काठमाडौँ । इरानमा जासुसी र तोडफोडको आरोपमा दुई जनालाई मृत्युदण्ड दिइएको छ । इरानी समाचार एजेन्सीका अनुसार उनीहरूलाई आज बिहान फाँसी दिइएको हो ।

समाचारअनुसार ती व्यक्ति इस्रायली गुप्तचर निकायसँग सम्बन्धित सञ्जालका सदस्य भएको आरोपमा दोषी ठहरिएका थिए । उनीहरूले सुरक्षित सञ्चार, संवेदनशील स्थान पहिचान तथा विस्फोटक पदार्थ तयार गर्ने तालिम लिएको उल्लेख गरिएको छ ।

आरोपीहरूले सैनिक तथा सार्वजनिक स्थलमा आगजनी गर्ने योजना बनाएको र आफ्ना गतिविधिका भिडियो क्रिप्टोमार्फत पारिश्रमिक लिएर पठाउने गरेको आरोपसमेत लगाइएको छ ।

सम्बन्धित सञ्जाललाई सुरक्षा निगरानीमा राखिएको अवस्थामा तेहरानका सार्वजनिक सेवा र सैनिक केन्द्रमा आक्रमण गर्ने नयाँ जिम्मेवारी दिइएको पाइएको जनाइएको छ । उनीहरूलाई आक्रमणका लागि विस्फोटक प्रयोग, प्रहार बिन्दु छनोट र दृश्य खिच्ने तरिकाबारे समेत तालिम दिइएको बताइएको छ ।

Read More

काठमाडौँ । प्रमुख प्रतिपक्षी दल नेपाली कांग्रेसले गृहमन्त्री सुदन गुरुङ बारे उठेका प्रश्नको छानबिन गर्न माग गरेको छ ।

कांग्रेस प्रवक्ता देवराज चालिसेले विज्ञप्ति जारी गर्दै गृहमन्त्री गृहमन्त्रीसँग सम्बन्धित सम्पूर्ण आरोपहरूको स्वतन्त्र, निष्पक्ष र उच्चस्तरीय छानबिन प्रक्रिया तुरुन्त प्रारम्भ गर्न माग गरेका हुन् । 

काँग्रेसले यस विषयलाई ढिलासुस्ती, प्रभाव वा ढाकछोपतर्फ लैजाने कुनै पनि प्रयासले सुशासन, नैतिकता र जनविश्वासमाथि गम्भीर आघात पुर्‍याउने चेतावनी समेत दिएको छ ।

कांग्रेसले मन्त्रीहरूको सम्पत्तिको स्रोत सम्बन्धमा सार्वजनिक रूपमा उठेका प्रश्नहरूलाई गम्भीरतापूर्वक लिनुपर्ने स्पष्ट निर्णय गरिसकेको विज्ञप्तिमा उल्लेख गर्दै पारदर्शिता र जवाफदेहिता लोकतन्त्रका आधारभूत स्तम्भ भएकाले यस्ता प्रश्नहरूको विश्वसनीय, निष्पक्ष र तथ्यमा आधारित छानबिन अपरिहार्य रहेको बताएको छ ।

पछिल्लो पटक गृहमन्त्रीसँग सम्बन्धित पछिल्लो प्रकरणले सार्वजनिक चासो मात्र होइन, राजनीतिक नैतिकता र पारदर्शितासँग जोडिएको गम्भीर प्रश्न उठाएको बताउदै यस्तो अवस्थामा सम्बन्धित पदमा रहँदै अनुसन्धान प्रक्रियामा प्रत्यक्ष वा अप्रत्यक्ष प्रभाव पर्ने आशंका उत्पन्न हुनु स्वाभाविक भएको उल्लेख छ । 

काँग्रेसले विज्ञप्तिमा अनुसन्धानलाई स्वतन्त्र, निष्पक्ष र प्रभावरहित बनाउन आवश्यक वातावरण सुनिश्चित गरिनुपर्ने बताएको छ ।

