आज बढेर उच्च स्तरमा पुगेको छ । सोमबार तोलाको ३ हजार २२० रुपैयाँमा कारोबार भएको चाँदी मंगलबार बढेर ३ हजार ३२५ रुपैयाँ पुगेको महासंघले जनाएको छ ।
महासंघका अनुसार मंगलबार प्रति १० ग्राम सुनको मूल्य २ लाख १३ हजार ५० रुपैयाँ, र प्रति १० ग्राम चाँदीको मूल्य २ हजार ८५० रुपैयाँ ५० पैसा रहेको छ ।
