काठमाडौँ । श्रम संस्कृति पार्टीका अध्यक्ष हर्क साम्पाङले राष्ट्रिय स्वतन्त्र पार्टी र बालेन नेतृत्वको सरकार असफल भइसकेको टिप्पणी गरेका छन् ।

उनले गरिबको गाँस खोस्ने र बासस्थान भत्काउने सरकारलाई असफल सरकारको संज्ञा दिँदै अब त्यसको अवसान मात्रै बाँकी रहेको टिप्पणी गरेका हुन् ।

साम्पाङले गरिबमाथि हुने दमन र अमानवीय व्यवहार कुनै पनि हालतमा स्वीकार गर्न नसकिने बताउदै पत्रकार वा सामाजिक सञ्जालमार्फत गरिब र उनीहरूको पक्षमा बोल्नेलाई गाली गरेर यस्तो कार्यको समर्थन गर्न नसकिने स्पष्ट पारे ।

उनले ठूलो भ्रष्टाचार गरेर महलमा आरामसँग बस्नेहरूलाई चुनौती दिँदै गरिबलाई सहज रूपमा बाँच्न सक्ने वातावरण बनाउन आग्रह गरेका छन् ।

उनले गरिबलाई दबाउन हजारौँ प्रहरी र सेना परिचालन गर्ने सरकार लोकतान्त्रिक हुन नसक्ने बताउदै चुनावका बेला मत माग्नेहरू अहिले जनताको पीडा देखेर मौन बसेको आरोप लगाए । उनले भनेका छन्- ‘चुप चाप घण्टीमा छाप भन्दै भोट माग्ने र दिनेहरु अब चुपचाप सामान बोकी टाप दिन पर्दाको विजोगलाई म कुनै पनि हालतमा अनुमोदन गर्न सक्दिन ! गरीबको दु:ख नदेख्ने आँखा ! गरीबको घाऊमा मलहम लगाउन नसक्ने हात र गरीबको पिडा बोल्न नसक्ने ओठको केही काम छैन ! सबैलाई यो बेला सरकारको जमेर विरोध गर्न आह्वान गर्दछु !’

साम्पाङले गरिबको दुःख नदेख्ने आँखा, घाउमा मलहम लगाउन नसक्ने हात र पीडा बोल्न नसक्ने ओठको कुनै अर्थ नरहेको उल्लेख गर्दै सरकारको कडा विरोध गर्न सबैलाई आह्वान गरेका छन् ।

उनले नेता महलमा बस्ने र जनता सडकमा बस्नुपर्ने अवस्था किन आएको भन्दै सम्पूर्ण नेपालीसमक्ष गम्भीर प्रश्न उठाएका छन् ।

Read More

काठमाडौं । राष्ट्रपति रामचन्द्र पौडेल आज (सोमबार) तनहुँ जाने कार्यक्रम रहेको छ। तनहुँको भानु नगरपालिका–४, चुँदीरम्घामा निर्माण हुन लागिरहेको ‘भानु साहित्य उद्यान’ को शिलान्यास गर्न उहाँ त्यसतर्फ प्रस्थान गर्न लाग्नुभएको हो।

नेपाली साहित्यका आदिकवि भानुभक्त आचार्यको जन्मस्थलसँग सम्बन्धित उक्त क्षेत्रमा साहित्यिक तथा सांस्कृतिक महत्त्व झल्काउने उद्देश्यले उद्यान निर्माण गर्न लागिएको हो। प्रस्तावित उद्यानले नेपाली भाषा, साहित्य र संस्कृतिको संरक्षण तथा प्रवर्द्धनमा महत्वपूर्ण योगदान पुर्‍याउने अपेक्षा गरिएको छ।

राष्ट्रपति पौडेलको उपस्थितिमा हुने शिलान्यास कार्यक्रमले स्थानीय तहदेखि राष्ट्रिय स्तरसम्म साहित्यप्रेमीहरूमा उत्साह थप्ने विश्वास गरिएको छ। साथै, यस परियोजनाले आन्तरिक पर्यटन प्रवर्द्धनमा समेत टेवा पुर्‍याउने लक्ष्य राखिएको सम्बन्धित निकायले जनाएको छ।

