काठमाडौं । जेनजीको विरोध प्रदर्शनमा प्रहरीले चलाएको गोली लागेर घाइते भएका एक प्रदर्शनकारीको उपचारको क्रममा मृत्यु भएको छ।
नयाँबानेश्वरस्थित सिभिल अस्पतालमा उपचारको क्रममा एक जनाको मृत्यु भएको हो। साथै ७०÷८० जना घाइते अहिले पनि अस्पतालमा उपचाररत रहेको अस्पतालले जनाएको छ। मृतकको परिचय भने खुल्न सकेको छैन ।
यसैबीच, प्रदर्शनको क्रममा प्रहरीले चलाएको रबरको गोली लागेर दुई जना पत्रकार घाइते भएका छन्। नयाँ पत्रिकाका फोटो पत्रकार दिपेन्द्र ढुंगाना र नेपाल प्रेसका उमेश कार्की प्रदर्शनस्थलमा फोटो खिच्ने क्रममा घाइते भएका हुन्। उनीहरूलाई उपचारका लागि सिभिल अस्पताल लगिएको छ।
