काठमाडौँ । सामाजिक सञ्जाल फेसबुक र इन्स्टाग्रामको मातृ कम्पनी मेटाले करिब ८ हजार कर्मचारी घटाउने योजना अघि सारेको छ । कम्पनीले आगामी मे देखि कर्मचारी संख्या घटाउने प्रक्रिया सुरु गर्ने तयारी गरेको बताइएको छ ।

अन्तर्राष्ट्रिय सञ्चारमाध्यमका अनुसार मेटाले प्रारम्भिक चरणमै आफ्नो विश्वव्यापी कर्मचारी संख्याको करिब १० प्रतिशत घटाउने लक्ष्य राखेको छ । यस वर्षको दोस्रो भागमा पनि थप कर्मचारी कटौती हुन सक्ने जनाइएको छ ।

कम्पनीका प्रमुख मार्क जुकरबर्गले कृत्रिम बुद्धिमत्ता क्षेत्रमा ठूलो लगानी गरिरहेका छन् । यसकै कारण भविष्यमा व्यवस्थापन तह घटाउने र प्रविधिको सहायताबाट कामलाई अझ प्रभावकारी बनाउने लक्ष्य राखिएको बताइएको छ ।

प्रविधि र सञ्चार क्षेत्रमा कर्मचारी कटौतीको लहर मेटामा मात्र सीमित छैन । पछिल्ला महिनामा अमेजनले करिब ३० हजार कर्मचारी हटाएको छ भने डिजनीले पनि विभिन्न विभागबाट करिब १ हजार कर्मचारी घटाउने घोषणा गरेको छ ।

तथ्यांक अनुसार सन् २०२४ यता मात्रै विश्वभर ७३ हजारभन्दा बढी कर्मचारीले रोजगारी गुमाइसकेका छन् । अघिल्लो वर्ष यो संख्या डेढ लाखभन्दा बढी पुगेको थियो ।

यसैबीच फेसबुकका लागि सामग्री व्यवस्थापन गर्ने कम्पनी समाले पनि १ हजार १ सयभन्दा बढी कर्मचारीलाई हटाउने निर्णय गरेको छ । मेटासँगको सम्झौता अन्त्य भएपछि यस्तो निर्णय गरिएको जनाइएको छ ।

Read More

काठमाडौँ । बलिउड अभिनेता शाहरुख खान अभिनित आगामी चलचित्र ‘किंग’ ले प्रदर्शनअघि नै २५० करोड भारु आम्दानी गरेको छ ।

भारतीय सञ्चारमाध्यमका अनुसार करिब ४०० करोड भारु लागत रहेको यस चलचित्रले प्रदर्शनअघि नै आधाभन्दा बढी लगानी सुरक्षित गरेको हो । चलचित्रका सम्पूर्ण भारतभरि प्रदर्शन अधिकार पेन मरुधरले २५० करोड भारुमा खरिद गरेको बताइएको छ, जसलाई यस वर्षकै ठूलो हल प्रदर्शनसम्बन्धी सम्झौतामध्ये एक मानिएको छ ।

पेन मरुधर र शाहरुख खानको निर्माण संस्थाबीच पुरानै सहकार्य रहँदै आएको छ । यसअघि ‘जवान’, ‘डंकी’, ‘जिरो’, ‘बदला’ र ‘इत्तेफाक’ जस्ता चलचित्रहरू पनि यही कम्पनीमार्फत प्रदर्शन भइसकेका छन् ।

चलचित्रका स्वदेशी प्रदर्शन अधिकारका लागि एए फिल्म्स, जियो स्टुडियोज, पिभिआर आइनोक्स पिक्चर्स, यशराज फिल्म्स र धर्मा प्रोडक्सन्सबीच प्रतिस्पर्धा भएको थियो ।

यो चलचित्र सन् २०२६ को क्रिसमस अवसरमा प्रदर्शन गर्ने तयारी गरिएको छ । सोही समयमा ‘जुमाञ्जी’, ‘एभेन्जर्स: डुम्सडे’ र ‘ड्युन ३’ जस्ता हलिउड चलचित्रहरू पनि प्रदर्शनमा आउने भएकाले कडा प्रतिस्पर्धा हुने अनुमान गरिएको छ । त्यसलाई ध्यानमा राख्दै चलचित्रलाई व्यापक रूपमा हल प्रदर्शन गर्ने योजना बनाइएको छ ।

चलचित्रमा शाहरुख खानसँगै दीपिका पादुकोण, रानी मुखर्जी, अभिषेक बच्चन, सुहाना खान, अनिल कपुर, अभय वर्मा र अरशद वारसीको अभिनय रहनेछ ।

चलचित्रको कथा गुरु र शिष्यबीचको यात्रामा आधारित रहेको छ, जसमा कठिन परिस्थितिमा आफ्नो अस्तित्व जोगाउन उनीहरूले गर्ने संघर्ष देखाइएको छ ।