Read More

काठमाडौं । नेपाल राष्ट्र बैंक ले आजका लागि लागू हुने विदेशी मुद्राको विनिमयदर सार्वजनिक गरेको छ। केन्द्रीय बैंकले तोकेको दरअनुसार विभिन्न प्रमुख अन्तर्राष्ट्रिय मुद्राको खरिद तथा बिक्री मूल्य निर्धारण गरिएको हो।

विदेशी मुद्राको विनिमयदर (आजका लागि)

देश / मुद्रा	खरिददर (रु.)	बिक्रीदर (रु.)
अमेरिका (अमेरिकी डलर)	१५०.५०	१५१.१०
युरोपियन क्षेत्र (युरो)	१७६.३७	१७७.०७
बेलायत (पाउन्ड स्टर्लिङ)	२०३.६६	२०४.४८
स्विट्जरल्याण्ड (स्वीस फ्रयाङ्क)	१९१.६८	१९२.४५
अष्ट्रेलिया (अष्ट्रेलियन डलर)	१०७.६५	१०८.०८
क्यानडा (क्यानेडियन डलर)	११०.११	११०.५५
सिङ्गापुर (सिङ्गापुर डलर)	११७.९४	११८.४१
जापान (१० येन)	९.४४	९.४८
चीन (युआन)	२२.०१	२२.१०
साउदी अरेबिया (रियाल)	४०.१२	४०.२८
कतार (रियाल)	४१.२८	४१.४५
थाइल्याण्ड (भाट)	४.६५	४.६७
यूएई (दिराम)	४०.९७	४१.१४
मलेसिया (रिङ्गेट)	३७.९६	३८.११
दक्षिण कोरिया (१०० वन)	१०.१९	१०.२३
स्वीडेन (क्रोनर)	१६.३५	१६.४१
डेनमार्क (क्रोनर)	२३.६१	२३.७०
हङकङ (डलर)	१९.२१	१९.२८
कुवेत (दिनार)	४९०.८७	४९२.८२
बहराइन (दिनार)	३९८.६०	४००.१९
ओमान (रियाल)	३९०.९०	३९२.४६
भारत (१०० रुपैयाँ)	१६०.००	१६०.१५

केन्द्रीय बैंकका अनुसार आवश्यकताअनुसार यी विनिमयदरहरू जुनसुकै समयमा संशोधन गर्न सकिनेछ। साथै, वाणिज्य बैंकहरूले निर्धारण गर्ने दरमा केही फरक हुन सक्ने जनाइएको छ। अद्यावधिक विवरण नेपाल राष्ट्र बैंक को आधिकारिक वेबसाइटमार्फत प्राप्त गर्न सकिनेछ।

Read More

काठमाडौँ । अहिलेसम्म, बी-कोशिकाहरूलाई शरीरको प्रतिरक्षा प्रणालीको सुरक्षा गार्डको रूपमा हेरिन्थ्यो, बाहिरी रोग पहिचान गर्ने र एन्टिबडीहरू उत्पादन गरेर उनीहरूसँग लड्न मद्दत गर्ने रुपमा हेरिन्थ्यो । यद्यपि, वैज्ञानिक जर्नल सेलमा प्रकाशित एक अध्ययनले बी-कोशिकाहरूको लागि फरक र महत्त्वपूर्ण भूमिका प्रकट गरेको छ । 

चीनको सिंघुआ विश्वविद्यालयका वैज्ञानिकहरूले गरेको अध्ययनमा यी प्रतिरक्षा कोशिकाहरूले व्यायामको क्रममा मांसपेशीको सहनशीलता र प्रदर्शन कायम राख्न पनि महत्त्वपूर्ण भूमिका खेल्छन् । अनुसन्धानका अनुसार, बी-कोशिकाहरूले, एक विशिष्ट प्रोटीन मार्फत, ग्लुटामेट नामक एमिनो एसिडको स्तरलाई नियमन गर्छन्, जुन मांसपेशीको ऊर्जा प्रणाली र इष्टतम मांसपेशी कार्यको लागि आवश्यक छ ।

