काठमाडौँ । नेकपा (एमाले) का पोलिटब्युरो सदस्य महेश बस्नेतले प्रधानमन्त्री सुशीला कार्कीलाई “अवैध प्रधानमन्त्री” भन्दै संसद् विघटन विदेशी हस्तक्षेप र बालेन साहको स्टाटसको प्रभावित निर्णय भएको दाबी गरेका छन् ।
एमाले भक्तपुर जिल्ला कमिटीको कार्यक्रममा बोल्दै बस्नेतले भ्रष्टाचार विरुद्ध भन्दै बनेको सरकारले नै भ्रष्टाचारमा डुबेको आरोप लगाएका हुन् । उनले कार्कीले दलप्रति घृणा प्रकट गर्ने, प्रमुख नेताहरूमाथि अनावश्यक टिप्पणी गर्ने र संवाद गर्न नचाहने व्यवहार देखाउने बताए ।
बस्नेतले फागुन २१ गते चुनाव असम्भव रहेको उल्लेख गर्दै मुलुक संकटतर्फ धकेलिँदै गएको आरोप समेत लगाएका छन् ।
साथै उनले एमालेले नेशनल युथ भोल्यान्टियर फोर्स गठन गर्ने तयारी गरेको जानकारी दिँदै यो संरचना पार्टीको राजनीतिक कमाण्डमा सञ्चालन हुने र विपद् व्यवस्थापनमा भूमिका खेल्ने बताए ।
