काठमाडौँ । नेपाली कांग्रेसले पर्सा क्षेत्र नं ४ बाट प्रतिनिधि सभा सदस्यको उम्मेदवारका लागि केन्द्रीय सदस्य रमेश रिजालको नाम सर्वसम्मत सिफारिस गरेको छ ।
नेपाली काँग्रेस क्षेत्रीय समितिको भेलाले रिजालको एकल नाम सिफारिस गरेको हो ।
विद्यार्थीकालमा नेपाल विद्यार्थी संघमा आवद्ध भई राजनीति सुरु गरेका रिजाल ०४८ सालमा पहिलो पटक विजयी भएका थिए । त्यसपछि लगातार उनी पर्सा क्षेत्र नं ४ मा चुनाव लडिरहेका छन् । वि.स. ०५२ सालमा पनि जनताले प्रतिनीधि सभा सदस्य बनाएका रिजाल वि.स. ०६४ सालमा पूनः सांसद बने ।
वि.स. ०७९ सालमा ३१ हजार एक सय ४२ मतका साथ नेकपा एमालेका जालिम मियाँ मन्सुरीलाई पाँच हजार पाँच सय ३० मतको फराकिलो अन्तरले पराजित गर्दै पूनः सांसद बनेका रिजाल प्रचण्ड नेतृत्व सरकारमा पहिलो पटक उधोग वाणिज्य तथा आपूर्ती मन्त्रि बने ।
पर्सा क्षेत्र नं ४ का स्थानीय भन्छन, “रमेश रिजाल हाम्रो क्षेत्रमा नेता मात्र होइनन, परिवारका सदस्य जस्तै छन् ।” काठमाडौंको सत्ताभन्दा बढी समय आफ्ना मतदातामाझ आफ्नै क्षेत्रमा रहने गरेका नेता रिजाल कहिले सडक, कहिले विद्यालय, कहिले खानेपानी त कहिले स्वास्थ्य क्षेत्र लगायतको विकासमा निरन्तर लागि परेको जनताले प्रत्यक्ष देखिरहेका छन् । त्यसैले होला, पर्सा ४ का जनता भन्छन, “हाम्रो विश्वासको नाम र हाम्रो क्षेत्रको विकल्प नै रमेश रिजाल।”
यस पटक पनि रिजालको एकल नाम प्रतिनिधि सभा सदस्यका उम्मेदवारमा सर्वसम्मत सिफारिस हुनुको पछाडी जनताको यहि साथ र समर्थनले ठुलो भूमिका खेलेको छ ।
नेता रिजालको पक्षमा उभिएको जनलहरले अहिले पर्सा क्षेत्र-४ मा चुनावी माहोलभन्दा बढी भावनात्मक जोड बढाएको छ। जनता र नेताबीचको दशकौं पुरानो भरोसाको कथा फेरि एकपटक दोहोरिन लागेको संकेतको रुपमा यसलाई स्थानिय जनताले लिएका छन् ।