Read More

काठमाडौँ । अमेरिकाका राष्ट्रपति डोनाल्ड ट्रम्पले इरानमाथि सम्भावित सैन्य आक्रमण हालका लागि स्थगित गर्दै युद्धविराम अवधि थप गर्ने निर्णय गरेका छन् ।

ट्रम्पले पाकिस्तानका सेना प्रमुख र प्रधानमन्त्रीको अनुरोधमा इरानलाई आफ्नो एकीकृत प्रस्ताव तयार पार्न समय दिन यस्तो कदम चालिएको बताएका छन् ।

उनले इरानको वर्तमान सरकार आन्तरिक रूपमा विभाजित अवस्थामा रहेको उल्लेख गर्दै त्यहाँका नेतृत्वलाई सहमति प्रस्ताव ल्याउने अवसर दिन आक्रमण रोकिएको स्पष्ट पारे ।

ट्रम्पका अनुसार अमेरिकी सेनालाई इरानमाथि नाकाबन्दी जारी राख्न र सबै परिस्थितिका लागि तयारी अवस्थामा रहन निर्देशन दिइएको छ । यसले सैन्य दबाब कायम रहने तर तत्काल प्रत्यक्ष कारबाही नगर्ने संकेत दिएको छ ।

उनले इरानबाट औपचारिक प्रस्ताव नआएसम्म युद्धविराम जारी रहने र त्यसपछि मात्र आगामी कदमबारे निर्णय लिइने बताएका छन् ।

यसैबीच इरानले भने युद्धविरामको समय बढाउने विषय इरानसँग सम्बन्धित नभएको कडा प्रतिक्रिया दिएको छ ।  

Read More

काठमाडौँ । प्रतिनिधिसभा कार्यसञ्चालन नियमावली मस्यौदा विवादमा परेको छ । 

राष्ट्रिय स्वतन्त्र पार्टी (रास्वपा) का सांसद गणेश पराजुली नेतृत्वको मस्यौदा समितिले मंगलबार मस्यौदा सभामुख डोलप्रसाद अर्याललाई बुझाएसँगै यसभित्रका केही प्रावधान विवादमा परेका हुन् ।

मस्यौदा समितिका सभापति रास्वपाकै सांसद हुनु र नियमावलीका बुँदाहरूले फौजदारी अभियोग लागेका सांसदहरूलाई सहज हुने गरी बनाइएको पाइएपछि विवाद भएको हो । यस प्रावधानलाई रास्वपाका सभापति रवि लामिछानेलाई कानुनी कारबाहीबाट जोगाउने पहलका रूपमा बुझिएको छ । 

सभामुखलाई पेश गरिएको मस्यौदामा नियमावलीको नियम २५९ मा ‘नियमावली लागू हुने’ शीर्षकमा विशिष्ट व्यवस्था गरिएको छ । जसमा भनिएको छ, ‘प्रचलित कानुनमा जुनसुकै कुरा लेखिएको भए तापनि सभा, समिति र सदस्यको हकमा यो नियमावली सङ्घीय कानूनको रूपमा रही विशेष कानून सरह लागू हुनेछ ।’ यो विशेष व्यवस्था पछि अब नियमावलीलाई नै ‘विशेष कानुन’ को रुपमा व्याख्या गरेर देशको कानुन भन्दा पनि माथि राखेको देखिएको छ । संसद्को विशेषाधिकारका रूपमा नियमावलीलाई राखेर फौजदारी कानुनको दायरालाई कमजोर बनाउन र अप्रत्यक्ष रुपमा रास्वपा सभापति रवि लामिछानेलाई सहज बनाउन खोजिएको विश्लेषण गरिएको छ ।

त्यस्तै नियम २४७ मा नियमको उपनियम (३) मा गम्भीर फौजदारी मुद्दा लागेका सांसदहरूको हकमा ‘पुर्पक्षका लागि थुनामा रहेको अवस्थामा मात्र त्यस्तो अवधिभर सदस्य निलम्बनमा रहने’ व्यवस्था गरिएको छ । यस अनुसार कुनै सांसदमाथि गम्भीर अपराध वा ठगीको मुद्दा छ र उनी अदालतको आदेशले थुनामा नगई धरौटीमा वा अन्य कुनै कारणले बाहिरै रहे भने सांसद पदबाट निलम्बिनमा पर्ने छैनन् । 

हाल मुद्दाको सामना गरिरहेका रास्वपा सभापति रवि लामिछाने पक्राउ नपरेको वा थुनाबाहिरै रहेको अवस्थामा उनको सांसद पद र पार्टी नेतृत्व सुरक्षित राख्नकै लागि यो व्यवस्था गरिएको विपक्षीहरुको आरोप छ । त्यस्तै नियम २६१ मा संसद् वा समितिले गरेका कामकारबाहीलाई ‘आन्तरिक काम कारबाही’ मानिने र यस सम्बन्धमा कुनै पनि अदालतमा प्रश्न उठाउन नपाइने उल्लेख छ ।

