काठमाडौं । पोखरामा लामो समयदेखि रोकिएको प्याराग्लाइडिङ गतिविधि पुनः सञ्चालनमा आउने भएको छ। पोखरा अन्तर्राष्ट्रिय विमानस्थल निर्माणपछि सुरक्षाका कारण बन्द गरिएको यो साहसिक खेल अब फेरि सुरु गर्न लागिएको हो।
प्याराग्लाइडिङ पोखराको प्रमुख पर्यटकीय आकर्षणमध्ये एक मानिन्छ, जसले आन्तरिक र बाह्य दुवै पर्यटकलाई लोभ्याउँदै आएको छ। विमानस्थल निर्माण अघि दैनिक करिब १ हजारदेखि १२ सयसम्म पर्यटकले यस खेलको अनुभव लिने गरेका थिए।
विमानस्थल सञ्चालनसँगै उडान सुरक्षालाई ध्यानमा राख्दै केही समयका लागि रोकिएको यो गतिविधि पुनः सुरु हुने भएपछि पर्यटन व्यवसायी तथा साहसिक खेलप्रेमीहरू उत्साहित देखिएका छन्।
पुनः सञ्चालनसँगै पोखराको पर्यटन क्षेत्र अझ चलायमान हुने अपेक्षा गरिएको छ।