सिंघुआ विश्वविद्यालयका प्रमुख अनुसन्धानकर्ता र इम्युनोलोजिस्ट पेङ जियाङले पहिलो पटक बी-कोशिकाहरूको लागि भूमिका पहिचान गरिएको बताएका छन्, जुन प्रतिरक्षा प्रणालीसँग प्रत्यक्ष रूपमा सम्बन्धित छैन । उनले यसलाई हाम्रो प्रारम्भिक अपेक्षाहरूभन्दा बाहिरको रूपमा वर्णन गरेका छन् ।

अनुसन्धानकर्ताहरूले प्रतिरक्षा प्रणाली र व्यायाम क्षमता बीच प्रत्यक्ष सम्बन्ध छ कि छैन भनेर निर्धारण गर्न खोजेको रिपोर्टमा उल्लेख हच । यो गर्न, तिनीहरूले आनुवंशिक रूपमा कम बी-कोशिका संख्या भएका मुसाहरूको अध्ययन गरे । यी मुसाहरूलाई ट्रेडमिलमा दौडन बनाइएको थियो । लगभग १५ मिनेटको अवधिमा नियमित अन्तरालमा मेसिनको गति बढाइएको थियो, र मुसाहरू पूर्ण रूपमा थकित भएपछि परीक्षण रोकिएको थियो । त्यसपछि वैज्ञानिकहरूले दोस्रो समूहमा पनि उही प्रयोग गरेका थिए । 

यो समूहलाई एन्टिबडी थेरापी दिइयो, जुन मानवमा क्यान्सर निम्त्याउने बी-कोशिकाहरूलाई लक्षित गर्न प्रयोग गरिन्छ । यो थेरापीले शरीरमा बी-कोशिकाहरूलाई नष्ट गर्छ । दुवै समूहहरूलाई सामान्य बी-कोशिकाहरू भएको नियन्त्रण समूहसँग तुलना गरिएको थियो । 

अनुसन्धानकर्ताहरूले कम बी-कोशिकाहरू भएका मुसाहरूमा, चाहे आनुवंशिक उत्परिवर्तन वा एन्टिबडी थेरापीको कारणले होस्, सामान्य मुसाहरूको तुलनामा कम सहनशीलता र मांसपेशी बल भएको पत्ता लगाएको छ । यसले बी-कोशिकाहरूले प्रतिरक्षामा मात्र नभई शारीरिक प्रदर्शन कायम राख्न पनि महत्त्वपूर्ण भूमिका खेल्ने रिपोर्टमा उल्लेख छ ।

वैज्ञानिकहरूले बि-कोशिकाहरू नभएका मुसाहरूमा व्यायाम पछि तिनीहरूको मांसपेशीहरूमा ग्लुटामेटको स्तर पनि कम थियो । ग्लुटामेट एक एमिनो एसिड हो जसले कोशिकाहरूमा ऊर्जा उत्पादन सुधार गर्न मद्दत गर्दछ । जब यसको स्तर उच्च हुन्छ, मांसपेशीहरू अधिक कुशल हुन्छन् र थकान ढिलाइ हुन्छ । 

अनुसन्धानका अनुसार, बि-कोषहरूले टिजीएफ-बि-१ भनिने संकेतात्मक प्रोटिन उत्पादन गर्छन् । यो प्रोटिनले कलेजोमा ग्लुटामेट उत्पादन बढाउन मद्दत गर्छ । यदि यो प्रक्रिया अवरुद्ध भयो भने, मांसपेशी र रगतमा ग्लुटामेटको उपलब्धता घट्छ, जसले गर्दा व्यायाम क्षमतामा कमी आउन सक्छ ।

Read More

काठमाडौँ । नेपाली कांग्रेस केन्द्रीय अनुशासन समितिको बैठक आज बस्दैछ । 

आज दिउँसो २ बजे पार्टीको केन्द्रीय कार्यालय सानेपामा बस्नेगरी बैठक बोलाइएको सचिव दिनेश थापामगरले जानकारी दिएका छन् ।

बैठकले यसअघि स्पष्टीकरण सोधिएका पूर्व कार्यवाहक सभापति पूर्णबहादुर खड्का बारे निर्णय गर्नसक्ने बताइएको छ ।