गृहमन्त्री गुरुङको सम्पत्ति र लगानीका विषयमा प्रश्न उठेपछि अहिले सरकार र रास्वपालाई चौतर्फी दबाब बढ्दै गएको छ ।

गुरुङले सार्वजनिक गरेको सम्पत्ति विवरणसँगै उनको सेयर बजारमा लगानी र हाल सम्पत्ति शुद्धिकरण मुद्धामा हिरासतमा रहेका दीपक भट्टसँगको व्यवसायिक सम्बन्धबारे एक पछि अर्को खुलासा हुन थालेपछि मन्त्री गुरुङ दबाबमा आएका छन् ।

Read More

काठमाडौँ । गत साताको नेपाली बक्स अफिसको रिपोर्ट सार्बजनिक भएको छ । 

चलचित्र विकास बोर्डले सार्वजनिक गरेको बैशाख ५ गते शनिबारसम्मको बक्स अफिस रिपोर्ट अनुसार राम नाम सत्यले बक्स अफिसमा राम्रो कमाई गरेको छ ।

राम नाम सत्यले २ करोड ७८ लाख १८ हजार ८४१ कमाई गरेको छ । राम नाम सत्यको अहिलेसम्म कुल ९७ हजार २०५ टिकट विक्री भएको छ ।  राम नाम सत्य चैत्र २७ गतेदेखि प्रदर्शनमा आएको थियो ।

त्यस्तै बैशाख १ गतेदेखि प्रदर्शनमा आएको तुलसी घिमिरेको फिल्म पहाडले ४६ लाख ७६ हजार ६३७ कमाई गरेको छ । पहाडको कुल १४ हजार ३१८ टिकट बिक्री भएको छ ।

Read More

काठमाडौँ । नेकपा एमालेका उपमहासचिव योगेश भट्टराईले जनताको बहुदलीय जनवाद अनुरुपको व्यबहार गरे नगरेको प्रश्न उठेको बताएका छन् ।

नेपाल कम्युनिष्ट पार्टीको स्थापना भएको दिन बैशाख ९ गते बहस गर्ने विषयहरु सार्बजनिक गर्दै नेता भट्टराईले  पुष्पलाल, मनमोहन र मदन भण्डारीजस्ता ऐतिहासिक युग नेताले निर्माण गरेको सफलताको विरासतमाथी पछिल्लो नेतृत्व र आउने पुस्ता अग्नि परिक्षामा रहेको उल्लेख गर्दै जनताको बहुदलीय जनवादलाई सहि अर्थमा बुझेका छौं ? भन्ने प्रश्न गरेका छन् ।

उनले भनेका छन्- ‘उग्रवामपन्थी अतिवाद र दक्षिणपन्थी बिचारका विरुद्धको वैचारिक तथा राजनीतिक संघर्षबाट निर्माण भएको जनताको बहुदलीय जनवाद आज हामीसंग छ । तर प्रश्न छ के हामीले जबजलाई सहि अर्थमा बुझेका छौ? सोही अनुरूपको व्यवहार गरेका छौ? फागुन २१ को निर्वाचनबाट किन चरम धक्का खायौ? यसमा नीति, नेतृत्व, संगठन, व्यवहार, कार्यशैली लगायतको दोष के के छ? जिम्मेवारी र जवाफदेहिता क-कस्ले लिनु पर्ने हो? पार्टी र आन्दोलनको पुनर्जागरण र पुन:उत्थानको मार्ग के हो? पार्टी स्थापना दिवसका अवसरमा यी र यस्ता सवालमा गंभीर बहस गरौ ।’ 

वैशाख ९ लाई कम्युनिष्ट आन्दोलनका लागि गम्भीर बहस गर्ने दिनका रूपमा लिनुपर्ने बताएका छन् । नेकपा स्थापना दिवसको सन्दर्भमा उनले यस्तो धारणा सार्वजनिक गरेका हुन् । भट्टराईका अनुसार विसं २००६ वैशाख ९ गते पुष्पलालको नेतृत्वमा नरबहादुर कर्माचार्य, नारायणविलास जोशी, निरञ्जन गोविन्द वैद्य र मोतीदेवी श्रेष्ठ लगायतले नेपाल कम्युनिष्ट पार्टी स्थापना गरेका थिए । स्थापना भएको ७६ वर्ष पूरा भई अब ७७औँ वर्षमा प्रवेश गर्न लागेको उल्लेख गरिएको छ ।