सभामुखलाई बुझाइएको यो मस्यौदाप्रति नेकपा एमाले, नेकपाका केही समितिकै सदस्यहरूले असहमति जनाएका छन् । मुद्दा र राजनीतिक परिस्थितिलाई हेरेर नियमावलीमा व्यवस्था गर्नु गलत भएको भन्दै उनीहरुले कानुन सबैका लागि बराबर हुनुपर्ने बताएका छन् ।

रास्वपाका सांसद गणेश पराजुलीको संयोजकत्वमा बनेको मस्यौदा समितिमा सांसदहरु ओजश्वी शेरचन, ऐनबहादुर महर, खगेन्द्र सुनार, खुश्बु ओली, गजाला समिम मिकरानी, तपेश्वर यादव, ध्रुवराज राई, निशा डाँगी, निष्कल राई, बलावती शर्मा, मधु चौलागाइँ, यज्ञमणि न्यौपाने, रेखाकुमारी यादल र डा. सुलभ खरेल रहेका थिए ।

Read More

काठमाडौं । राष्ट्रिय खेलकुद परिषद्ले अखिल नेपाल फुटबल संघ (एन्फा) को आर्थिक अनियमितताको बारेमा छानबिन गर्न तीन सदस्यीय छानबिन समिति गठन गरेको छ ।

राखेप सदस्य कमल भट्टराई संयोजक रहेको छानबिन समितिको सदस्यमा राखेपका लेखा अधिकृत टंकनाथ कँडेल र आपूर्ति तथा भण्डार शाखाका गोपीकृष्ण निरौला छन् ।

एन्फाले पारदर्शी ढंगबाट खरिद प्रक्रिया नगरेको भन्ने विषयमा अख्तियार दुरुपयोग अनुसन्धान आयोगमा उजुरी परेपछि सो विषयमा राखेपसँग राय मागेपछि राखेपले कार्यकारी समितिको बैठक बोलाई उक्त समिति गठन गरेको हो ।

उक्त समितिले एक हप्ताभित्र छानबिन गरी अख्तियारलाई पठाउने जवाफको बारेमा राय तयार पार्नेछ । एन्फा अहिले राखेपको तीन महिनाको निलम्बनमा छ ।

साथै मंगलबार बसेको बैठकले निलम्बित एन्फाका पदाधिकारीहरूलाई फुटबलको अन्तर्राष्ट्रिय कार्यक्रमहरूका लागि विदेश भ्रमण गर्न पनि रोक लगाउने र यस विषयमा गृह मन्त्रालयलाई पत्राचार गर्ने निर्णय गरेको छ ।

Read More

काठमाडौं । जारी आईसीसी वुमेन्स च्यालेन्ज ट्रफीमा आज नेपालले रुवाण्डाको सामना गर्दैछ । आज यो खेल नेपाली समय अनुसार दिउसो १२: ४५ बजेदेखि शुरु हुदैछ ।

यसअघि खेलेका दुई खेलमा नेपालले एक जित एक हार बेहोरेको छ । नेपालले अमेरिकासँग हार बेहोरेको थियो भने इटालीलाई पराजित गरेको थियो । त्यस्तै रुवाण्डाले खेलेका ३ खेलमा २ जित र एक हार बेहोरेको छ । 

यो प्रतियोगिता खेल्ने नेपाली टिममा इन्दु बर्मा (कप्तान), पुजा महतो (उपकप्तान), रुबिना क्षेत्री, बिन्दु रावल, मनिषा उपाध्याय, सम्झना खड्का, रुवि पोद्दार, कविता जोशी, कविता कुँवर, रिया शर्मा, रोमा थापा, सुमन विष्ट, अनु कडायत र रचना चौधरी रहेका छन् । त्यस्तै नेपाली टिमको मुख्य प्रशिक्षक हर्षल पाठक रहेका छन् ।

रुवाण्डा क्रिकेट संघले आयोजना गर्ने पहिलो आइसीसी महिला च्यालेन्ज ट्रफी अप्रिल १८ देखि मे २ सम्म हुदैछ । यस प्रतियोगितामा प्रतिस्पर्धा गर्ने टोलीहरूमा अमेरिका क्षेत्रबाट संयुक्त राज्य अमेरिका, एसियाबाट नेपाल, युरोपेली क्षेत्रबाट इटाली, पूर्वी एसिया-प्रशान्त क्षेत्रबाट भानुआटु र अफ्रिकाबाट आयोजक रुवान्डा रहेका छन् ।