Read More

काठमाडौँ । इरानका विदेशमन्त्री अब्बास अराघची फेरि पाकिस्तानको राजधानी इस्लामाबाद फर्किएका छन् । दुई दिनभित्र यो उनको दोस्रो भ्रमण हो । यस क्रममा उनले पाकिस्तानी नेताहरूसँग भेटवार्ता गर्नेछन् ।

इस्लामाबादमा केही समय बसेपछि अराघची रुसतर्फ प्रस्थान गर्ने कार्यक्रम रहेको छ । यसअघि शनिबार उनले पाकिस्तानका प्रधानमन्त्री शहबाज शरीफ र सेना प्रमुख आसिम मुनीरसँग भेट गरेका थिए ।

भेटका क्रममा उनले इरानका सर्तहरू र अमेरिकाका मागप्रति आफ्नो आपत्ति पाकिस्तानसमक्ष राखेका थिए। इरानले अमेरिकासँग प्रत्यक्ष वार्ता नगर्ने र आफ्नो धारणा पाकिस्तानमार्फत मात्रै पुर्‍याउने स्पष्ट गरेको छ ।

शनिबार साँझ अराघची ओमान गएका थिए । त्यहाँ उनले ओमानका सुल्तान तारिक बिन हैथमसँग भेट गर्दै युद्ध रोक्ने र शान्ति स्थापना गर्ने प्रयासबारे छलफल गरेका थिए ।

अब अराघची रुसको सेन्ट पिटर्सबर्गमा राष्ट्रपति भ्लादिमिर पुटिनसँग भेट गर्नेछन् । भेटमा अमेरिका-इजरायल-इरानबीचको तनाव, युद्धको अवस्था र शान्ति वार्ताको सम्भावनाबारे छलफल हुने बताइएको छ ।

इरानको सरकारी समाचार संस्था आइआरएनएका अनुसार वर्तमान तनावपूर्ण अवस्थामा युद्ध अन्त्यका लागि कूटनीतिक प्रयास तीव्र बनाइएका छन् । बैठकमा रुसका विदेशमन्त्री सर्गेई लावरोभ पनि सहभागी हुने जनाइएको छ ।

Read More

काठमाडौँ । कक्षा १२ को परीक्षा आजदेखि शुरु हुदैछ ।

कक्षा १२ को आजदेखि शुरु हुने परीक्षामा ४ लाख १८ हजार ८ जना परीक्षार्थी सहभागी हुने राष्ट्रिय परीक्षा बोर्डले जानकारी दिएको छ । बोर्डका अनुसार नियमिततर्फ ३ लाख ३२ हजार १७८ र आंशिकतर्फ ८५ हजार ८३० जना विद्यार्थी सहभागी हुँदैछन् ।  २०७९ यताका विद्यार्थी आंशिक परीक्षामा सहभागी हुने बोर्डले जनाएको छ । त्यस्तै जापानको एभरेस्ट स्कुलबाट पनि ३६ जना विद्यार्थी परीक्षामा सहभागी हुदैछन् । 

यस वर्ष १ हजार ४२१ परीक्षा केन्द्र तोकिएको छ, जो गत बर्षको भन्दा कम हो । गत वर्ष ५ लाख ११ हजार ५२५ परीक्षार्थी थिए । उक्त परीक्षाको नतिजा गत साउनमा प्रकाशित हुँदा ६१.१७ प्रतिशत विद्यार्थी उत्तीर्ण भएका थिए । 

उत्तरपुस्तिकासहित परीक्षा सामग्री परीक्षा केन्द्रहरूमा पठाइएको र प्रश्नपत्र भने अनलाइनबाट पठाउने गरिएको छ । परीक्षा सञ्चालन हुने दिन नै बोर्डले परीक्षा केन्द्रहरुमा अनलाइनबाट पठाएको प्रश्नपत्र प्रिन्ट गरेर परीक्षार्थीलाई वितरण गर्ने व्यवस्था मिलाइएको बोर्डले जानकारी दिएको छ । आज देखि शुरु हुने परीक्षा वैशाख २७ गते सकिने समयतालिका छ ।

