काठमाडौं । निर्वाचन आयोगले समानुपातिक प्रणाली अन्तर्गत निर्वाचित सांसदहरूलाई भोलि औपचारिक रूपमा प्रमाणपत्र प्रदान गर्ने तयारी गरेको छ। आयोगका अनुसार बिहीबार बिहान साढे ११ बजे आयोजित कार्यक्रममा निर्वाचित प्रतिनिधिहरूलाई प्रमाणपत्र हस्तान्तरण गरिनेछ।
यस प्रणालीबाट कुल ११० जना सांसद निर्वाचित भएका छन्। तीमध्ये सबैभन्दा धेरै प्रतिनिधित्व राष्ट्रिय स्वतन्त्र पार्टी (रास्वपा) को रहेको छ, जसबाट ५७ जना सांसद चयन भएका छन्।
त्यसैगरी नेपाली कांग्रेसबाट २०, नेकपा (एमाले) बाट १६, नेकपाबाट ९, श्रम संस्कृति पार्टीबाट ७ र राष्ट्रिय प्रजातन्त्र पार्टी (राप्रपा) बाट ५ जना समानुपातिक सांसद निर्वाचित भएका छन्।
प्रमाणपत्र वितरणसँगै उनीहरूको संसदीय यात्राको औपचारिक सुरुवात हुनेछ।