उनले पार्टीले यस अवधिमा फुट, विभाजन, एकता र पुनर्गठनका विभिन्न चरण पार गरेको उल्लेख गर्दै सफलतादेखि असफलतासम्मका अनुभव बटुलेको बताएका छन् । साथै पुष्पलाल, मनमोहन अधिकारी र मदन भण्डारीजस्ता नेताले बनाएको विरासत जोगाउने चुनौती वर्तमान नेतृत्वसामु रहेको उनको भनाइ छ ।

भट्टराईले जनताको बहुदलीय जनवादको व्यवहारिक प्रयोग, पछिल्लो निर्वाचनमा आएको धक्का, नीति, नेतृत्व, संगठन र कार्यशैलीबारे आत्मसमीक्षा आवश्यक रहेको बताएका छन् । उनले जिम्मेवारी र जवाफदेहिता स्पष्ट गर्दै पार्टी पुनर्जागरणको मार्ग खोज्नुपर्नेमा जोड दिएका छन् ।

यस अवसरमा उनले वैशाख ९ गते अपराह्न २ बजे च्यासलस्थित केन्द्रीय कार्यालयमा उपस्थित भई बहस तथा छलफलमा सहभागी हुन आह्वान गरेका छन् । साथै राजधानी बाहिर रहेका नेता–कार्यकर्तालाई पनि तोकिएको स्थानमा भेला भएर छलफल गर्न आग्रह गरेका छन् ।

Read More

काठमाडौँ । कालिन्चोक हाइड्रोपावर लिमिटेडको प्राथमिक सेयर (आइपिओ) निष्कासनको बाँडफाँड आज सम्पन्न भएको छ । बिक्री प्रबन्धक आरबिबी मर्चेन्ट बैंकिङको टेकुस्थित कार्यालयमा सोमबार बिहान बाँडफाँड गरिएको हो ।

कम्पनीले चैत २२ देखि २५ गतेसम्म सर्वसाधारणका लागि ६ लाख ८४ हजार ७५० कित्ता सेयर निष्कासन गरेको थियो । कम्पनीको कुल जारी पूँजी ५५ करोड रुपैयाँ रहेकोमा २५ प्रतिशत अर्थात १३ लाख ७५ हजार कित्ता सेयर सर्वसाधारणका लागि छुट्याइएको छ ।

यसमा दोलखा जिल्लाका प्रभावित स्थानीयका लागि ५ लाख ५० हजार कित्ता, सर्वसाधारणका लागि ८ लाख २५ हजार कित्ता सेयर छुट्याइएको थियो । सर्वसाधारणतर्फको सेयरमध्ये केही हिस्सा वैदेशिक रोजगारीमा रहेका नेपाली, कर्मचारी तथा सामूहिक लगानी कोषका लागि सुरक्षित गरिएको थियो भने बाँकी ६ लाख ८४ हजार ७५० कित्ता खुला गरिएको थियो ।

सेयरमा २६ लाख ३५ हजार ६३४ जनाबाट आवेदन परेको थियो, जसमा २ करोड ९१ लाखभन्दा बढी कित्ताका लागि माग गरिएको थियो । यसमध्ये ४२ हजार ४३६ आवेदन अयोग्य ठहरिएका छन् । बाँडफाँड अनुसार गोलाप्रथाबाट ६८ हजार ४७५ आवेदकले १०-१० कित्ता सेयर पाएका छन् ।

आइपिओको नतिजा सिडीएसीको आइपिओ रिजल्ट र मेरोशेयरको वेभसाइटमा हेर्न सकिने छ । 

Read More

काठमाडौँ । नेपाली कांग्रेसका पूर्वउपसभापति धनराज गुरुङले पार्टी छोड्नु ठुलो भूल हुने बताएका छन् ।