उत्तरपुस्तिका परीक्षण गत वर्षजस्तै बोर्डले तोकेको परीक्षण केन्द्रमा गरिने र ४५ दिन भित्र नतिजा निकाल्ने गरि बोर्डले तयारी गरेको बताएको छ ।

Read More

काठमाडौं । नेपाली कांग्रेसले केन्द्रीय कार्यसम्पादन समिति बैठक आज बस्दैछ । बैठक सानेपास्थित केन्द्रीय कार्यालयमा सोमबार बिहान ११ बजे बस्ने गरी बोलाइएको हो ।

बैठकमा पार्टी सभापति गगन थापाले संसदीय दलको नेताका लागि सहमतिको प्रस्ताव पेस गर्ने र सहमतिको आधारमा नेताको नाम टुङ्ग्याउने तयारी गरिएको छ । कार्यसम्पादन समितिको बैठक लगत्तै आज दिउँसो १ बजे संसदीय दलको बैठक पनि बोलाइएको छ ।

शुक्रबार बसेको कांग्रेस केन्द्रीय कार्यसम्पादन समितिको बैठकले निर्वाचन स्थगित गरेको थियो । यससँगै बैठकले सर्वसम्मत रूपमा दलको नेता चयन गर्न वार्ता टोली पनि गठन गरेको छ । कांग्रेसले उपसभापति विश्वप्रकाश शर्माको नेतृत्वमा वार्ता टोली गठन गरेको हो। वार्ता टोलीमा उपसभापति पुष्पा भुसाल, महामन्त्री प्रदीप पौडेल, गुरुराज घिमिरे र निर्वाचन समितिका संयोजक तथा सहमहामन्त्री प्रकाश स्नेही सदस्य रहेका छन् ।

Read More

काठमाडौँ । कोलकोता नाइट राइडर्सले जारी आइपिएलमा सुपर ओभरमा लखनउ सुपर जाइन्टलाई पराजित गरेको छ ।

गएराती सम्पन्न खेलमा यस आइपिएलको पहिलो सुपर ओभरमा कोलकोताले लखनउलाई पराजित गर्दै महत्वपूर्ण २ अंक बटुलेको हो ।

सुपरओभरमा ३ बलमा दुवै विकेट गुमाएको कोलकोताले केवल २ रनको लक्ष्य दिएकोमा कोलकोताका रिंकु सिंहले पहिलो बलमा चौका प्रहार गरेर जित दिलाएका थिए ।

यसअघि कोलकोताले दिएको १५६ रनको लक्ष्य पछाएको लखनउले २० ओभरमा ८ विकेट गुमाउदै १५५ रन बनाए पछि खेल सुपर ओभरमा पुगेको थियो ।

यो जारी आइपिएलमा कोलकोताको दोस्रो जित हो । यो जितपछि कोलकोताको ८ खेलमा ५ अंक भएको छ र आठौँ स्थानमा उक्लिएको छ । त्यस्तै लखनउको भने यो यस सिजनमा छैटौं हार हो । ८ खेलमा ४ अंकसहित लखनउ अंक तालिकामा पुछारमा रहेको छ ।

Read More

काठमाडौँ । आइसीसी क्रिकेट विश्वकप डिभिजन लिग- २ अन्तर्गत आज ओमान र युएईबीच खेल हुदैछ ।

टियु क्रिकेट मैदानमा हुने यो खेल बिहान साँढे ९ बजदेखि शुरु हुदैछ । जारी सिरिजको पहिलो खेलमा युएई नेपालसँग पराजित भएको थियो । लिग- २ मा ओमानको २४ खेलमा २९ अंक रहेको छ र तेस्रो स्थानमा रहेको छ । त्यस्तै युएईको २१ खेलमा १० अंक रहेको छ र अंक तालिकामा पुछारमा छ ।

ओमान र युएई एकदिवसीय खेलमा अहिलेसम्म १० पटक आमने सामने भएका छन् । जसमा ओमानले ६ खेल जितेको छ भने ३ खेल युएईले जितेको छ । त्यस्तै एक खेल टाई भएको थियो ।

पछिल्लो पटक दुवैबीच २०२४ को नोभेम्बरमा भएको खेल ओमानले ४ विकेटले जितेको थियो ।

Read More