काठमाडौं । नेपाली कांग्रेसका महामन्त्री विश्वप्रकाश शर्माले यही फागुन २१ गते हुने प्रतिनिधिसभा निर्वाचनमा आफू उम्मेदवार नबन्ने स्पष्ट घोषणा गरेका छन्।
पार्टीको केन्द्रीय कार्यसम्पादन समितिको आज बसेको बैठकमा शर्माले आफ्ना सहकर्मीहरूलाई आगामी निर्वाचनमा चुनावी प्रतिस्पर्धाबाट बाहिर रहने जानकारी गराएका हुन्।
उनको नाम झापा–१ बाट प्रतिनिधिसभा सदस्यका लागि सर्वसम्मत रूपमा सिफारिस भइसकेको भए पनि शर्माले आफ्नो अडान दोहोर्याउँदै चुनाव नलड्ने निर्णयमा अडिग रहेको बताएका छन्। उनले अघिल्लो निर्वाचनकै क्रममा ०८४ सालको चुनावमा उम्मेदवार नबन्ने घोषणा गरिसकेको स्मरण गराउँदै अब नयाँ नेतृत्वलाई अघि बढ्न अवसर दिनुपर्ने धारणा राखे।
पार्टीभित्र प्रभावशाली नेताको रूपमा चिनिएका शर्माको यो निर्णयलाई कांग्रेसभित्र पुस्तान्तरण र नेतृत्व विकासको संकेतका रूपमा पनि हेरिएको छ।
