काठमाडौं । नेपाल बैंक लिमिटेड र लिफ प्लस प्रा. लि. बीच उपभोक्तामुखी छुट कार्यक्रमसम्बन्धी समझदारीपत्रमा हस्ताक्षर गरिएको छ।
सम्झौता अनुसार, नेपाल बैंकका कर्मचारी र बैंकमा खाता रहेका ग्राहकहरूले लिफ प्लसले उत्पादन र बिक्री गर्ने पर्यावरणमैत्री सुपारीको पातबाट बनेका घरायसी सामानहरू खरिद गर्दा विशेष छुट पाउनेछन्।
लिफ प्लसले काठमाडौंको शंखमुलस्थित कार्यालयमार्फत प्लेट, कचौरा, थाल, चम्चा लगायतका प्राकृतिक सामाग्रीबाट बनेका वस्तुहरू बिक्री गर्दै आएको छ।
नेपाल बैंकको मोबाइल बैंकिङ एपमार्फत रकम भुक्तानी गर्दा बिल रकममा २० प्रतिशतसम्म छुट प्राप्त हुने व्यवस्था गरिएको छ। यस योजनाले बैंकका ग्राहकलाई सहज डिजिटल भुक्तानी र वातावरणमैत्री उत्पादन प्रयोगमा प्रोत्साहन गर्ने उद्देश्य राखेको छ।
सम्झौता पत्रमा नेपाल बैंकका सहायक प्रमुख कार्यकारी अधिकृत प्रकाश कुमार अधिकारी र लिफ प्लस प्रा. लि.का प्रमुख कार्यकारी अधिकृत कोबित सिंह बानियाले मिति २०८२ असोज २७ गते हस्ताक्षर गरेका हुन्।
