काठमाडौं । भ्रष्टाचार बिरोधि अभियान्ताका रूपमा परिचित नेपाली कांग्रेसका उपसभापति धनराज गुरुङले जेनजीले उठाएका माग पुरा गर्न तत्काल प्रक्रिया थाल्नु पर्ने बताएका छन् ।
सामाजिक संजाल मार्फत उपसभापति गुरुङले आफुले पटकपटक २०४६ साल यता लाभको पदमा पुगेका नेता कर्मचारी सबै सम्पत्ति छानबिन गरि आयस्रोत नदेखिएको सम्पत्ति राष्ट्रियकरण गर्नुपर्ने माग उठाए पनी कार्यान्वयन हुन नसकेको बताएका छन् । उनले भने: “आवाज मात्रै उठाएको हैन, २०८० चैत २३ गते संसदमा सार्वजनिक महत्वको प्रस्ताव समेत दर्ता समेत गरेको थिए, तर सुनुवाइ हुन सकेन, सुनुवाइ हुन सकेको भए आज सायद यस्तो अवस्था आउने थिएन ।”
केही नेता कर्मचारीहरु कमाउ धन्दामा लाग्दा देशले आज यो दुर्गति भोग्नु परेको उनको भनाइ छ । जेनजीले उठाएका प्रत्यक्ष निर्वाचित कार्यकारी, भ्रष्टाचारको छानबिन लगायतका माग सम्बोधन गर्न तत्काल आयोग गठन गर्न पनि उनले सुझाव दिनुएका छन् ।