पार्टीभित्र एकता कायम गर्न आग्रह गर्दै अहिलेको अवस्थामा पार्टी छोड्नु ठुलो भूल हुने बताएका हुन् ।  उनले भनेका छन्- ‘हामीले यही पार्टीमा रहेर रगत बगायौं, कठिनतम् जीवन बितायौं। आफ्नै रगत र पसिनाले सिंचेको पार्टी परित्याग गर्नु जीवनमा ठूलो भूल हुनेछ। तसर्थ यस्तो भूल नगर्न र पार्टीमै रहेर पार्टी प्रति थप योगदान पु-याउनका लागी हार्दिक अनुरोध गर्दछु ।’

उनले विशेष महाधिवेशनलाई सर्वोच्च अदालतले वैधानिकता दिइसकेको अवस्थामा त्यसलाई स्वीकार गर्दै अघि बढ्नु लोकतान्त्रिक अभ्यास भएको बताएका छन् ।

गुरुङले हालै पूर्व केन्द्रीय नेताहरूबीच छलफल गरेर अदालतको फैसला मान्ने निष्कर्षमा पुगेको जानकारी दिएका छन् । 

गुरुङले विशेष महाधिवेशनबाट निर्वाचित सभापति तथा पदाधिकारीलाई बधाई दिँदै सबैलाई एकताबद्ध भएर पार्टीको हितमा लाग्न आह्वान गरेका छन् ।

Read More

काठमाडौँ । नेपाल क्रिकेट संघ (क्यान) ले ओमान, स्कटल्याण्ड  र अमेरिकासँग खेल्ने नेपाल ए टिमको घोषणा गरेको छ ।

अप्रिल २२ देखि मे ११ सम्म माथिल्लो मुलपानी क्रिकेट मैदानमा हुने खेलका लागि ३२ जना नेपाल ए टिमका लागि खेलाडी छनौट गरिएको हो ।

जसमा १ तृत राज दास, २ देव खनाल, ३ शङ्कर राना, ४ ईशान पाण्डे, ५ अरनिको यादव, ६ विवेक राना मगर, ७ अनिल कुमार साह, ८ अर्जुन घर्ती मगर, ९ नारायण जोशी, १० रसिद खान, ११ सन्तोष यादव, १२ हेमन्त धामी, १३ रिजन ढकाल, १४ आकाश चन्द, १५ विशाल पटेल, १६ अर्जुन साउद, १७ प्रतिष जीसी, १८ कुशल मल्ल, १९ युवराज खत्री, २० विपिन खत्री, २१ दिपेस कँडेल, २२ शेर मल्ल, २३ रुपेस सिंह, २४ सुभ कंसकार, २५ पवन सराफ, २६ सागर ढकाल, २७ दीपक प्रसाद डुम्रे, २८ साहब आलम, २९ प्रकाश जैसी, ३० सन्दीप जोरा, ३१ मयन यादव र ३२ अभिशेष गौतम रहेका छन् ।

त्यस्तै नेपाल ए को प्रमुख प्रशिक्षक राजु बस्न्यात र सहायक प्रशिक्षक: प्रकाश शर्मा रहेका छन् ।

Read More

काठमाडौँ । इरान र अमेरिकाबीच वार्ता जारी रहे पनि तनावपूर्ण अवस्था कायम रहेको छ । इरानी संसदका सभामुख मोहम्मद बाघेर गालिबाफले वार्ता चलिरहेको भए पनि महत्वपूर्ण विषयमा मतभेद कायम रहेकाले सहमति सजिलै नहुने बताएका छन् ।

दुवै देशबीचको युद्धविराम अप्रिल २२ मा समाप्त हुने समय नजिकिँदै गर्दा इरानले पाकिस्तानमा हुने दोस्रो चरणको वार्तामा सहभागी हुन अस्वीकार गरेको छ ।

