काठमाडौं । नेपाली कांग्रेसका प्रभावशाली नेता तथा पूर्वमन्त्री प्रदीप पौडेलले पार्टीको आसन्न १५औं महाधिवेशनमा महामन्त्री पदका लागि उम्मेदवारी दिने औपचारिक घोषणा गरेका छन्।
१४औं महाधिवेशनमा महामन्त्रीमा पराजय व्यहोरेका पौडेलले यसपटक पनि सोही पदमा आफ्नो दाबी प्रस्तुत गर्ने बताएका हुन्। उनले आज काठमाडौंमा आयोजित पत्रकार सम्मेलनमार्फत आफ्नो राजनीतिक निर्णय सार्वजनिक गरे।
पत्रकार सम्मेलनमा पौडेलले भने, अघिल्लो महाधिवेशनमा महामन्त्री पदमै प्रतिस्पर्धा गरिसकेकाले अब सोभन्दा तल्लो पदमा जाने प्रश्न नै नरहेको बताए। “महामन्त्रीभन्दा माथि पुग्ने परिस्थिति अहिले बनेको छैन, त्यसैले मैले आफूलाई फेरि महामन्त्रीकै भूमिकामा प्रस्तुत गर्ने निर्णय गरेको हुँ,” उनले स्पष्ट पारे।
१४औं महाधिवेशनबाट महामन्त्री पदमा गगन थापा र विश्वप्रकाश शर्मा निर्वाचित भएका थिए। हाल थापाले सभापतिमा उम्मेदवारी दिने घोषणा गरिसकेका छन् भने अर्का महामन्त्री शर्मा अहिलेसम्म मौन छन्। यद्यपि शर्माले सार्वजनिक रूपमा थापालाई सहयोग गर्ने संकेत दिइसकेका छन्।
यससँगै कांग्रेसको आगामी महाधिवेशनमा नेतृत्व प्रतिस्पर्धा थप रोचक बन्दै जाने संकेत देखिएको छ।
१४औं महाधिवेशनमा महामन्त्रीमा गगन थापा र विश्वप्रकाश शर्मा निर्वाचित भएका छन् । दुई महामन्त्रीमध्ये थापाले सभापतिमा उठ्ने घोषणा गरेका छन् । अर्का महामन्त्री शर्माले भने अहिलेसम्म केही घोषणा गरेका छैनन् । तर, उनले सभापतिमा थापालाई सघाउने सार्वजनिक रुपमा बोलिसकेका छन् ।