नेपालले अर्को खेल अप्रिल २४ मा भानुआटुमा, अप्रिल २६ मा अमेरिकासँग, अप्रिल २८ मा रुवाण्डासँग, अप्रिल ३० मा भानुआटुसँग र मे १ मा इटालीसँग खेल्ने तालिका रहेको छ ।

Read More

काठमाडौँ । सनराइजर्स हैदरावादले जारी आइपिएलमा दिल्ली क्यापिटल्सलाई पराजित गरेको छ । गएराती सम्पन्न खेलमा सनराइजर्सले दिल्लीलाई ४७ रनले पराजित गरेको हो ।

सनराइजर्सले दिएको २४३ रनको लक्ष्य पछाएको दिल्लीले २० ओभरमा ९ विकेट गुमाउदै १९५ रन बनाएको थियो ।

दिल्लीका लागि नितिश रानाले सर्बाधिक ५७ रन बनाए भने समीर रिज्वीले ४१, केएल राहुलले ३७ रन बान्येका थिए ।

त्यस्तै सनराइजर्सका बलर इशान मालिंगाले ४ व्विकेट लिए भने हर्ष दुबेले ३ विकेट लिएका थिए ।

यसअघि पहिला ब्याटिंग गरेको सनराइजर्सले अभिषेक शर्माको १३५ रनको शतकीय पारीको मद्धतले २० ओभरमा २ विकेट गुमाउदै २४२ रन बनाएको थियो ।

यो जितपछि सनराइजर्सको ७ खेलमा ८ अंक भएको छ र तेस्रो स्थानमा उक्लिएको छ । त्यस्तै दिल्लीको भने ६ खेलमा ६ अंक रहेको छ ।

Read More

काठमाडौँ । आज विश्व पृथ्वी दिवस, विभिन्न कार्यक्रम गरेर मनाइँदैछ। अप्रिल २२ का दिन विश्वभर वातावरण र पृथ्वीको संरक्षणका लागि विश्व पृथ्वी दिवस मनाइन्छ ।

सन् १९६९ मा सनफ्रान्सिस्कोमा भएको युनेस्कोको सम्मेलनमा शान्ति कार्यकर्ता जोन म्याक कोनेलले १९७० मा उत्तरी गोलार्धको वसन्त ऋतुको पहिलो दिन मार्च २१ बाट मनाउने गरी पृथ्वीको सम्मान तथा शान्तिको अवधारणाका लागि एक दिनको माग गरेका थिए । तर, पछि अमेरिकी सिनेटर गेलर्ड नेल्सनले सन् १९७० मा पर्यावरण शिक्षाको रूपमा एक छुट्टै पृथ्वी दिवसको सुरुवात गरे ।

त्यस्तै, सन् २००९ मा राष्ट्रसंघको ६३औँ महासभाले अप्रिल २२ तारिखलाई विश्वभर पृथ्वी दिवसका रूपमा मनाउने निर्णय गरेअनुसार अहिले यो दिवस विश्वभर मनाइन्छ। पृथ्वीमा बढ्दै गएका विकराल समस्या समाधान न्यूनीकरण गर्न र मानिसलाई प्रेरित गराउन यो दिवस मनाउने गरिएको हो।

जलवायु परिवर्तनका कारण दिनप्रतिदिन बढिरहेको पृथ्वीको तापक्रमलाई कम गर्दै कसरी विकास गर्न सकिन्छ भन्ने मुख्य उद्देश्य राखेर अबका दिनमा अघि बढ्नुपर्ने विज्ञहरू बताउँछन् । जलवायु परिवर्तनले पारेको असरलाई मध्यनजर गरेर त्यसलाई नियन्त्रण गर्न सके मात्र पृथ्वीको संरक्षण हुन सक्छ ।

Read More

काठमाडौँ । स्पेनिस ला लिगा अन्तर्गत रियल म्याड्रिडले आल्भेजमाथि जित हासिल गरेको छ ।

गएराती सम्पन्न खेलमा रियल म्याड्रिडले आल्भेजलाई २-१ गोल अन्तरले पराजित गरेको हो । रियलको जितमा किलीयन एम्बाप्पे र भिनिसियस् जुनियरले एक एक गोल गरेका थिए ।

त्यस्तै आल्भेजका लागि एक गोल टोनी मार्टिनेजले गरेका थिए ।

यो जितपछि रियल म्याड्रिडको ३२ खेलमा ७३ अंक भएको छ र लिगमा दोस्रो स्थानमा रहेको छ । रियल म्याड्रिड एक खेल कम खेलेको बार्सिलोना भन्दा ६ अंकले पछाडी रहेको छ ।

त्यस्तै आल्भेजको ३२ खेलमा ३३ अंक रहेको छ र लिगमा १७औ स्थानमा छ ।

Read More