इरानले अमेरिकामाथि अत्यधिक माग राख्ने, अव्यवहारिक सर्त अघि सार्ने, बारम्बार अडान परिवर्तन गर्ने र विरोधाभासी धारणा प्रस्तुत गर्ने आरोप लगाएको छ । साथै, गलत सूचना फैलाएको आरोप पनि लगाइएको छ ।

इरानका अनुसार अमेरिकी नौसैनिक नाकाबन्दी युद्धविराम सम्झौताविपरीत रहेको र धम्कीपूर्ण अभिव्यक्तिले अवस्था झनै बिगारिरहेको छ । यस्तो परिस्थितिमा वार्ताबाट सकारात्मक निष्कर्ष आउने सम्भावना न्यून रहेको बताइएको छ ।

यता पाकिस्तानस्थित इरानी राजदूत रजा अमीरी मोगद्दमले पनि अमेरिकाको आलोचना गरेका छन् । उनले अन्तर्राष्ट्रिय कानुन उल्लङ्घन गर्दै नाकाबन्दी कायम राख्नु र युद्धको चेतावनी दिनु गलत भएको बताएका छन् ।

इस्लामाबादमा सम्भावित मध्यस्थता वार्तालाई ध्यानमा राख्दै सुरक्षा व्यवस्था कडा बनाइएको छ । उच्चस्तरीय बैठकअघि सुरक्षाको मूल्यांकन गर्न अमेरिकी सुरक्षा टोलीसमेत पाकिस्तान पुगेको जनाइएको छ ।

यसबीच, इरानले अमेरिकाबाट नयाँ प्रस्ताव प्राप्त भएको जानकारी दिएको छ । ती प्रस्तावको विवरण सार्वजनिक नभए पनि तनाव कम गर्ने र वार्ता अघि बढाउने प्रयाससँग सम्बन्धित हुन सक्ने अनुमान गरिएको छ ।

Read More

काठमाडौं । नेपाली बजारमा आज सुनचाँदीको मुल्य घटेको छ ।

नेपाल सुनचाँदी व्यवसायी महासङ्घका अनुसार सोमबार छापावाल सुनको मुल्य तोलाको १३ सयले घटेर तोलाको २ लाख ९९ हजार ७ सयमा कारोबार भइरहेको छ । यसअघि आइतबार सुन तोलाको ३ लाख १ हजारमा कारोबार भएको थियो ।

यस्तै, आज चाँदीको मुल्य पनि घटेको छ । महासङ्घका अनुसार आज चाँदी तोलाको ३५ रुपैयाँले घटेर ५१९० मा कारोबार भइरहेको छ । यसअघि आइतबार चाँदी तोलाको ५२२५ मा कारोबार भएको थियो ।

Read More

काठमाडौँ । काठमाडौँको स्वयम्भू क्षेत्रबाट ३ जना सडक सहयोगापेक्षीहरुको उद्धार गरेर मानव सेवा आश्रममा राखिएको छ ।

यसरी उद्धार भएका व्यक्तिमध्ये ४४ वर्षिया महिलाको ठेगाना खुलेको छैन । उनको अवस्था सामान्य छ । ७० वर्षका पुरुषको ठेगाना लमजुङ हो भने उनको अवस्था पनि सामान्य नै छ । ५५ वर्षका पुरुषको घर नुवाकोट हो भने उनको हातमा चोट छ । 

यसअघि पशुपति क्षेत्रबाट ६ जना, कालीमाटीबाट २ जना, टेकुबाट १ जनालाई उद्धार गरिसकिएको छ । 

काठमाडौँलाई सडक आश्रित सहयोगापेक्षीमुक्त सहर बनाउन महानगरपालिकाले नेपाल प्रहरी, मानव सेवा आश्रम र स्थानीयहरुको सहभागिताका सडकमा रहेका विरामी, मानसिक तथा शारीरिक रुपमा अशक्त, वेवारिसे व्यक्तिहरुलाई उद्धार गरिरहेको छ ।

Read More