काठमाडौं । दार्चुला जिल्लाको मुराई आसपास क्षेत्रलाई केन्द्रबिन्दु बनाएर आज बिहान भूकम्पको धक्का महसुस गरिएको छ।
राष्ट्रिय भूकम्प मापन तथा अनुसन्धान केन्द्रका अनुसार बिहान ८:३२ बजे ४.० म्याग्निच्युडको भूकम्प गएको हो। यसको कम्पन दार्चुलाका विभिन्न स्थानहरूका साथै छिमेकी क्षेत्रमा समेत अनुभव गरिएको थियो।
केही दिनअघि मात्रै, चैत ९ गते पनि सोही क्षेत्रमा ४.२ म्याग्निच्युडको भूकम्प गएको थियो। छोटो अवधिमा पटक-पटक कम्पन महसुस हुन थालेपछि स्थानीय बासिन्दामा सतर्कता बढेको छ।
