काठमाडौँ । भदौ २३ र २४ गतेको प्रदर्शनका क्रममा भएको तोडफोड र आगजनीका कारण बीमा कम्पनीहरूमा अहिलेसम्म २० अर्ब ७० करोड रुपैयाँ बराबरको दाबी परेको बीमा प्राधिकरणले जनाएको छ। भदौ महिनाको ३१ गतेसम्म १८ वटा इन्स्योरेन्स कम्पनीमा यति ठूलो दाबी दर्ता भएको हो।
द ओरियण्टल इन्सुरेन्समा सबैभन्दा बढी दाबी परेको छ। कम्पनीमा ४० वटा दाबी दर्ता भई करिब ५ अर्ब १४ करोड रुपैयाँ बराबरको दाबी भएको प्राधिकरणले जनाएको छ।
त्यस्तै, सबैभन्दा कम दाबी ट्रष्ट माइक्रो इन्सुरेन्स मा परेको छ। सो कम्पनीमा जम्मा ४२ करोड रुपैयाँ बराबरको दाबी दर्ता भएको छ। बीमा कम्पनीहरूले दैनिक रूपमा बीमा प्राधिकरणमा दाबीहरूको विवरण बुझाइरहेका छन्। प्राधिकरणले प्राप्त दाबीको विवरण प्रत्येक साताको बुधबार सार्वजनिक गर्ने निर्णय गरेको छ।
भदौ २३ र २४ गतेको प्रदर्शनका क्रममा सार्वजनिक सम्पत्तिदेखि व्यवसायिक भवन, होटल र निजी घरमा समेत तोडफोड र आगजनी भएका थिए। त्यसैको प्रभाव स्वरूप बीमा दाबीको ठूलो चाप देखिएको हो।
