विरगंज । मच्छरको कारण स्वास्थ्य समस्या बढ्दै गएको भन्दै गुडविल सोसाइटी संस्थाले ३० नम्बर वडामा ५० थान मच्छरदानी (झुल) वितरण गरेको छ ।
स्थानीयवासीहरूबाट लगातार मच्छरको कारण विभिन्न स्वास्थ्य समस्या देखिएको गुनासो आएपछि तत्काल राहत स्वरूप मच्छरदानी वितरण गरेको सोसाइटीले जनाएको छ । वडाध्यक्ष जितेन्द्र यादवको उपस्थितिमा वडाबासीलाई मच्छरदानी वितरण गरिएको थियो ।
कार्यक्रममा सोसाइटीका अध्यक्ष अरबाज आलम, उपाध्यक्ष सज्जद, सदस्य किसन पटेल, शाहनवाज, सुहैब, सलाउद्दिन, सम्सुदिन, आमिर, सौकत, साहिल, सम्सुल, समीर, आमिर लगायतका पदाधिकारी तथा सामाजिक कार्यकर्ता उमर अन्सारी र अली हसनको सहभागिता रहेको थियो।
कार्यक्रममा वडाध्यक्ष यादवले समाजमा देखिएको यस्ता समस्या समाधानमा स्थानीय संस्था तथा युवाहरूको भूमिका अत्यन्त सराहनीय रहेको भन्दै धन्यवाद व्यक्त गरे। उनले जनस्वास्थ्यसँग सम्बन्धित समस्यामा यस्ता सहयोगले समुदायलाई राहत मिल्ने बताउँदै अन्य संस्थालाई पनि सामाजिक उत्तरदायित्व पूरा गर्न आह्वान गरे ।
